Dhek 11:5 - JAM DE NHIALIC 2011

⁵ Aye kɔc cï keek ɣɔɔc ke nɔ̈k, ku cïn këtuc ye luöi keek. Ku kɔc ee keek ɣaac ayek lueel an, ‘Thieithieei Bɛ̈nydït, yɛn ë kuɛth.’ Ayï tïnden guöpde acïï piɔ̈u ee kok ë keek.

Dhek 11:5 Iomraidhean Croise

2 Mel 4:1

Tiiŋ abaar de raan töŋ de kuut ë tït acï kiɛɛu mɔ̈c Elica an, “Bɛ̈nydï, monydï acï thou! Cït man ŋic yïn en, aaye raan ee riɔ̈ɔ̈c në Bɛ̈nydït, ku ënɔɔnë raan ë käny acï bɛ̈n, ku akɔɔr bïï wɛ̈ɛ̈tkï kaarou jɔt bïk aa lïïmke në baŋ de käny ë monydï.”

Neɣe 5:8

ku luɛɛl an, “Ënɔɔnë acuk lëu yen luɔi be wok ke ɣɔɔc, kek mïthëkɔckuɔn ke Judai bïk ke dɔ̈k nïïm wook, kek kɔc ɣɔn cï röt ɣɔ̈c juöör? Ke week, ënɔɔnë, wek yɔŋ kɔckuön ke Judai, bïk röt ɣɔ̈c week, wek kɔcken!” Ku bäny acïk thook bɛ̈n mim ke cïn kë luelkï.

Jeremia 2:3

Yïn Yithriɛl yïn ee këdï Yatök, yïn ee kë cï kɔn luɔk ɣeric. Yɛn cï nuan, ku riääk tuöc kɔc ee yïn luöi kërac. Acä lueel, Yɛn Bɛ̈nydït.”

Jeremia 50:7

Aye keek mak në kak ee keek yök ëbɛ̈n. Aye kɔc ke aterden lueel an, ‘Acïk awäc luöi Bɛ̈nydïïtden, ka Yen acïn awäny cuk looi. Kuarken aake ye Bɛ̈nydït ŋɔ̈ɔ̈th, ku keek adï cïk ŋoot ke ke ye adööt tëde Yen.’

Edhekiɛl 34:10

Yɛn Bɛ̈nydït Awärjäŋ, acä lueel nɔn ee Yɛn raan de ater wo tïït ke thök. Yɛn bï amɛ̈lkï nööm tëde week, ku cä week bï bɛ tɔ ee tïït ke thök, wek cä ke bï bɛ tɔ muk röt wapäc. Yɛn bï amɛ̈lkï luäk bei në wecin, ku cä week bï bɛ tɔ cuet thök.

Edhekiɛl 34:21

Wek ee thök tök gup jäp wei ku cuɔpkï ke wei në thök yiic.

Edhekiɛl 34:6

Ka thökkï ayek tai në kur nïïm ku kur kor thöny nïïm. Acï keek thiäi në piny yic ëbɛ̈n ku acïn raan ee keek kɔɔr ku bïï keek lɔ bɛ̈ɛ̈i.

Ɣodh 12:8

Aye kɔc ke Eparaim lueel an, “Wok kueth, wok cï dɛk kajuëc. Ku në kuɛth kueth wokë ëbɛ̈n, acïn raan lëu en bï wook gɔ̈k, ku cïn raan duëër en lueel nɔn cïï wok wäc.

Ɣodh 12:9

Ee Yɛn Bɛ̈nydït Nhialicdun, raan wään bïï week bei paan ë Rip. Wek bä bɛ tɔ cieŋ pɛɛny, cït man ɣɔn kan wek pɛɛny cieŋ në akööl ɣɔn ke dhuëŋ cï kuɛ̈ny bei ë jɔ̈ɔ̈ric.

Amoth 2:6

Aye Bɛ̈nydït lueel an, “Kɔc ke Yithriɛl abä keek luöi këtuc, në biäk de karɛc juëc cïk looi. Acïk kɔc piɛthpiɔ̈ɔ̈th ɣaac në atek, ku ɣɔckï kɔc kuanynyïïn në war ke cök ke raantök.

Math 23:13

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! Wek ë kɔc guöör biic ë Ciɛɛŋ de paannhial, wegup wek cie lɔ thïn, ku kɔc kɔɔr lɔ thïn acäkï ke ye päl lɔ thïn ayadäŋ.

Jɔn 10:1

Wek yɔ̈ɔ̈k ë yic an, “Raan cïï tëk ë agäu thok le agän ë thökkic, ku kɛɛc ë gäu nɔm ë baŋ däŋ, yen aye cuɛ̈ɛ̈r, raan ë käŋ kual.

Jɔn 16:2

We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Nyuuth 18:13

ku wɛ̈ɛ̈l cɔl kinamon, ku mer, ku wal ŋïr, ku miök tum, ku libano, ku mɔ̈u, ku miök, ku agamɔ lɔ mot, ku agamɔ kënë guöör, ku ɣɔ̈k, ku thök, ku jöŋgöör, ku abëël, ku lïïm, ku wëi ke kɔc.

Nyuuth 3:17

Në luɛl ee yïn e lueel, Yɛn cï bäny ë käŋ, yɛn cï rɔt kuɛ̈t wëu juëc, ku acïn kë dak ɛn, ku kuc nɔn ŋɔ̈ɔ̈ŋ yïn guöp, ku ye raan rac, ku kuany nyin ku ye cɔɔr ku cïnë kɔ̈u lupɔ.