Dhek 12:11 - JAM DE NHIALIC 2011

¹¹ Në ee köölë, dhiëëu abï dït arëët Jeruthalem cït man ë dhiën ë dhiëëuwë Ɣadad Rimon në riaaŋ de Megido yic.

Dhek 12:11 Iomraidhean Croise

2 Mel 23:29

Në akööl wään ye Jothia melik, go Neko melik de Rip rem de tɔŋ jɔt ke lɔ melik de Athiriya kony në wɛ̈ɛ̈r ë Yuparat. Ago melik Jothia ye them luɔi bï yen thɔ̈ɔ̈r ke rem de tɔŋ ë Rip në Megido, gokï Jothia nɔ̈k ë tɔŋic.

2 Lëk 35:22

Ku Jothia acï bɛ̈n ŋoot ke kɔɔr thɔ̈ɔ̈r. Acï kë cïï Nhialic lɛ̈k melik Neko rɛɛc bïï piŋ, go rɔt thiaan ë lupɔɔ kɔ̈k cie kake melik ku lee tɔŋ thɔ̈ɔ̈r ë riaaŋ de Megido yic.

2 Lëk 35:24

Gokï jat piny në abëldɛn ë tɔŋ yic, ku tɛ̈ɛ̈ukï në abël däŋ ë tɔŋ yic ëtɛ̈ɛ̈n, ku jɔtkï leerkï Jeruthalem. Ku jɔ lɔ thou ëtɛ̈ɛ̈n, go tɔ̈ɔ̈u në raŋdɛn ë bääny yic. Go kɔc ke Juda ku kɔc ke Jeruthalem dhiëëu aläl ë thonde yic.

Dhek 12:12

Piny abï thiäŋ kekë dhiëëu ëbɛ̈n, baai abï aa dhiau pei yetök. Baai de Debid abï dhiau pei yetök, ku dhiau diëërken pei kapäc. Ku baai de Nathan abï dhiau pei yetök, ku dhiau diëërken pei kapäc.

Math 24:30

Na ëlë, ke gök bï Wën ë Raan ŋic abï jɔ tïc tënhial, ago dhiëën ke piny nɔm ëbɛ̈n, agokï keyöth biɔ̈ɔ̈k ke ke dhiau, ku abïk Wën ë Raan tïŋ abɔ̈ ë luäät yiic nhial ke cath ke riɛl dït ku dhuëëŋ dït.

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.

Nyuuth 16:16

Go ke kut nïïm të cɔl Armagedon në thoŋ ë Ɣeberuu.