Dhek 14:16 - JAM DE NHIALIC 2011

¹⁶ Ëtɛ̈ɛ̈n juöör cï dɔ̈ŋ ke ke pïïr ëbɛ̈n, në juöör wään cï Jeruthalem mak, abïk aa lɔ ëtɛ̈ɛ̈n ë run nyïïn ëbɛ̈n bïk Bɛ̈nydït de rɛm lɔ lam ke ee Melik, ku abïk dhuëëŋ de kɛ̈ɛ̈t lɔ looi.

Dhek 14:16 Iomraidhean Croise

2 Lëk 8:13

Ku gɛm miɔ̈c ye nyop ëbɛ̈n cït man ë kë cï lööŋ ke Mothe lueel në kööl ɣer yiic ëbɛ̈n. Akööl ke Thabath, ku akööl ke pɛɛi ë piɛc wil, ku akööl ke dhuëëŋ kadiäk: kööl de Dhuëëŋ de Kuïn Cïnic Luɔu, ku kööl de dhuëëŋ de Tem, ku kööl de Dhuëëŋ de Kɛ̈ɛ̈t.

Edhr 3:4

Agokï Dhuëëŋ de Kɛ̈ɛ̈t looi, cït man cï ye gɔ̈ɔ̈r, ku yek miɔ̈c ye nyop ëbɛ̈n gam në aköölnyïïn, në kuën cït kë cï mäc en në kë ye kööl tök kɔɔr.

Diɛt 66:4

Pinynɔm ëbɛ̈n alam Yïn, ayek Yïn kɛ̈t diɛt ke piɔ̈ny, ayek rinku piɔɔny në diɛt.”

Yith 18:7

Kööl abɔ̈, kööl bïï Bɛ̈nydït de rɛm miɔ̈c de dɔm tëde kɔc ke piny cï tekic në kiɛɛr, jur ril aläl, kɔc bär ku tɛ̈ckï gup, kɔc ye kɔc riɔ̈ɔ̈c në keek ë piny nɔm. Abïk bɛ̈n ë kuur ë Dhiɔn nɔm, të ye Bɛ̈nydït de rɛm lam thïn.

Yith 19:21

Bɛ̈nydït abï rɔt nyuöth kɔc ke Rip, ku abïk ŋic ku lamkï, ku abïk gäm ka näk ku miɔ̈c. Ku abïk gutguut aa lɛ̈k Bɛ̈nydït ku gɛmkï kë cïï kek gutguut lueel.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Jeremia 46:18

Yɛn Bɛ̈nydït de rɛm, Yɛn ee melik. Yɛn ee Nhialic Pïïr. Cït man bɛ̈ɛ̈r ë kuur ë Tabor ë kur nïïm, ku kääc kuur ë Karmel ke bäär ë wɛ̈ɛ̈r yɔu, yen abï ciët riɛl de raan bï we mak.

Jeremia 48:15

Mowap kekë pɛ̈ɛ̈nydïtke acï keek riɔ̈ɔ̈k, dhuökkɛn piɛth acï keek tɛm röt. Ee Yɛn melik, Bɛ̈nydït de rɛm, ku Yɛn cï jam.

Jeremia 51:57

Yɛn bï bänyken ku röörkɛn pelnïïm tɔ wiɛɛt, ku bäny ke baai, ku rem ë tɔŋ. Abïk lɔ niin ku cïkkï be pääc taitai. Acä lueel Yɛn melik, Ee Yɛn Bɛ̈nydït de rɛm.

Ɣodh 12:9

Ee Yɛn Bɛ̈nydït Nhialicdun, raan wään bïï week bei paan ë Rip. Wek bä bɛ tɔ cieŋ pɛɛny, cït man ɣɔn kan wek pɛɛny cieŋ në akööl ɣɔn ke dhuëŋ cï kuɛ̈ny bei ë jɔ̈ɔ̈ric.

Jowɛl 2:32

Ku ëtɛ̈ɛ̈n, raan ëbɛ̈n, raan ee Bɛ̈nydït cɔɔl rin, abï kony wëi. Në biäk bï yen dɛ kuny de wëi në kuur ë Dhiɔn nɔm, ku Jeruthalem, cït man cïï Bɛ̈nydït ye lueel an, “Kɔc kɔ̈k abïk poth ë Jeruthalem, kɔc cä ke lɔc abïk pïïr.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Dhek 14:9

Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.

Dhek 9:7

Yɛn bï riɛm nyaai në yethok, ku nyaai riääkde në yelec, yen aya abï döŋ ke ee kɔc lik në biäk de Nhialicda, abï ciët dhiën ë Juda, ku Ekeron abï ciët kɔc ke Jebuth.

Malakai 1:14

ku lueel ë Bɛ̈nydït de rɛm an, Aciɛɛn abï tɔ̈u kekë raan ee mɛth. Raan de nɔm nyɔk, ku nɔn yen miɔɔr në lunyde yic, nyɔɔŋ ë cï yen kuëëŋ an bï gam, ke be pɔ̈l ku gëm Ɛn thɔ̈ɔ̈k de guöp tëdak. Wek ŋic Ɛn nɔn yan Meliŋ dït, ka juöör ke pinynɔm ëbɛ̈n ariɔ̈ckï në Yɛn.

Luk 19:38

luelkï an, “Thieithieei Melik bɔ̈ në rin ke Bɛ̈nydït! Ë mät tɔ̈u paannhial, ku tɔ̈u dhuëëŋ tënhial ya!”

Jɔn 1:49

Go Nathanyel bɛ̈ɛ̈r, lueel an, “Rabi, yïn ee Wën ë Nhialic! Ku yïn ee Melik de Yithriɛl!”

Jɔn 7:2

Ku dhuëëŋ ë Judai ë guɔ thiɔ̈k, Dhuëëŋ de Kɛ̈ɛ̈t.

Luɔi 15:17

Luɔi bï kɔc Nhialic kɔɔr, kɔc cï döŋ, Ayï Juöör kedhie Juöör cï cɔl në rinkï, Jam de Bɛ̈nydït kï, Bɛ̈nydït loi kake kedhie.

Romai 11:16

Ku na ɣer awany tueŋic, ka yen ɣɛɛr ë awacic ëbɛ̈n ka, tim, të ɣeerë meideyic, ka yen ɣɛɛr ë kërke yiic ka.

Romai 11:26

Ago Yithriɛl kony wëi ëbɛ̈n aya, acït man cï e gɔ̈ɔ̈r an, “Raan ë kɔc luök abï bɛ̈n bei ë Dhiɔnic, Go reec reec kek Nhialic dak wei ë käu de Jakopic.

Romai 11:5

Ku yen ënɔɔnë aya, ade biäk ë kɔc lik cï döŋ anu në kë cï lɔc në dhuëëŋdepiɔ̈u.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”