Dhek 6:6 - JAM DE NHIALIC 2011

⁶ Abël thel ë jöŋgöör col, alɔ piny de Babilonia të lɔ rut. Ku abël thel ë jöŋgöör ɣer, alɔ të lɔ aköl athɛ̈i. Ku abël thel ë jöŋgöör kän lëk, alɔ të lɔ wöuwic.

Dhek 6:6 Iomraidhean Croise

Yith 30:6

Kënë ee jam bɔ̈ tëde Nhialic në biäkde läi ke piny de wöuwic an, “Tuuc yak tooc, ayek cath piny ë riɔ̈ɔ̈c de yic kɔ̈ɔ̈r ku karɛc de thook wurïï ayï ŋuäl ee päär. Ayek mulken ku thɔ̈rɔ̈ɔ̈lken thiɔ̈ɔ̈ŋ kɔ̈ɔ̈th në kajuëc ke miɔ̈c le gäm jur cïï keek ee kony.

Yith 43:6

Yɛn kɔc ke biäk të lɔ rut yɔ̈ɔ̈k bïk ke tɔ jël, ku kɔc ke wöuwic cïkï keek bï pëën, takkï kɔckï puk röt në piiny mec yiic piiny mec nu ë piny nɔm.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Jeremia 46:10

Kënë ee kööl de Bɛ̈nydït Awärjäŋ, abï rɔt guöör ee köölë, ee köölë abï kɔc ke aterde luöi këtuc. Abïï abätäude ke cam abïï kuɛth, ku dek riɛmden abï thiäŋ. Ee köölë Awärjäŋ anäk kɔc ke aterde të lɔ rut, ë wɛ̈ɛ̈r ë Yuparat yɔu.

Jeremia 51:48

Ku këriëëc nu tënhial kekë piny ë bɛ̈n, abïk aa cööt në miɛtëpiɔ̈u, kööl bïï Babilonia lööny në kɔc bɔ̈ të lɔ rut cin, bïk bɛ̈n riɔ̈ɔ̈k.

Jeremia 6:1

Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Edhekiɛl 1:4

Na wën aa tiëŋ tënhial, ke ya tïŋ amaŋdïït e yom ke bɔ̈ në biäk të lɔ rut. Ke ye wil ë biliny në luändïtic, ku tënhial nu ë yelɔ̈ɔ̈m aa lɔ biɔ̈rbiɔ̈r. Ku të ye mac lɔ bilinyë, ade kë ee riau ke cït Maläŋ.

Danyel 11:40

“Ke të cï kööl ciëën ke melik de Thiriya thiɔ̈k në bɛ̈n, abïï melik de Rip yen yiɛ̈n tɔŋ, ku melik de Thiriya abï tɔŋ looi në riɛlde ëbɛ̈n, abï tɔŋ looi në abëël ke tɔŋ, ku joŋgöör, ku abëël wïïr juëc. Abï wuöt juëc luöi tɔŋ cït man ë pïïu ke amool.

Danyel 11:9

melik de Athiriya abï Rip yiɛ̈n tɔŋ, ku abï tɔ lɔ ciëën në riɛl.

Nyuuth 6:5

Na wën, aacï adöŋ ee kek diäk kuɛ̈k bei, ke ya piŋ lɛ̈n ee kek diäk alueel, an, “Bä tïŋ!” Aguɔ anyin jɔt, ku ja jöŋgör col tïŋ: ku raan rɛ̈ɛ̈r ë yekɔ̈u amuk medhaan ë yecin.