Dhek 13:7 - JAM DE NHIALIC 2011

⁷ Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Dhek 13:7 Iomraidhean Croise

Diɛt 2:2

Meliik ke piny acïk kenïïm mat, bäny acïk kethook mat, bïk ater wɛ̈l nɔm Bɛ̈nydït kekë raandɛn cï tɔc.

Yith 1:25

Yɛn bï Yanɔm wɛ̈l week në agɔ̈th, ka wek bä tɔ agɔk cït man ye wëëth lëëŋ abï lɔ kïr, ka Yɛn bï acoldun ëbɛ̈n nyaai.

Yith 27:1

Në ëköölë Bɛ̈nydït abï abätäudɛn ril de näk nööm ku lui En ŋuäl dït këtuc, yen kërɛɛc lɔ dɔkdɔk, ë duëër päär. Abï ŋuäl dïït ceŋ wɛ̈ɛ̈r nɔ̈k.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 47:6

Wek ee dhiau an, ‘Abätäu de Bɛ̈nydït! Agut cï nɛn bïï Yïn jɔ aa lɔ̈ŋ? Lɔ ciëën në athepdu yic, jɔ lɔ̈ŋ ëtɛ̈ɛ̈n ku lɔ lik!’

Edhekiɛl 21:28

“Mɛnh ë raan, Cäärë. Caalë kë cä lueel yɛn Bɛ̈nydït Awärjäŋ, lɛ̈kë kɔc ke Ammon ee Yithriɛl läät. lɛ̈kë keek an, ‘Abätäu acï coc ke bï riɔ̈ɔ̈k, acï gɔɔk ke bï näk, abï lɔ biliny cï wilëdeŋ.

Edhekiɛl 21:3

an yɛn Bɛ̈nydït aluɛɛl an: yɛn ee raan aterdun. Yɛn bï abätäudï bɛ̈ɛ̈i bei ku näk week wedhie, raan rac ke raan piɛth athöŋ.

Edhekiɛl 37:24

Melik cït awundï Debid yen abï aa melikden. Abïk keyiic mat kedhie në melik tök cök, ku abïk lööŋkï aa riëëu.

Edhekiɛl 7:6

Abï nu ë ɣään yiic ëbɛ̈n. Thökde kï. Wek cï thök.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Maika 5:4

Ku të le yen bɛ̈n, yen ee bɛ̈nyë, abï ya tïn ë kɔcke në riɛl ë Bɛ̈nydït. Ku në dhuëëŋ de Bɛ̈nydït Nhialicde. Ku kɔcke abïk jɔ rëër ë dïu, në baŋ bï dïtde ŋic aɣët cï piny thar,

Dhek 11:11

Go mät riääk ëtɛ̈ɛ̈n ee kööl manë. Ku ëtɛ̈ɛ̈n, kɔc ë ɣɔɔc thök, ayï kɔc ë ɣɛɛc thök aake woi yɛn. Gokï ŋic nɔn ë jiɛɛm ë Bɛ̈nydït në kë cä looi yic ëbɛ̈n.

Dhek 11:4

Kë cï Bɛ̈nydït Nhialicdï lɛ̈k ɛn kï an, “Tɔ rɔt ee tïn ë luny ë thök bïï tɛm röt.

Dhek 11:7

Ku kɔc ë ɣɔc thök, mɛ̈tkï në kɔc ë ɣɛɛc keek acïk yɛn riöp tiët, ka yɛn cï ya tïn ë thök wään bïï tɛm röt. Ka yɛn ë thieec nööm kaarou, thieny tök acä cäk an, “Kokdepiɔ̈u. Ku cäk däŋë an, “Mät. Ka yɛn aa tit luny de thök.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 10:42

Ku raan bï mɛnh tök ë mïththiikë yiic miɔɔc ë bïny deyic pïïu lir tei dek ke, në luɔi ee yen raanpiööcë, wek yɔ̈ɔ̈k, ëyic an, Ariöpde acïï dak anande.”

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 18:14

Yen acït Wuöörduön nu paannhial, aliu ë yepiɔ̈u luɔi bï mɛnh tök määr ë mïththiikë yiic.

Math 26:31

Go Yecu ke yɔ̈ɔ̈k an, “We bï nïïm mum wedhie ë baŋdï ëlë wakɔ̈u, acï gɔ̈ɔ̈r an, ‘Yɛn bï raan ë tïït yup, go luny ë thök thiëi roor.’

Math 26:56

Ku kakë acïk tïc kedhie, luɔi bï kacïgɔ̈ɔ̈r aa yith, ka ke tït.” Na wën, ke nyiëëŋ ë kɔcpiööcë piny kedhie, ku kɔtkï.

Mak 14:27

Go Yecu ke yɔ̈ɔ̈k an, “We bï nïïm mum wedhie në baŋdï: luɔi cï e gɔ̈ɔ̈r an, “Yɛn bï tïn ë thök dui, go thök thiëi röör.

Mak 14:50

Gokï nyääŋ piny kedhie, ku kɔtkï.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Luk 17:2

Aduëër ŋuän tëde yen, të mɛcë yeyeth pil ee guär, ku deenyë wïïr në luɔi bï en töŋ de mïththiikë tɔ loi kërac.

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 10:30

Wook wokë Wäär wok ee tök.”

Jɔn 10:38

Ku të luɔɔi ɛn en, ciɛk an, rɛɛckï ya gam, ke we gam luɔi, ke bäk ŋic, ku gamkï, nɔn nu Wäär ë yayic, ku nuö ë yeyic.”

Jɔn 14:1

Go Yecu lɛ̈k keek an, “Duökï wepiɔ̈ɔ̈th tɔ jeth, we ye Nhialic gam, gamkï yɛn ayadäŋ.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 16:15

Ka nu ë Wäär cin ayek kakï kedhie: yen aa luɛɛl ɛn en an, abï këdï nööm, ku jɔ nyuöth week.

Jɔn 16:32

Wɔikï, kööl abɔ̈, yeka bɔ̈yë ënɔɔnë, kööl bï we thiäi wei, lɔ ŋɛk tëde ku lɔ ŋɛk tëde, ku nyääŋkï ya piny yatök: ku yɛn cïï tɔ̈u a tök, luɔi nu Wäär kekë ɛn.

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 8:58

Go Yecu ke yɔ̈ɔ̈k an, “Wek yɔ̈ɔ̈k ëyic an, ɣɔn ŋootë Abraɣam ke liu, ‘Yɛn ë nu.”’

Luɔi 2:23

yen acäk nööm, të cï e yiɛ̈n week në këde löŋ cïï Nhialic lueel ë yepiɔ̈u, ku në ŋïny cï en e kɔn ŋic, aguɔkï piäät ë tim cï rïïu nɔm kɔ̈u në ciin rac, ku näkkï abï thou.

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Pilipoi 2:6

Acakaa yen e cït guöp Nhialic, ke kït kït en kekë Nhialic akën tɔ ye kë bï dhil muk aril, ku cïï päl.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 1:17

Na wën, aa cä ye tïŋ, ke ya jɔ wïïk ë yecök cït man ë kë cï thou. Go ciin cuënyde tääu ë yaguöp, yöök ɛn, an, “Du riɔ̈ɔ̈c: yɛn ee tueŋ, ku ya ciëën.

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.