Dhek 13:8 - JAM DE NHIALIC 2011

⁸ në wuötiic në piny yic ëbɛ̈n, ku näk tëdït në keyiic. Ku yɛn bï biäk thiin cï döŋ pɔ̈l apïïr.

Dhek 13:8 Iomraidhean Croise

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Yith 66:24

“Të jël kek, abïk gup ke kɔc cï thou tïŋ, gup ke kɔc cï a rɛɛc. Ku ruöi lɔ ke cam acïï bï thou, ku many bï ke nyop acïï bï kɔn liu. Të tïŋ ë keek në kɔc nyïïn abï aa kërac arëët tëde mɛnh ë raan ëbɛ̈n.”

Jeremia 30:11

Yɛn bï bɛ̈n tëde week ku luäk week. Yɛn bï juöör kedhie riɔ̈ɔ̈k, të cän week thiäi thïn, ku wek cä bï riɔ̈ɔ̈k. Ku wek cä bï pɔ̈l ke we kën ë luöi këtuc, ku të lan we luöi këtuc, abä looi arɔ̈ŋ. Acä lueel, Yɛn Bɛ̈nydït.”

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Danyel 9:27

Yen ee bɛ̈nyë abï dɛ män ril ëtör kekë kɔc juëc, në run kadhorou, ku të le ë biäk töŋ de ee kaamë wan, abï ka ye nɔ̈k dɔ̈m kɔ̈ɔ̈c kekë miɔ̈c ye gam. Ku kë nhiɛɛny ee kɔc riääc abïï tääu në Luaŋdït nɔm, ku abï tɔ̈u ëtɛ̈ɛ̈n aɣet të bï akööl ke raan ëtɛ̈ɛ̈u en ëtɛ̈ɛ̈n thook thök, akööl cïï Nhialic ke gäm en.

Amoth 9:10

Kɔc ee karɛc looi kedhie në kɔckï yiic abïk dhil thou në abätäu, kɔc ee ye lueel an, ‘Acïn kërɛɛc bïï Bɛ̈nydït bɛ̈ɛ̈i në wogup.’

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 22:7

Na wën, acï melik e piŋ, ke göth, go remdɛn ë tɔŋ tooc, lek kɔc ee kɔc nɔ̈kë nɔ̈k, ku nyop pänydɛndït ë mac.

Mak 13:20

Ku tëë Bɛ̈nydït kën aköölkë tɛm kɔ̈ɔ̈th, adï cïn kɔc bï luök: ku në baŋ de kɔc cï lɔc, kɔc wään cï meek, en acï en aköölkë tɛm kɔ̈ɔ̈th.

Nyuuth 16:19

Go pänydït e yic tek ë diäk, ku wiëëk pɛ̈ɛ̈nydït ke juöör: go Nhialic Babilon dït tak ë yenɔm, bï gäm bïny de yic mɔ̈n ë tuöc ë agönhdɛn dït.