Dhek 6:5 - JAM DE NHIALIC 2011

⁵ Go tunynhial puk nɔm an, “Kakë ee wëi lɔ në aguuk ke pinynɔm kaŋuan. Aake jɔ bɛ̈n ciëën në Bɛ̈nydït lɔ̈ɔ̈m, Bɛ̈nydït de pinynɔm ëbɛ̈n.

Dhek 6:5 Iomraidhean Croise

1 Mel 19:11

Go ë Bɛ̈nydït lɛ̈k en, an, “Lɔɔ, ku kääcë ë kuur nɔm ë Bɛ̈nydït nɔm.” Go Bɛ̈nydït tëëk, go yom dïït ril ago kur ɣääriic ku dhoŋ kur kor ë Bɛ̈nydït nɔm, ku Bɛ̈nydït acïï nu ë yomic: na wën, aacï yom wan, ke piny nieŋ rɔt, ku Bɛ̈nydït ë cïï nu të nieeŋ piny ë rɔt.

1 Mel 22:19

Go Mikaya ŋoot ke jam an, “Ënɔɔnë piɛŋkï kë lueel ë Bɛ̈nydït! Yɛn cï Bɛ̈nydït tïŋ ke rɛ̈ɛ̈r ë thöönyde nɔm paannhial, kekë tuucnhialke ke ke rɛ̈ɛ̈r ë yelɔ̈ɔ̈m

Jop 1:6

Na ɣɔn, ë kööl tök, ke wɛ̈ɛ̈t ke Nhialic ë ke bɔ̈ në Bɛ̈nydït nɔm, bï bɛ̈n ë Bɛ̈nydït nɔm, Catan ku nu jɔŋdït rac ke keek aya.

Diɛt 148:8

Wek yï wïl ë deŋ ku deŋ ë kɔi ku luäät. Ku yomdïït ee jamde piŋ.

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Jeremia 49:36

Yɛn bï yom tɔ put ke lɔ të lɔ Eelam në aguuk kedhie, Yɛn bï kɔcke thiäi ë piny nɔm ëbɛ̈n, abï ciën jur töŋ bï döŋ ke cïn yic kɔckɛn lɔ thïn.

Edhekiɛl 11:22

Go Cerubiim päär gɔl, ago cök jäl në keek. Ku jɔ dhuëëŋ de Nhialic de Yithriɛl tɔ̈u në kenïïm nhial.

Edhekiɛl 37:9

Go Nhialic lɛ̈k ɛn an, “Mɛnh ë raan, cäärë yom. lɛ̈kë yom an Bɛ̈nydït Awärjäŋ acï yïn yɔ̈ɔ̈k bä bɛ̈n në ɣään kedhie, bä wëi bɛ̈n kuɔɔth në gup cï thuowë yiic, ku bä keek bɛ tɔ pïïric”.

Danyel 11:4

Ku të cï yen jɔ riɛl aläl, ciɛɛŋde abï ye yic tek në biäk ke pinynɔm kaŋuan. Meliik cie kuatde abïk piny cieŋ ë nyinde yic, ku acïkï bï dɛ riɛl wään tɔ̈u ke yen.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Danyel 7:2

në kë wään bä tïŋ ee wɛ̈ɛ̈r ë yic: Yom aa put ë ɣään kedhie ku aaye rɔt yuöp ë wɛ̈ɛ̈r yic.

Dhek 4:10

Ku raan biɔn caak ciɛk ë käŋ röt ë määth, abï piɔ̈u miɛt wadäŋ, të le yen wïn ë thëm tïŋ në Dherubabel ciin.

Dhek 4:14

Go lueel an, Kakë ee kɔc kaarou cï Bɛ̈nydït lɔc bïk en aa luööi në pinynɔm ëbɛ̈n.

Dhek 6:1

Na wën, ke ya be a nyin jat nhial, guɔ abëël ke tɔŋ tïŋ kaŋuan ke ke bɔ̈ bei në kɛm ke kur kaarou. Ku kek ee kurkë, ee kur ke maläŋ.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Luk 1:19

Go tunynhial bɛ̈ɛ̈r, yöök an, “Yɛn Gabriɛl kï, yɛn ee kɔ̈ɔ̈c ë Nhialic nɔm, ku yɛn cï tooc bä bɛ̈n jam wo yïn, ku bä wëlpiɛthkë bɛ̈n lɛ̈k yïn.

Ɣeberuu 1:14

Tuucnhial cïkï ee wëi cï tuööc, bïk kɔc bï kuny de wëi lɔ̈ɔ̈k lak aa luööi?

Ɣeberuu 1:7

Ku lueel në biäk de tuucnhial an, “Yɛn cï tuucnhialkï tɔ piɔl cït yom, ku ta ke piɔl cït liem de mac.”

Jocua 3:11

Tiëŋkï, athänduŋ de män ë Bɛ̈nydït de këriëëc ë pinynɔm ëbɛ̈n, abï wɛ̈ɛ̈r de Jordan teem në wenïïm tueŋ.

Nyuuth 7:1

Na wën, aacï kakë thök, ke ya tïŋ tuucnhial kaŋuan akɛ̈ɛ̈ckï ë aguuk ke piny nɔm kaŋuan, ku mukkï yom ke piny kaŋuan, ke bï ciën yom bï pɔ̈t ë piny nɔm, ayï wɛ̈ɛ̈ric, ayï tiim kedhie.