Dhek 13:1 - JAM DE NHIALIC 2011

¹ Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden.

Dhek 13:1 Iomraidhean Croise

Diɛt 51:2

Waakë karɛckï wei kedhie ku tɔ ya piath guöp në karɛckï!

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Yith 4:4

Ku në riɛlde Bɛ̈nydït abï löŋ guiir, ku jɔ jur tɔ ɣeric ku wɛɛk awäny de Dhiɔn wei, ku lɔ rim ɣɔn cï lɛ̈u piny ë Jeruthalem.

Jeremia 17:13

Bɛ̈nydït yïn aye aŋäth de Yithriɛl, kɔc cï yïn rɛɛc kedhie abïï keek tɔ yäär. Abïk määr cï rin cï gɔ̈ɔ̈r ë abuui yic, kɔc cï lɔ paan ë thuɔɔu, në biäk cï kek Yïn pɔ̈l, Yïn Bɛ̈nydït, Yïn awaŋ de pïïu piɛth.

Jeremia 2:13

në biäk cïï kɔckï awɛ̈ɛ̈c kaarou looi: acïk röt yal wei tëde Yɛn, Yɛn awaŋ de pïïu piɛth, acïk awuul wec, awuul cï ɣaar cïï pïïu lëu në muk, abïk ciën pïïu ananden.

Jeremia 29:26

“Bɛ̈nydït acï yïn tɔ ee bɛ̈ny de kake Nhialic në nyin de Jeɣoyada yic, ku ënɔɔnë yïn ee bɛ̈ny tueŋ ë Luaŋdïtic. Ee luɔidu bä raan ëbɛ̈n raan cï miɔ̈l, raan ee rɔt tɔ ee tiët, bä rek ë joth, ku tääuwë lääk ë wëëth ë yeyeth.

Jeremia 33:8

Abä ke waak gup në awäny de kërɛɛcdɛn wään cïk luöi yɛn ëbɛ̈n, ku abä ke päl awäny de kërɛɛcden ëbɛ̈n ku reec reec kek yɛn.

Edhekiɛl 36:17

“Mɛnh ë raan, wään ceŋ ë baai de Yithriɛl pinyden, acïk bɛ̈n dhiöök në kueer ye kek pïïr ku të ye kek käŋ luɔi thïn. Yɛn cï luɔiden bɛ̈n tïŋ ke cïï yic ɣer në biäk de ciɛɛŋ, cït man ye tik tɔ̈u në aköölkɛn ke thɛ̈k.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Edhekiɛl 36:29

Wek bä ke kony në këriëëc ee we dhiöök ëbɛ̈n. Yɛn bï rap yɔ̈ɔ̈k bïk juëc ke we cïï nïïm bï bɛ dɛk cɔk.

Edhekiɛl 47:1

Go raan a bɛ lɛɛr ciëën në kueer lɔ kueer Luaŋdït. Pïïu ayek wɛ̈t bei në kal thar ke ke lɔ në biäk të lɔ aköl amiäk të wel ë Luaŋdït yethok thïn. Aake wɛt piny. Pïïu awɛtkï piny në Luaŋdït thar biäk de wöuwic të lɔ yïk.

Lebai 11:36

Nyin de pïïu kekë yinh de pïïu ye gem, abïk piath, ku raan jak lɛ̈n cï thou në läi cïï piɛth yiic, acïï guöp bï piath.

Maika 5:12

Yɛn bï tïïtduön ë yiëth riɔ̈ɔ̈k, ka cïn kɔc bï käŋ bɛ aa caar.

Dhek 12:14

Ku dhiën kɔ̈kkë kedhie abïk dhiau pei, ku dhiau diëërken pei kapäc.

Dhek 12:3

Në ee köölë, yɛn bï Jeruthalem tɔ thiek cït man ë kuur, ka juöör ke pinynɔm kedhie, juöör lɔ ye them në nyiɛɛi abïk röt wääth. Juöör ke pinynɔm kedhie abïk mat, ku wëlkï nɔm ater.

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 5:4

Ade tunynhial ë Bɛ̈nydït ee bɛ̈n piny le ë awuölic ëkööl mɛɛn, bï pïïu bɛ̈n weer: ku raan ë kɔn lɔ ë pïïu yiic, të cï ke weer, ka bï waar ë juändɛn nu ë yeguöp.

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.