Dhek 12:6 - JAM DE NHIALIC 2011

⁶ “Ku ëtɛ̈ɛ̈n, yɛn bï dhiën ë Juda tɔ cït many dɛ̈p ë rooric, ku cït many ë kuthyui nyop rɛɛp cï luɔk. Abïk juöör rɛ̈ɛ̈r në kelɔ̈m riɔ̈ɔ̈k kedhie. Ku Jeruthalem abï döŋ ke cieŋ cït mandɛnë.

Dhek 12:6 Iomraidhean Croise

Yith 54:3

Yïn bï akɛɛthku rat nïïn tueŋ në tuŋ thook kedhie, kɔcku abïk pinyden bɛ puk nɔm, piny cieŋ ë juöör kɔ̈k ënɔɔnë. Wuöt cï nyääŋ piny ënɔɔnë abïk bɛ thiäŋ në kɔc.

Yith 9:20

Wutic ëbɛ̈n kɔc abïk kacaam thii cïk aa yök aa gɔ̈ɔ̈p yiic ku camkï, ku cɔŋden acïï ke bï tɔ kueth. Acakaa mïthken abïk keek cuet!

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Obadaya 1:18

Kɔc ke Jakop abïk ciët mac, ku kɔc ke Jothep abïk ciët lɔ̈k ë mac, abïk kɔc ke Ethau riɔ̈ɔ̈k cït man ye mac miël ë rap nyop. Ka acïn kuat de Ethau bï nyin döŋ.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Dhek 1:16

Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

Dhek 11:1

Liep ɣöötku thook yïn Lebanɔn, ke mac ë cam tiimkuön ke thidar!

Dhek 12:5

Ka abï dhiën ë Juda aa lɛ̈k röt kapäc an, ‘Kɔc ke Jeruthalem acï Bɛ̈nydït de rɛm Nhialicden ke gäm riɛl.

Dhek 2:12

Ku Juda abï bɛ aa këde Bɛ̈nydït në pinydɛn ɣeric. Ku abï Jeruthalem bɛ lɔc.

Dhek 2:4

Ku lëk en an, “Kɔt, lɔ lɛ̈kë ee wën dhuŋ muk wïn ë thëm an, Jeruthalem abï yïk cït man ë bɛ̈i, ka acïn kal bï yïk, ku abï thiäŋ ke kɔc juëc arëët, ku ɣɔ̈k juëc.

Dhek 9:15

Bɛ̈nydït de rɛm abï kɔcke gël, ka abïk kɔc ke ater riɔ̈ɔ̈k. Abïk aa kïïu tɔŋ cï ka cï mɔ̈u wit, ku lëukï kɔc ke ater riɛm, riɛm bï kuëër cït man ye riɛm de miɔ̈c näk wɛt piny në yïk nɔm.

2 Kor 6:7

në jam de yic, në riɛl dïït ë Nhialic, në wëu ke tɔŋ wëu ke piathëpiɔ̈u ë ciin cuëc ku ciin cam.

Nyuuth 20:9

Gokï lɔ ku thiäŋkï piny nɔm, ku jɔkï të tɔ̈uwë rem ë kɔc ɣerpiɔ̈ɔ̈th tuɔɔk ku tookkï pänydïït nhiaar: na wën, ke mac bɔ̈ piny paannhial, bï ku cuɛ̈ɛ̈l keek.