Dhek 14:5 - JAM DE NHIALIC 2011

⁵ Ku wek bï ban ee wakë yic, wak cï kuur tekic ë rou, wek bï kat ë kat ë kuarkun, ɣɔn cïï piny rɔt nieeŋ në run ke melik Yudhia ë Juda. Bɛ̈nydït Nhialicdï abï bɛ̈n, abï bɛ̈n kekë tuucnhialkɛn ɣeriic kedhie.

Dhek 14:5 Iomraidhean Croise

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Diɛt 98:9

në biäk bïï yen pinynɔm bɛ̈n cieŋ. Abï kɔc ke pinynɔm cieŋ në piathëpiɔ̈u ku yic.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Jowɛl 3:11

Dapkï guëër wedhie, wek juöör thiɔ̈k, määtkï weyiic ëtɛ̈ɛ̈n, Ku yïn Bɛ̈nydït, bɛ̈ɛ̈iyë jöötkuön ke tɔŋ piny, bïï ke mak.

Amoth 1:1

Amoth ee raan töŋ de tïït ke thök, wun cɔl Tekowa. Ku jam ë lueel kï, në ka cï tïŋ në biäk de Yithriɛl, të ɣɔn ŋoot ë run kaarou wei, ɣɔn cïï piny rɔt nieeŋ. Ku në ee ruöönë, Yudhia aaye melik de Juda, ku ye Jerobowam wën ë Jowac, meliŋ de Yithriɛl.

Maika 1:11

Wek kɔc wun ë Capir, wek bïï peec ke we cath ë wekɔ̈ɔ̈th në cäth ayäär. Ku kɔc rɛ̈ɛ̈r Dhaanan, acïkï duëër bɛ̈n bei wunden. Ku të la wek kɔc ke Bethedhel piŋ akïïu, ke ŋiɛckï nɔn cïn en luääk nu ëtɛ̈ɛ̈n.

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Kuɛ̈n 16:34

Ago kɔc ke Yithriɛl wën nu kat kedhie në kiɛɛuden. Gokï lɛ̈k röt an, “Kɔtku! Tɛk däŋ bï piny wo tuiic ayadäŋ!

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 24:3

Na wën, të rëër en ë kuur ë Olip nɔm, ke kɔcpiööcë ke ke bɔ̈ të nu yen kapäc, bïk ku luelkï an, “Lɛ̈kë wook, bï kake röt looi nɛn? Ku kë bï kɔc bɛ̈ndu ŋic ee käŋö, ayï thök de piny?”

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Luk 21:27

Na ëlë, ke kɔc abïk Wën ë Raan tïŋ a bɔ̈ ë luätic ke cath ke riɛldït ku dhuëëŋ dït.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

2 Theth 2:8

Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

Jakop 5:8

Ku week, yak piɔ̈ɔ̈th liɛɛr ayadäŋ, cök ë ruɔm wek wepiɔ̈ɔ̈th, bɛ̈n ë Bɛ̈nydït ë guɔ thiɔ̈k.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.