Dhek 10:6 - JAM DE NHIALIC 2011

⁶ “Yɛn bï baai de Juda tɔ ril, ku luäk baai de Yithriɛl. Yɛn bï piɔ̈u kok wo keek, ku bɛ̈ɛ̈i keek ciëën baai kedhie. Abïk ciët ka kɛ̈n ke kɔn rɛɛc taitai. Ee yɛn ee Bɛ̈nydït Nhialicden, ka lɔ̈ŋden abä piëŋ keek.

Dhek 10:6 Iomraidhean Croise

Diɛt 89:21

Riɛldï abï ya nu ke yen aköölnyïïn, ku riɛldï abï yen tɔ ril.

Yith 11:12

Bɛ̈nydït abï beer jat nhial, ke bï ë juöör ŋic nɔn mɛ̈ɛ̈t En kɔckɛn ke Yithriɛl ku kɔckɛn ke Juda yiic, kɔc cï thiäi. Ku bïï ke ciëën në aguuk ke piny yiic kaŋuan.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Yith 54:8

Yɛn cï rɔt rat wei në agɔ̈th në kaam thiin koor, ku yïn bä nyuöth nhiëërdï aɣet athɛɛr.” Yen kë cïï Bɛ̈nydït lueel ka raan ee yïn kony.

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 30:18

Aye Bɛ̈nydït lueel an, “Yɛn bï kɔckï pɔ̈k nïïm pinyden, ku ta yepiɔ̈u kok wokë ɣööt kedhie, Jeruthalem abï bɛ yïk, ku ɣön de bääny abï bɛ yïk.

Jeremia 30:20

Yɛn bï riɛl tueŋ de jur pɔ̈k nɔm keek, ku akutnɔmden abä bɛ tɔ ril aläl, Yɛn bï kɔc ee keek yɔŋ ëbɛ̈n luöi këtuc.

Jeremia 31:1

Aye Bɛ̈nydït lueel an, “Në ee köölë, Yɛn bï aa Nhialic de ɣööt ke Yithriɛl kedhie, ku abïk aa kɔckï.”

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 31:31

Aye Bɛ̈nydït lueel an, “Akööl abïkï, akööl bän löŋ cï piac mac looi wo baai de Yithriɛl kekë kaai de Juda.

Edhekiɛl 36:11

Yɛn bï kɔc ku ɣɔ̈k tɔ kuet abïk juëc. Wek bï juëc ka wek bï täuduön thɛɛr wuöör, ku wek bï dɛk mïth juëc. Wek bä ke tɔ rɛ̈ɛ̈r ëtɛ̈ɛ̈n cït man wään rɛ̈ɛ̈r wek, ku wek bä ke tɔ kueth në kajuëc awär täuduön wään thɛɛr. Ëtɛ̈ɛ̈n abäk jɔ ŋic nɔn ee Yɛn Bɛ̈nydït.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

Edhekiɛl 37:16

“Mɛnh ë raan, nöm thieny de tim ku gäärë kɔ̈u wëlkë, ‘Baai de Juda.’ Ëtɛ̈ɛ̈n nöm thieny däŋ de tim ku gäärë kɔ̈u wëlkë, ‘Baai de Yithriɛl.’

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Ɣodh 1:11

Ku kɔc ke Yithriɛl abïk bɛ mat në kɔc ke Juda, ku pukkï kenïïm pinyden. Ku abïk röt bɛ aa kuɛ̈ny bɛ̈ny tök. Ku akööl ke Yithriɛl abïk bɛ aa akööl lɔyum arëët.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Obadaya 1:18

Kɔc ke Jakop abïk ciët mac, ku kɔc ke Jothep abïk ciët lɔ̈k ë mac, abïk kɔc ke Ethau riɔ̈ɔ̈k cït man ye mac miël ë rap nyop. Ka acïn kuat de Ethau bï nyin döŋ.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Maika 4:6

Go Bɛ̈nydït lueel an, “Akööl abïk bɛ̈n wadäŋ, akööl bän kɔc cä luöi këtuc määt yiic, ku mat kɔc cï peec nïïm, kɔc cä jieth piɔ̈ɔ̈th.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Maika 5:8

Ku kɔc lik ke Yithriɛl cï döŋ apïr ayadäŋ, abïk nu në juöör juëc yiic cil. Abïk jök cït köör nu në läi yiic roor, ku cïtkï ŋun ë köör cï lëu amɛ̈l yiic. Abïï kake dhuööŋ yiëth ke cïn raan luäk keek.

Maika 7:16

Abï juöör ke pinynɔm tïŋ ku yäärkï gup në keek, abï ke pɛ̈n riɛlden ëbɛ̈n. Abïk kethook aa kum në kecin, ku thiökkï keyïth.

Dhek 1:16

Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

Dhek 10:12

Kɔckï abä keek tɔ ril, Abïk Yɛn aa gam thök, ku dhuëŋkï ya rin. Acïï Bɛ̈nydït Lueel.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Dhek 8:11

Ku ënɔɔnë, kɔc lik cï döŋ, acä keek bï bɛ luööi arac cït man ë kɔc ɣɔn tueŋ, kë lueel ë Bɛ̈nydït de rɛm ka.

Dhek 9:16

Wadäŋ të le köölë bɛ̈n, Bɛ̈nydït abï kɔcke luök, cït man ye tïït thök luök. Ka kɔcke abïk lɔ riauriau ë piny yic cït man ë kur läk cï ke göl jäm.