Dhek 11:16 - JAM DE NHIALIC 2011

¹⁶ Tiëŋkï ënɔɔnë yɛn bïï tïn cïn këde yic thïn kekë thök cï määr, tïn cïï thök tök ee gël, ku cïï thök nu ee nyuääth. Ee thök cuai kek ye cuet, ku ɣɛ̈ɛ̈r kärken yiic.

Dhek 11:16 Iomraidhean Croise

Cäk 31:38

Yɛn aa rɛ̈ɛ̈r wo yïn në ee runkë yiic kathiërrou, ku acïn thɔ̈ɔ̈kduön töŋ cï athɔ̈ɔ̈rbei dhiëëth, nɔn ee yen bou, ku nɔn ee yen amääl. Ku acïn nyɔɔŋduön cä cuet në thökku yiic.

Cäk 33:13

Go Jakop puɔ̈k nɔm en an, “Aŋic bɛ̈ny nɔn cï mïth dak në cäth, ayï amithöök, ayï akɛ̈ɛ̈l kedhie acïk dak. Na lok bɛ ŋoot ke wo cath, na cakaa kööl tök tei, ke luny aduëër thou ëbɛ̈n.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Jeremia 23:2

Kënë lueel Bɛ̈nydït Nhialic de Yithriɛl kï në biäk de bäny ee ye lueel an cïk kɔcke tiit an: “Wek kën kɔckï tiit, ku acäk keek thiɔ̈i ku cuɔpkï keek wei. Ënɔɔnë we la luöi këtuc në biäk de kërɛɛc cäk luöi kɔckï.

Jeremia 23:22

Ku na ë ke cï kɔ̈ɔ̈c në löŋdï yic, adï cïk jamdï lɛ̈k kɔckï, ku adï cïk luɔidɛn rac yek looi pɔ̈l, ku pɛ̈lkï karɛc yek looi.

Edhekiɛl 34:10

Yɛn Bɛ̈nydït Awärjäŋ, acä lueel nɔn ee Yɛn raan de ater wo tïït ke thök. Yɛn bï amɛ̈lkï nööm tëde week, ku cä week bï bɛ tɔ ee tïït ke thök, wek cä ke bï bɛ tɔ muk röt wapäc. Yɛn bï amɛ̈lkï luäk bei në wecin, ku cä week bï bɛ tɔ cuet thök.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Edhekiɛl 34:21

Wek ee thök tök gup jäp wei ku cuɔpkï ke wei në thök yiic.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Jɔn 10:1

Wek yɔ̈ɔ̈k ë yic an, “Raan cïï tëk ë agäu thok le agän ë thökkic, ku kɛɛc ë gäu nɔm ë baŋ däŋ, yen aye cuɛ̈ɛ̈r, raan ë käŋ kual.