Dhek 12:5 - JAM DE NHIALIC 2011

⁵ Ka abï dhiën ë Juda aa lɛ̈k röt kapäc an, ‘Kɔc ke Jeruthalem acï Bɛ̈nydït de rɛm Nhialicden ke gäm riɛl.

Dhek 12:5 Iomraidhean Croise

Diɛt 144:1

Pianykï Bɛ̈nydït, raan ee ya gël! Acï yɛn wɛ̈ɛ̈t ë tɔŋ ku guiir ɛn ë biäk de tɔŋ.

Diɛt 18:32

Nhialic ee yɛn gël në riɛl, ku tɔ kueerdï piathic.

Diɛt 18:39

Yïn ee yɛn gäm riɛl de tɔŋ, ku tɔ ya tiam kɔc ke aterdï.

Diɛt 46:1

Nhialic Yen ee gëlgëlda ku riɛlda, atɔ̈u ëceŋ ke bï wo kony në akööl ke nuan.

Yith 1:10

Piɛŋkï jam de Bɛ̈nydït, wek kɔc ke Thɔdom! Yak wëët de Nhialicda piŋ, wek kɔc ke Gomoora.

Yith 1:23

Bänyku ayek A rɛɛc, ku mɛ̈ɛ̈thkï në cuɛ̈ɛ̈r, ku ayek miɔ̈c ku kumthok nööm kedhie. Acïkï mïth abɛɛr ee kony ë gööny yic, ku cïkï gööny de diëër abɛɛr cï yiɛ̈n keek ee piŋ.

Yith 1:26

Wek bä gäm bäny ku kɔc ee we jääm cït kɔckuön wään tueŋ. Ka Jeruthalem abï bɛ aa cɔɔl an, pänydïït de piathëpiɔ̈u, pänydït adöt.”

Yith 28:5

Ade kööl bɔ̈, kööl bï Bɛ̈nydït de rɛm ciët göl ë dhuëëŋ ë gaak moc tëde kɔckɛn cï döŋ apïïr.

Yith 28:6

Abï ŋiëc guiëër ë löŋ gäm kɔc ee löŋ guiir, ku gëm kɔc ee pänydït gël riët de piɔ̈u bï kek pänydït gël në kɔc bï ye mak.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 32:1

Në akööl bï bɛ̈n ade melik bï bääny muk në piathëpiɔ̈u, ku bäny ke baai abïk baai mac në yic.

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Yith 60:17

“Yïn bä yiɛ̈n adhääp në nyin ë maläŋ yic, ku ateek ku maläŋ në nyin ë wëëth ku tiim yiic, ku wëëth në nyin ë kuur yic, bänykun acïkï we bï bɛ yɔŋ abä ke tɔ mac week në piathëpiɔ̈u ku mät.

Jeremia 30:21

Wën melikden abï aa raan ë jurden guöp, ku bɛ̈nyden abï aa bɛ̈n ë kɔcken yiic. Abï aa bɛ̈n tëde Yɛn të cän ye cɔɔl, ku eeŋa duëër bɛ̈n ë Yalɔ̈ɔ̈m ke kënë cɔɔl?

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jowɛl 3:16

Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Dhek 10:12

Kɔckï abä keek tɔ ril, Abïk Yɛn aa gam thök, ku dhuëŋkï ya rin. Acïï Bɛ̈nydït Lueel.

Dhek 10:6

“Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

Dhek 12:4

Ku ëtɛ̈ɛ̈n, yɛn bï jöŋgöörken riääc. Ku ta kɔc cath në kekɔ̈ɔ̈th miɔ̈l. Yɛn bï kɔc ke Juda tiit, ku ta jöŋgöör ke kɔc de ater në keek cɔɔr.

Dhek 12:6

“Ku ëtɛ̈ɛ̈n, yɛn bï dhiën ë Juda tɔ cït many dɛ̈p ë rooric, ku cït many ë kuthyui nyop rɛɛp cï luɔk. Abïk juöör rɛ̈ɛ̈r në kelɔ̈m riɔ̈ɔ̈k kedhie. Ku Jeruthalem abï döŋ ke cieŋ cït mandɛnë.

Dhek 14:14

Röör ke Juda abï thɔ̈ɔ̈r ke ke kony Jeruthalem. Abïk kuɛth ë juöör ëbɛ̈n peec, ku jɔtkï adhääp, ku ateek, ku lupɔɔ juëc aläl.

Bäny 5:9

Piɔ̈ndï atɔ̈u kekë bäny ke tɔŋ de kɔc ke Yithriɛl, kɔc ë röt gam në miɛtëpiɔ̈u, Yak Bɛ̈nydït thieei!