Dhek 4:6 - JAM DE NHIALIC 2011

⁶ Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Dhek 4:6 Iomraidhean Croise

Cäk 41:16

Go Jothep puk nɔm an, “Acä duëër lëu yɛn në wër ë yic, ee Nhialic Yen abï melik gäm wër ë yic bï yï miët piɔ̈u.”

1 Mel 19:12

Ku be mac bɛ̈n, ku Bɛ̈nydït aliu ë macic: ku be aa röl thiin jam ëmääth.

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

Edhr 2:2

ku cath bänyken ë keek yï Dherubabel, Jecua, Neɣemia, Theraya, Reelaya, Modekayo, Bilcan, Mithapar, Bikbai, Reɣum, ku Baana. Rin ke kɔc ke Yithriɛl kï:

Edhr 3:10

Na wën aacï kɔc yïk këërkëër de Luaŋdït tääu piny, go bäny ke kake Nhialic bɛ̈n tueŋ ke ke cieŋ lupɔɔken ku mukkï kɛŋ, ku bɔ̈ Lebai dhiën de Athap ke ke muk apajiiken, në luɔi bï kek Bɛ̈nydït leec, cït man cï Debid, melik de Yithriɛl ye lueel.

Edhr 5:2

Na wën ke Dherubabel wën de Caltiɛl kekë Jecua wën ë Jeɣodhadak gokï röt jɔt ku gɔlkï yïŋ de ɣön ë Nhialic Ye lɔ̈ŋ ë Jeruthalem. Ku tɔ̈u tït ke Nhialic në keek, ke ke kony keek.

Diɛt 33:16

Melik acie tiam në biäk de riɛl ë remdɛn ë tɔŋ, ku jön ë tɔŋ acie tiam në biäk ë riɛlde.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Yith 30:1

Acïï Bɛ̈nydït lueel an, “Amawoou në kɔc mac Juda në biäk cïï kek ɛn rɛɛc. Akuanykï kïït kɛ̈n looi cök, ku gamkï män cie këde piɔ̈ndï, athɔckï awäc në awäc nɔm.

Yith 32:15

Ku Nhialic abï wëike bɛ tuööc. Ago jɔ̈ɔ̈r ɣɔn cï riääk luɔk bɛ nyɔk, ku lok duum në rɛɛp juëc, ku jɔ duum ee luɔk aa roor dït.

Yith 34:16

Kaarkï awerek de Bɛ̈nydït yic në biäk de ka pïïr, ku kuɛnkï kë cï lueel. Acïn töŋ de kë cï cak bï liu thïn, ku acïn kë bï nɔm ciɛ̈n kë ye kek rou. Acï Nhialic ke yɔ̈ɔ̈k bïk tɔ̈u aya. Yen guöpde abïï ke mat nïïm tëtök.

Yith 59:19

Gɔl në të lɔ aköl amiäk leer të lɔ aköl athɛ̈i, raan ëbɛ̈n abï riɔ̈ɔ̈c në yen ku në riɛldïïtde. Abï bɛ̈n cï kuëër kiir, ku cït yom ril.

Danyel 2:34

Ku të wën woi yïn en, gök dïït ë kuur acï löny ë awiɛn nɔm nhial ke cïn raan cï yen jak, ku yup cök ke wëëth kekë tiɔɔm de këdïït cï käär ago keek wɛɛr piny.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Ɣagai 2:21

Lëk en an, “lɛ̈kë Dherubabel, bɛ̈ny de Juda an, ‘Akaar luɔi bän tënhial kekë piny niɛŋ,

Dhek 6:12

Ku lɛ̈kë yen an aye Bɛ̈nydït de rɛm lueel an, ‘Raan cɔl Këër abï bäny të tɔ̈u en thïn, ku abï Luaŋdït bɛ yïk.

Kuɛ̈n 27:16

“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat.

Epethiei 6:17

Ku nämkï akup de kunydewëi aya, kekë abätäu de Wëidït, yen aye jam de Nhialic.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 17:47

Yen abï amatnɔmë ëbɛ̈n ye jɔ ŋic ë gɔk, nɔn cïï Bɛ̈nydït abätɛ̈ɛ̈u ayï tɔɔŋ kɔɔr bïï En kɔcke kony. Tɔŋ ee këde, ka bï we gäm wook wedhie ee köölë.”