Dhek 7:13 - JAM DE NHIALIC 2011

¹³ Aye Bɛ̈nydït de rɛm lueel an, Në luɔi kën kek kë luɛɛl piŋ, lɔ̈ŋden akɛ̈n bɛ̈n piŋ ɣɔn ye kek lɔ̈ŋ.

Dhek 7:13 Iomraidhean Croise

Kɛ̈ŋ 21:13

Raan ee yeyïc kum të piŋ en kiɛɛu de raan kuanynyin, yïth acïkï bï piŋ në kööl ë kiɛɛude.

Kɛ̈ŋ 28:9

Të cïï raan yeyïc pɛ̈n pïŋ de löŋ, ke lɔ̈ŋde ee gök de kërɛɛc mɛɛn Bɛ̈nydït.

Yith 1:15

“Të la wek we cin taar në lɔ̈ŋ, wek cä bï lieec, na we cak lɔ̈ŋ në lɔ̈ŋ yïndï, ke acä bï piŋ, në luɔi cïï cinkun thiäŋ në rim.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Jeremia 11:11

Ka ënɔɔnë, Yɛn Bɛ̈nydït, Ayɔ̈ɔ̈k keek nɔn bän riääk yiɛ̈n keek, ku acïkï bï ban. Ku të le kek lɔ dhiau, ke ke kɔɔr kuɔɔny tëde Yɛn, Yɛn cïï dhiënden bï piŋ.

Jeremia 11:14

Ka yïn Jeremia, du läŋ ë biäk ee kɔckë, ku du ya läŋ ë biäkden. Të le kek nuan lɔ yök ku cɔlkï Yɛn bä ke kony, Yɛn cïï bï piŋ.”

Jeremia 14:12

Cakaa kek ë reec këcam, Yɛn cïï lɔ̈ŋden bï kɔɔr kek kuɔɔny bï piŋ, na cakaa kek ë gëm Yɛn miɔ̈c ye nyop ëbɛ̈n, ku nɔn ee miɔ̈c ë rap, Yɛn cïï piɔ̈u bï miɛt wo keek. Abä keek nɔ̈k ë abätäu, ku näk keek ë cɔk ku jɔɔk.”

Jeremia 14:2

an, “Juda adhiau, pɛ̈ɛ̈nydïtke arilkï wei. Kɔcke atɔ̈ukï piny ë jiɛthëpiɔ̈u, ku Jeruthalem adhiëëu kuɔɔny.

Jeremia 7:27

“Ka yïn Jeremia, yïn bï ee wëlkë dhil lɛ̈k kɔckï kedhie, ku acïkï këdu bï piŋ, abä keek cɔɔl ku acïkï bï gam.

Dhiëëu 3:44

Acï thiaan në luän dïït coolic, agönhdu acïï lɔ̈ŋda tɔ lɔ tëde Yïn.

Edhekiɛl 14:3

“Mɛnh ë raan, kɔckë acïk kepiɔ̈ɔ̈th gäm yiëth ku tɔkï yiëth wɛt keek në rɛ̈ɛ̈cic. Yek tak bä ke gäm këdɛn kɔɔrkï?

Edhekiɛl 20:3

“Mɛnh ë raan, jamë wek ee röördït ku lɛ̈kë keek an acïï Bɛ̈nydït Awärjäŋ lueel an: ‘Wek cï bɛ̈n bäk këde piɔ̈ndï kɔɔr, cie tɔ̈u de ka? Në yic, ke ya ye Nhialic pïïr. Acä lueel, Yɛn Bɛ̈nydït Awärjäŋ.

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Maika 3:4

Akööl abïkï, akööl bä wek Bɛ̈nydït aa cɔɔl, ku acïï cɔ̈tdun bï ya piŋ. Abï yenyin aa kuaak në week, në luɔi cä wek karɛc looi.

Luk 13:25

Rial, të cï bɛ̈ny de ɣöt rɔt guɔ jɔt ku jɔ ɣöt thiöök thok, ku we bï jɔ kɔ̈ɔ̈c biic, ku taŋkï ɣöt thok, ku luɛlkï an, ‘Bɛ̈nydït, liëpë we ɣöt!’ Ku abï bɛ̈ɛ̈r, yöök week an, ‘Wek kuöc të bä wek thïn!’

Jakop 4:3

We ye lip, ku cäkï käŋ ee yök, në lip aa wek kuöc lip, ee kë bä wek käŋ aa thiäi wei ë kamit kaarkï, en aa yak lip.