Dhek 5:2 - JAM DE NHIALIC 2011

² Na wën, ke tunynhial ë lop ɛn an, “Eeŋö cï tïŋ? Guɔ puk nɔm an, “Ee awerek yen acä tïŋ ke pär nhial. Bɛ̈ɛ̈r de awerek kɔ̈u ee mitïïr kadhoŋuan, ku dït de yenyic ee mitïïr kaŋuan ku biäk.

Dhek 5:2 Iomraidhean Croise

Jeremia 36:2

“Nöm awerek ku gäärë yic kë cä lɛ̈k yïn ëbɛ̈n ë biäk de Juda ku Yithriɛl ku juöör kedhie. Gɔ̈ɔ̈r këriëëc ëbɛ̈n kë cä lɛ̈k yïn gɔl ë kööl wään bän kɔn jam wo yïn, wään ye Jothia melik agut cï ënɔɔnë.

Amoth 7:8

Na wën, ke lop ɛn an, “Amoth, eeŋö cï tïŋ? Guɔ puk nɔm an, “Ee awin ë yïk. Go lueel an, “Tïŋ ë awin ë yïkë, athɛm ɛn Yithriɛl kɔckï, acïk ciët päny cï awin ë yïk tɛɛm wei, Yɛn cïï A nɔm bï bɛ waar në luɔi bän keek luöi këtuc.

Dhep 1:14

Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.

Dhek 4:2

Na wën, ke lop an, “Eeŋö cï tiŋ? Guɔ puk nɔm an, “Ee manyalath cäp thar thïn yen cä tïŋ, kë cuëëc në adhääp. Ku ade nɔm abïny, ku mɛ̈c ke alath kadhorou në yenɔm, në wuökɛn ye ke cäp thäär thïn kadhorou.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Nyuuth 18:5

Karɛcke acïk kenïïm kut ka cïk paannhial cuööp, go Nhialic enɔm tak ë luɔidɛn rɛɛc ye looi.