Dhek 4:7 - JAM DE NHIALIC 2011

⁷ Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Dhek 4:7 Iomraidhean Croise

Edhr 3:10

Na wën aacï kɔc yïk këërkëër de Luaŋdït tääu piny, go bäny ke kake Nhialic bɛ̈n tueŋ ke ke cieŋ lupɔɔken ku mukkï kɛŋ, ku bɔ̈ Lebai dhiën de Athap ke ke muk apajiiken, në luɔi bï kek Bɛ̈nydït leec, cït man cï Debid, melik de Yithriɛl ye lueel.

Diɛt 114:4

Kur ayek kɛɛc nhial cï bɔɔth, ku kur kor ayek kac cï amithöök ke amɛ̈l.

Diɛt 114:6

Wek kur eeŋö tɔ we kɛɛc nhial cï bɔɔth? Wek kur kor eeŋö aa wek kac ke we wil piny cï amithöök ke amɛ̈l?

Diɛt 118:22

Kuur wään cï kɔc ee yïk rɛɛc an cïï piɛth acï rɔt puk ke ye kë de naamde në käŋ yiic kedhie.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 41:15

We bä tɔ cït tim de käm de rap, tiim piɛth cï piac looi ku amoth. Wek bï kur kɔ̈ɔ̈m ku riäkkï keek, ku kur kor abïk kuɛɛm cït abuui.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Maika 4:1

Në akööl ciëën wadäŋ, në kuur tɔ̈u ë Luaŋdït në yenɔm yen abï kɔ̈ɔ̈c ke ye kuur de naamde arëët në kur yiic kedhie abï kur kor wöör nïïm kedhie. Ka juöör juëc ëbɛ̈n, abïk aa guëër ë yelɔ̈ɔ̈m,

Ɣabakuk 3:6

Të jɔt En rɔt ciɛth, piny aye lath, të cï Yen E nyin cuat, kɔc juöör aye ke lath. Ee kur ɣɔn thɛɛr tɔ lɔ thorthor abïk wɛɛr, ku tɔ kur kor cur piny kur wään Yen cath thïn ɣɔn thɛɛr.

Dhek 4:8

Ku be jam de Bɛ̈nydït bɛ̈n tëde yɛn an,

Dhek 4:9

“Dherubabel yen aa gɔl këërkëër de Luaŋdït në yïk, ku ee yen abï ye thöl aya. Yen abä wek ye jɔ ŋic ëgɔk nɔn cï Bɛ̈nydït de rɛm ya tuöc week.

Math 21:21

Go Yecu bɛ̈ɛ̈r, yöök keek an, “Wek yɔ̈ɔ̈k ëyic, na cathkï ë gäm, ku cäkï piɔ̈ɔ̈th wiël ë kaamic, ke we cïï kënë bï looi tei, kë cï luöi ŋaap, ku na yɔ̈ɔ̈kkï kuurdïïtë aya an, ‘Tɔ rɔt nyiɛɛiyë, deenyë yï wïïr,’ ka duëërë looi.

Math 21:42

Go Yecu ke yɔ̈ɔ̈k an, “Kɛ̈nkï kɔn kueen ë kacïgɔ̈ɔ̈r yiic anandun an, ‘kuur cïï kɔc yïk alooc rɛɛc, Yen guöp aye tɔ ye kuur ë aguk nɔm, Ee luɔi de Bɛ̈nydït ee kënë, ku ye kën ë wo tɔ gäi!’

Mak 12:10

Acakaa cöök cï gɔ̈ɔ̈rë kɛ̈nkï kueen an, ‘Kuur cï yïk rɛɛc, Yen guöp acï tɔ ee kuur ë aguk nɔm:

Luk 20:17

Go keek woi, ku lueel an, “Kënë ee kaŋö kë cï këcïgɔ̈ɔ̈rë lueel an, ‘Kuur cïï ë yïk rɛɛc, Yen manë guöp acï tɔ ye kuur ë aguk nɔm.’

Luk 3:5

Wak ëbɛ̈n abï juök, ku kuurdït ëbɛ̈n ayï kuurthii abï ke rai piny, ɣään ŋɔl abï ke rïc,

Luɔi 4:11

Në rin ke Yecu guöp, yen a kɛ̈ɛ̈cë raanë ee tënë ë wenïïm, ke cï guöp pial. ‘Kënë ee kuur wään cäk rɛɛc, wek kɔc yïk alooc, ku aye tɔ ye kuur ë agukic kuur de naamde.’

Romai 11:6

Ku të ee yen këde dhuëëŋdepiɔ̈u, ka cïï be ya këde luɔi, tën ee yen en, ke dhuëëŋdepiɔ̈u acïï be ya dhuëëŋdepiɔ̈u, ku të ee yen këde luɔi, ka cïï be ya këde dhuëëŋdepiɔ̈u, tën ee yen en, ke luɔi acïï be ya luɔi.

Epethiei 2:20

Wek cï yïk ë këërkëëric këërkëër ë tuuc ku tït, ku Yecu Kërtho guöp yen aye kuur nu ë agukic kuur de naamde.

1 Pet 2:7

Yen a de en naamde tëde week, wek kɔc cï gam: ku tëde kɔc reec gäm, “Kuur ɣɔn reecë yïk, Yen guöp acï tɔ ye kuur dïït nu ë aguk de pänyic.”

Nyuuth 16:20

Go tuöör kat kedhie, ku cïn kuurdït be tïc.