Dhek 13:2 - JAM DE NHIALIC 2011

² Acïï Bɛ̈nydït de rɛm lueel an, Në ee köölë, yɛn bï rin ke yiëth nyaai në piny yic, ka acïï keek bï bɛ aa lueel rin ananden. Ku yɛn bï tït nyaai ayadäŋ, ayï jɔɔk rac.

Dhek 13:2 Iomraidhean Croise

1 Mel 22:22

Go Bɛ̈nydït luɔp an, ‘Adï?’ Go wëi lueel an, ‘Yɛn bï lɔ ku bä aa wëi tör lueth në tït ke Aɣap thook ëbɛ̈n.’ Go Bɛ̈nydït lueel an, ‘Lɔ mathë. Yïn bï tiam.’”

Diɛt 16:4

Kɔc cï röt lɔc yiëth kɔ̈k, acïk röt yiɛ̈n nuɛɛn. Yɛn cïï bï lɔ ë miɔ̈cden yic, yɛn cïï yiëthken bï lam.

Bɛ̈n 22:13

Ku na ë nɛ̈k ë län roor, ke raan mac këdäŋ ë bïï biäk cï döŋ ke bïï ŋic nɔn cïï läi e cuet. Ku ëtɛ̈ɛ̈n, acïï kë ë nɛ̈k läi bï cool.

Bɛ̈n 23:13

“Piŋ kë lɛ̈k yïn ëbɛ̈n, Yɛn Bɛ̈nydït. Du yiëth kɔ̈k ee lam, ayï rinken du ke ee lueel.

Yith 2:18

ku Bɛ̈nydït Yetök Yen abï aa mɔ̈k nhial në ëköölë.

Yith 2:20

Të le köölë bɛ̈n, abïk yiëthkɛn ë cïk thɔ̈ɔ̈th në adhääp ku ateek ɣɔn yek lam cuɛ̈t luɔny ku ŋaplaŋathɔ̈ɔ̈t.

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Edhekiɛl 12:24

“Abï ciën nyuuth lueth kɔ̈k bï nu baai de Yithriɛl, ku nɔn ee kek cäär ee kɔc möör.

Edhekiɛl 13:23

Ka ënɔɔnë nyuuthkuön ke lueth, ku cäärduön de tör acïk wan. Yɛn kony kɔckï në riɛldun yic, aguɔkï jɔ ŋic nɔn ee yɛn Bɛ̈nydït.”

Edhekiɛl 14:9

“Na cï tiët math, abïï lop bɛ̈ɛ̈r në tör, ee biäk cän yen math yɛn Bɛ̈nydït. Abä nyaai në kɔc ke Yithriɛl yiic.

Edhekiɛl 30:13

Aye Bɛ̈nydït Awärjäŋ lueel an, “Yɛn bï yiëth riɔ̈ɔ̈k ku nyaai yiëth alueth në Mempeth. Abï ciën wën melik bï Rip mac, ku yɛn bï kɔc riääc ëbɛ̈n ë Rip.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Edhekiɛl 36:29

Wek bä ke kony në këriëëc ee we dhiöök ëbɛ̈n. Yɛn bï rap yɔ̈ɔ̈k bïk juëc ke we cïï nïïm bï bɛ dɛk cɔk.

Edhekiɛl 37:23

Acïkï röt bï bɛ dhiöök në yiëth rackë ku cïkï röt riäk në luɔi de awɛ̈ɛ̈c. Abä ke tɔ lääu nïïm në kuɛɛrkɛn juëc ye kek awɛ̈ɛ̈c looi, ku nyiinkï Yɛn. Abä keek waak, ka abïk aa kɔckï, ku Yɛn bï aa Nhialicden.

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Edhekiɛl 6:6

Pɛ̈ɛ̈nydït ke Yithriɛl ëbɛ̈n abïï ke riɔ̈ɔ̈k, ago yïkken ku yiëthken dhiac yiic abïk lɔ thorthor, yïkkɛn ke wal ŋïr abïï ke dhiac piny, ku këriëëcdɛn cïk looi ëbɛ̈n abï nyaai.

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Ɣodh 2:17

Ku rin ke Baal abä keek nyaai në kethook, ka acïkï bï bɛ aa lɔ̈ŋ në rinke.

Ɣodh 2:19

“Ku yïn bä lɔ̈c rɔt aɣet athɛɛr, Yithriɛl. Yïn bä lɔc në piathëpiɔ̈u ku yic, ku nyuöth yïn nhiëër agɔk ku kokëpiɔ̈u, ku ta yïn ee këdï aɣet athɛɛr.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Math 12:43

Jɔŋ rɛɛc col, të cï en bɛ̈n bei ë raan guöp, ke cath të cïn pïïu, akɔɔr të bï en lɔ̈ŋ, ku cïï yöök.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Luk 11:20

Ku na ya jɔɔk rac cieec në ciin ë Nhialic, ke ciɛɛŋ de Nhialic kï, cï bɛ̈n tëde weekë.

Nyöŋ 12:3

Wek bï yïkken dhil thuöör piny, ku riäk wai ke kurkɛn yaath abïk lɔ thorthor, nyop kïn de yanh de tik Acera ku yɛpë yiëthken piny, ago keek cïï bï bɛ lam në ee ɣäänkë yiic.

Nyöŋ 18:20

Ku na de tiët lɔ jam lueel në rinkï të kën Yɛn yen yöök bïï kënë lɔ looi, abï dhil thou në këde, ku yen ee täu bï tït ee jam ë rin ke yiëth kɔ̈kkë tɔ̈u.’

Jocua 23:7

Ku duökï röt liëëp në juöör cï döŋ në weyiic. Duökï yiëthken ee cɔɔl rin, ku duökï ee kuëëŋ në rinken. Duökï lam, ku duökï keek ee luööi.

Nyuuth 18:2

Go cööt arëët ë röl dït, an: “Babilon dït acï wïïk, acï wïïk, ka cï aa panɔm de jɔɔk rac, ku ye të cï atïptïïp ke jaak nhiany mac thïn ëbɛ̈n, ku mɛcë diɛt rac nhiany thïn ëbɛ̈n aya.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.