Dhek 6:11 - JAM DE NHIALIC 2011

¹¹ Nöm adhäm biäk, ku ateŋ biäk. Ku cuëc göl në keek. Ku tääuwë në Jocua wën ë Jeɣodhadak nɔm, bɛ̈nydïït ë kake Nhialic.

Dhek 6:11 Iomraidhean Croise

2 Tham 12:30

Na wën ke Debid ë nöm göl në Molek nɔm yanh de melik de Ammon, ku ade yic guɛɛl piɛth de adhääp, go Debid guɛɛl piɛth nööm ku tɛ̈ɛ̈uke ë gölde yic, ku acï kajuëc peec aya wutic

Edhr 10:18

Kakë ee rin ke kɔc cï duet ke juöör thiaak: Dhiën ë Jecua wën ë Jeɣodhadak, ku mïthëkɔcken yï Maathia, ku Eliedher ku Jarip ku Gadalia.

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Diɛt 21:3

Acï gäm athiɛɛi dït, ku yiëkë nɔm göl de adhääp.

Bɛ̈n 29:6

Ku dɛ̈ɛ̈rë nɔm lupɔ de dër ë nɔm. Ku duötë nɔm göl ɣeric.

Bɛ̈n 39:30

Ku cuëckï aduök në göl ɣeric në adhäm awai. Ku gɔ̈ɔ̈rkï yic an, “Ee kë cï gäm Bɛ̈nydït!”

Diɛt ke 3:11

Diëër ke Dhiɔn, bäkï tiëŋkï melik Tholomon. Aceŋ göl cïï ë man tääu në yenɔm, në kööl ɣɔn thiëëk en, kööl ɣɔn de miɛt ë piɔ̈nde kekë ayum de yen piɔ̈u.

Lebai 8:9

Ku tɛ̈ɛ̈u akup de nɔm në Aron nɔm ayadäŋ. Ku tɛ̈ɛ̈u aduŋ de adhääp aya kekë göl ɣeric në yenɔm tueŋ, nyoth luöi cï yen rɔt gam. Cït man cïï Bɛ̈nydït yen yɔ̈ɔ̈k an looi.

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Ɣagai 1:14

Ku jam Wëi në kɔc piɔ̈ɔ̈th kedhie, në yïŋ de Luaŋdït: yï Dherubabel wën de Caltiɛl bɛ̈ny de Juda, kekë Jocua bɛ̈nydïït ë kake Nhialic, ku kɔc lik cï döŋ, ɣɔn bɔ̈ ciëën në pɛ̈cic kedhie. Gokï Luaŋdïït de Bɛ̈nydït de rɛm, Nhialicden gɔl ë yïk.

Ɣagai 2:4

Aye Bɛ̈nydït de rɛm lueel an, Ku ënɔɔnë, riɛɛtkï röt piny yïn Dherubabel wekë Jocua, bɛ̈nydïït ë kake Nhialic, ku kɔc ke piny kedhie, ku luɔikï luɔi. Yɛn tɔ̈u wokë week,

Dhek 3:1

Na wën, ke tunynhial ë nyuth ɛn nyuuth ke Jocua, bɛ̈nydïït ë kake Nhialic ke kääc në tunynhial ë Bɛ̈nydït nɔm. Ku jɔŋdït rac aa nu ëtɛ̈ɛ̈n ayadäŋ në ciin cuëny de tunynhial ke gɛɛny Jocua në kajuëc ëbɛ̈n.

Dhek 3:5

Na wën, ke lueel an, “Dɛ̈ɛ̈rkï nɔm lupɔ cïn guöp acuɔl.” Gokï dɛ̈ɛ̈r nɔm lupɔ cïn guöp acuɔl, ku yïkkï kɔ̈u lupɔ ke tunynhial ë Bɛ̈nydït ë kääc ëtɛ̈ɛ̈n.

Dhek 6:14

Ku göl abï tɔ̈u Luaŋdït, ke bï Ɣeledai aa täk nɔm, kekë Tobija, ku Jothia wën ë Dhepania. Tobija, Jedaya, ku Jothia.”

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

Nyuuth 19:12

Ku acït nyin liem de mac, ku nu gööl juëc ke dhuëëŋ ë yenɔm, ku acath ke rin cï gɔ̈ɔ̈r rin cïn raan ŋic ke, ee yen ŋic ke yetök.

Nyuuth 6:2

Guɔ anyin jɔt, ku ja jöŋgör akuur tïŋ, ku raan rɛ̈ɛ̈r ë yekɔ̈u amuk dhaŋ, ku cï gäm göl ë dhuëëŋ, go lɔ biic ke tiëm, ku bï lɔ ke tiëm.