Dhek 3:7 - JAM DE NHIALIC 2011

⁷ Acï Bɛ̈nydït de rɛm lueel an: “Na bä kuɛɛrdï kuany yic, ku döt löŋdï. Ke yïn bä tɔ ye bɛ̈ny de ɣöndï kekë kalde ëbɛ̈n. Ku yïn bä tɔ cït kɔc kääc wekë.

Dhek 3:7 Iomraidhean Croise

Cäk 26:5

Yïn bä thieei në luɔi cï Abraɣam ya gam thok, ku döt lööŋkï, ku wëëtdï ku ka ya lɛ̈k en kedhie.”

1 Mel 2:3

ku ye löŋ ë Bɛ̈nydït Nhialicdu döt, ku ye cath në kuɛɛrke yiic kedhie. Ye cök ke lööŋ kedhie döt, kakɛn lueel cït man cï ye gɔ̈ɔ̈r në löŋ ë Mothe yic ke yï bï athiɛɛi yök në këriëëc loi yic ëbɛ̈n, ku ɣään ee yïn ke lɔ thïn ëbɛ̈n.

1 Mel 3:14

Ku të bï yïn aa cath ë kuɛɛrkï yiic, ku bä jamdï ku lööŋkï ya döt cït man ɣɔn ee wuur Debid cath, ke Yɛn bï aköölku ŋuak nyïïn.

1 Lëk 23:32

Kɔc ke Lebai acï ke gäm luɔi bï kek paany de mät ku tëɣeric aa guiir në aköölnyïïn kedhie, ku bïk mïthëkɔcken wɛ̈ɛ̈t ke Aron aa kuɔny në luɔi tëde läm.

Yith 62:9

Ku yïn raan ee anyol com ku puur ke yïn bï cam në kuïn cï pam ku lec Bɛ̈nydït. Yïn raan ee enap tiit, yïn abï ke määt yiic, yïn bï mɔ̈u dek në kal de tëdiën ɣeric yic.”

Edhekiɛl 44:8

Akënkï luɔi de kakiën ɣer yiic nööm, acïk alɛi lɔ bɛ̈ɛ̈i ku tɛ̈ɛ̈ukï keek në tëdiën ɣeric nɔm.

Edhekiɛl 48:11

Yen ee të cï thieeiyë abï ya tëde bäny ke kake Nhialic ke kuat de Dhadok. Acïk ya luööi në piɔ̈n adöt, ku akënkï röt mat ë kɔc ke Yithriɛl kɔ̈kë yiic në luɔi de kërac, cït man cï kɔc kɔ̈k ke Lebai ye looi.

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Lebai 8:35

Yïn bï dhil rëër në Paany de mätic, aköl ku wakɔ̈u, në nïn kadhorou yiic. Na cïï ka cïï Bɛ̈nydït keek lueel rïïu, ke yïn bï dhil thou, ee Bɛ̈nydït yen ë gëm Yɛn ee lööŋkë.”

Dhek 3:6

Na wën, ke tunynhial ë Bɛ̈nydït ë lëk Jocua ee jamë an,

Dhek 4:14

Go lueel an, Kakë ee kɔc kaarou cï Bɛ̈nydït lɔc bïk en aa luööi në pinynɔm ëbɛ̈n.

Dhek 6:15

Ku kɔc mec, abïk bɛ̈n bïk kɔc bɛ̈n kuɔny në yïŋ de Luaŋdït. Yen abä wek en jɔ ŋic ë gɔk nɔn cï Bɛ̈nydït de rɛm ya tuöc week. Ku kënë abï rɔt looi ëbɛ̈n të cä wek Bɛ̈nydït Nhialicdun gam thok në piɔ̈ndun ëbɛ̈n.

Dhek 6:5

Go tunynhial puk nɔm an, “Kakë ee wëi lɔ në aguuk ke pinynɔm kaŋuan. Aake jɔ bɛ̈n ciëën në Bɛ̈nydït lɔ̈ɔ̈m, Bɛ̈nydït de pinynɔm ëbɛ̈n.

Math 19:28

Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Luk 22:30

bäk aa cam ku dɛ̈kkï ë pamdï nɔm ë ciɛɛŋdï yic, ku we bï aa rëër ë thöny nïïm ku guiɛɛrkï löŋ de dhiëën ke Yithriɛl kathiëër ku rou.

Jɔn 14:2

Paan ë Wäär ade yic ɣööt juëc: tëë ke liu, adï cä lɛ̈k week. Yɛn lɔ la tëdun guik.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.