Dhek 12:8 - JAM DE NHIALIC 2011

⁸ Ku në ee köölë Bɛ̈nydït abï köt tääu ë Jeruthalem yɔu gël en kɔc ceŋ en, ayï kɔc kɔ̈c në keyiic, abïk riɛl cït man ɣɔn ril ë Debid. Abï käu de Debid ke wat cït man ë tunynhial ë Bɛ̈nydït, ku cït Nhialic guöpde.

Dhek 12:8 Iomraidhean Croise

Diɛt 8:5

Ku acï keek tɔ kor ë määth ë Nhialic, acï miɔɔc në göl, ku riëëu.

Diɛt 82:6

Aya lueel an, wek tuucnhial wedhie, wek ee mïth ke Nhialic Awärjäŋ.

Bɛ̈n 14:19

Na wën, ke tunynhial ë Nhialic ɣɔn nu në kɔc ke Yithriɛl nïïm tueŋë, ë wɛɛn në kecök ciëën, ku wɛɛn mën de piööl ë luät në kecök ciëën ayadäŋ.

Bɛ̈n 33:2

Wek bä tuöc tunynhial bï we wat. Ku kɔc ke Kanaan abä keek cuɔp wei, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 31:4

Go ë Bɛ̈nydït lɛ̈k ɛn an, “Të cuetë köör thɔ̈k, ku nɔn yen adur ë köör, acï awuɔɔu rël ë tïït ee bɛ̈ɛ̈r, ee lɔ ke cäm ë cämde. Yen acït luɔi bï Bɛ̈nydït de rɛm kuur de Dhiɔn bɛ̈n gël. Acïï bïï riääc abï kat.

Yith 33:24

Në kɔc rɛ̈ɛ̈r pinyda yic, acïn raan bï bɛ dok an de guöp juäi, ku karɛc ëbɛ̈n abïï ke pɔ̈l.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Yith 53:3

Ayok dhɔɔt guöp ku reecku, go nuan ku guum arɛɛm. Acïn raan töŋ ee Ye lieec ayok dhɔɔt guöp, abï ciët kë cie këdäŋ.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 27:10

Ee lueth yen lɛ̈kkï week, ku abïk week tɔ leerë piny mec në pinydun. Ku wek bä cuöp bei, ku wek bïï riɔ̈ɔ̈k.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Ɣodh 12:3

Kuɛɛrëdun Jakop ɣɔn aacï acueekde dɔm ŋuur në man yäc, na ɣɔn aacï dït, ke wiët kekë Nhialic.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Jowɛl 3:10

Thäthkï pur, ke ke ye abätɛ̈ɛ̈u. Thäthkï leem ke tëm, ke ke ye tɔɔŋ. Takï lueel ë kɔc kɔ̈c an, “Wok lëu tɔŋ.

Lebai 26:8

Kɔc kadhïc ë weyiic abïk buɔ̈t aa cop, ku buɔ̈t ë weyiic abï aguum kathiëër aa cop. Ku kɔc dɛ wek ater, abïk aa wïïk ë wenïïm në abätäu.

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Maika 7:16

Abï juöör ke pinynɔm tïŋ ku yäärkï gup në keek, abï ke pɛ̈n riɛlden ëbɛ̈n. Abïk kethook aa kum në kecin, ku thiökkï keyïth.

Maika 7:8

Du yïnɔm lec në yɛn raan de ater, na cakaa nɔn cän wïïkë, yɛn bï rɔt bɛ jɔt. Na ya cakaa rëër në mɔ̈ɔ̈th yic ënɔɔnë, Bɛ̈nydït ee yɛn gäm ɣɛɛr.

Dhek 10:7

Kɔc ke Eparaim abïk riɛl cït rem de tɔŋ, ku abïk piɔ̈ɔ̈th miɛt cït kɔc ë dek mɔ̈u. Kuatden abïk ee kënë tïŋ ku mitkï piɔ̈ɔ̈th, ku leckï Bɛ̈nydït në kepiɔ̈ɔ̈th në biäk de kë cï looi.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.

Dhek 9:14

Ku ëtɛ̈ɛ̈n, Bɛ̈nydït abï tuöl në kɔcke nïïm, abï wiɛth ke moc cït man ë wil de deŋ. Bɛ̈nydït Awärjäŋ abï kaaŋ kooth, abï jäl në amaŋic të lɔ wöuwic.

Dhek 9:8

Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Romai 9:5

kuarkuɔ ayek kaken, ayï Kërtho aya abɔ̈ në keek në dhiënh ë dhiëëthë ye, raan nu ë käŋ nïïm kedhie, ku ye Nhialic de guöp athiɛɛi athɛɛr. Amiin.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

Ɣeberuu 11:34

Keek acïk bɛ̈n poth në manydïït ajaŋjaŋic, ku acïk poth abätɛ̈ɛ̈u ë kɔc ke ater thook. Aake kɔ̈c, ku acïk bɛ̈n riɛl në tɔŋic, ku yen aa tiɛɛm kek kɔc lei.

Jocua 23:10

Raan tök në weyiic ee agum ë raan cop, në luɔi biök ë Bɛ̈nydït Nhialicdun ë tɔŋdunic, cït man wään cï en ë lueel.

Nyuuth 22:13

Yɛn aye tueŋ ku ya ciëën, göl ë käŋ ku thök ë käŋ.”

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.