Dhek 10:2 - JAM DE NHIALIC 2011

² Kɔc aye yiëth ke math, ku törë tït keek lueth. Ayek nyuöth ë lueth, ku bïïkï kɔc piɔ̈ɔ̈th në ɣäär yiic. Ka kɔc acïk yiëëm cï thök cï määr. Ayɔŋ keek në biäk cïn kek nïïm bɛ̈ny.

Dhek 10:2 Iomraidhean Croise

Cäk 31:19

Na wën, acï Laban amɛ̈lke lɔ tem gup, ke Racel ë löök yiëth ke wun kual.

1 Mel 22:17

Go Mikaya bɛ̈ɛ̈r an, “Yɛn woi rem de tɔŋ de Yithriɛl ë thiëi ë kur nïïm cï thök cïn raan tit keek. Go Bɛ̈nydït lueel an, ‘Kɔckë acïnkï nïïm bɛ̈ny wat ke, në raan ëbɛ̈n ë lɔ baaide në mät.”’

Jop 13:4

Ku na week, wek kɔc rɔth yic kɔ̈u në lueth, week wedhie, wek cït wɛ̈ɛ̈t diɔ̈ɔ̈r cï wut thueet.

Jop 21:34

Ka duɛ̈ɛ̈rkï ya jɔ muk piɔ̈u adï ënɔɔnë, ke ye muŋdepiɔ̈u cïnic kë nu thïn, bëërduön cä wek bëërë ee lueth yen tɔ̈rkï ëbɛ̈n.

Yith 41:29

Kek ee yiëthkë kedhie acïnkï naamden, acïn kë duëërkï looi taitai, kek ee yiëthkë akɔ̈ckï ku acïnkï riɛl.”

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Yith 44:9

Kɔc ee yiëth looi kedhie acïnkï naamden, ku yiëth yek leec aläl acïnkï thaarden. Kɔc ee yiëthkë lam acïk cɔɔr ku acïn kë ŋickï ku abïk gup yäär.

Yith 46:5

Aye Bɛ̈nydït lueel an, “Eeŋa yak thɔ̈ɔ̈ŋ në yɛn?” De raan däŋ duëër thööŋ ke yɛn?

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Jeremia 14:13

Aguɔ jɔ lueel an, “Bɛ̈nydït Awärjäŋ, aŋic nɔn ye tït e lɛ̈k keek an, acïn tɔŋ bï nu, ku acïn cɔŋ bï nu, në biäk cï Yïn gutguut lueel, aye lueel an, ee mät yen bï nu ë piny yic.”

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 23:17

Ayek lɛ̈k kɔc cï kë luɛɛl rɛɛc gam, ayek lueel an, käŋ abïk piath ëbɛ̈n tëde keek. Ku ayek lɛ̈k raan ril nɔm ëbɛ̈n an, riääk acïï bï bɛ̈n taitai.”

Jeremia 23:32

Piŋ kë luɛɛl, Yɛn Bɛ̈nydït! Yɛn man tït ee nyuuthken lueel, nyuuthkɛn thiäŋ ë lueth. Ayek ee nyuuthkë lueel ku thelkï kɔckï wei në törden ku në lɛcden. Akɛ̈n keek tooc, ku akɛ̈n ke yɔ̈ɔ̈k bïk lɔ, ku acïn kë bïk kuöny kɔc taitai. Acä lueel, Yɛn Bɛ̈nydït.”

Jeremia 27:10

Ee lueth yen lɛ̈kkï week, ku abïk week tɔ leerë piny mec në pinydun. Ku wek bä cuöp bei, ku wek bïï riɔ̈ɔ̈k.

Jeremia 27:14

Duökï jam de tït ee we yɔ̈ɔ̈k cäkkï röt bï gäm melik de Babilonia piŋ. Amɛthkï week.

Jeremia 27:9

Ka duökï tïtkun piŋ thook, ku duökï kë lueel raan ee jam an duëër kë bï rɔt looi wadäŋ caar ee piŋ, kɔc ee nyuöth, ku kɔc ee kɔc cï cɔ̈ɔ̈l bei, ku kɔc ee cɔ̈ɔ̈r ë yiëth. Ku abïk we yɔ̈ɔ̈k an, duökï melik de Babilon ee luööi.

Jeremia 28:15

Go tiët Jeremia lɛ̈k Ɣanania an, “Piëŋë Ɣanania! Bɛ̈nydït akën yïn tooc, ku yïn tɔ kɔckë gam lueth.

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Jeremia 37:19

Eeŋö cï tuöl tëde tïtku, tït wään ee yïn yɔ̈ɔ̈k nɔn cïï melik de Babilonia yïn bï mak wekë wut?

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 51:23

kë bän kɔc ee tïït ku amɛ̈l titkï keek tɛm röt, kë bän kɔc ee pur ku jöŋgöörken tɛm röt, kë bän bäny ke baai ku bänydït ke wut dum yiic.”

Jeremia 6:14

Ayek käŋ looi abï tëtöök ke kɔckï aa ciët piär tei. Ayek lueel an, ‘Acïn kërac,’ të cïn en këpiɛth nu.

Jeremia 8:11

Ayek käŋ looi abï tëtöök ke kɔckï ciët piär baaŋ. Ayek lueel an, ‘Käŋ apiɛthkï.’ Ku acïn kamit nu.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Edhekiɛl 21:21

Melik de Babilon aa kääc ëtɛ̈ɛ̈n të cï giit nu në apɔ̈k kuɛɛr thok. Në biäk bïï en kueer bïï yen tɛ̈ɛ̈k thïn ŋic, ee wiɛth ke dhɛ̈ŋ met yiic: ee cɔ̈ɔ̈r ë yanhde nɔm, ku them cuäny de lɛ̈n cï nɔ̈k.

Edhekiɛl 21:29

Nyuuth ye keek tïŋ ayek lueth, ku ka ye keek caar ayek tör. Yïn ee raan ee karɛc looi ku ye raan rac, ku kööldu abɔ̈, kööl ciëën bï ë yïn luöi këtuc. Abätäu abï lööny në weyiëth.

Edhekiɛl 34:5

Në biäk cïn ë thök nïïm raan ee ke tiit, acïk thiäi, ku lɔ läi roor ke nɔ̈k ku cuet keek.

Edhekiɛl 34:8

Në yic ke ya ye Nhialic pïïr, apiɛth bäk kë lɛk week piŋ. Thökkï acïï läi roor ke näk ku cuet keek në biäk cïn en tïn ee keek tiit. Tïn de thökkï akën them bïï thök lɔ kɔɔr. Aake ye röt muk kapäc ku acie thök kek ë titkï.

Ɣodh 3:4

Ku yen kë bï mïth ke Yithriɛl tɔ rɛ̈ɛ̈r ka të cïn melik, ku të cïn bäny në aköölkë yiic. Ku acïn miɔ̈c bïk bɛ gam, ayï kur ɣeriic. Ku abïk nïïm ciën lupɔɔ ke ajïpɔ, ku cïnkï nïïm yiëth.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Ɣabakuk 2:18

Eeŋö duɛ̈ɛ̈rkï yök në läm de yiëth ë guaŋkï në we cin? Duëër aa ŋö, kë ye kɔc kak ë guaŋkï në ke cïn ŋɔ̈ɔ̈th, ku gamkï tör de lueth cït ee kënë, yiëth cie jam!

Dhek 11:17

Amawoou në tïn cïn naamdeyë acï luöi këtuc! Ë lunyde päl wei. Riɛlde abï tɔŋ nyaai taitai. Abï kök wiɛɛu, ku cɔɔr nyin cuënyde.

Kuɛ̈n 27:17

Raan bï keek aa wat tɔŋ, ku wɛt keek ciëën tɔŋ. Ke akutnɔm de kɔckun ë cï bï cït thök cïn nïïm tïït.

Math 9:36

Na wën, acï kuut ke kɔc tïŋ, ke jɔ piɔ̈u kok kekë keek, luɔi cï kek dak, ku luɔi cï kek thiäi cït man ë thök cïn raan ee ke tiit.

Mak 6:34

Na wën, aacï Yecu bɛ̈n bei ë abëlic, ke tïŋ kut dïït ë kɔc, go piɔ̈u kok ke keek, nɔn tɔ̈u kek cït man ë thök cïn nïïm raan ee ke tiit. Go ke jɔ wɛ̈ɛ̈t ë kajuëc.

Nyöŋ 13:2

në biäk bïï kek week thɛl në läm ku luööikï yiëth, yiëth kënkï keek kɔn lam ɣɔn thɛɛr. Na cakaa këdɛn ë thönkï week, yen cï bɛ̈n ke ee yic,

Bäny 18:14

Go kɔc kadhïc wään cï Laic lɔ neem lɛ̈k mïthëkɔcken an, “Ŋiɛckï nɔn de yen yïk ee tënë, ku tim cï guaŋ ke ye yath, ku ade yiëth kɔ̈k ku ajïpɔ, eeŋö buk looi?