Dhek 10:10 - JAM DE NHIALIC 2011

¹⁰ Abä keek bɛ̈ɛ̈i ciëën Rip ku määt keyiic në Athiriya, ku bä ke tɔ piäät Giliyad kekë Lebanɔn ayadäŋ, ka piny ëbɛ̈n abï thiäŋ kekë kɔc.

Dhek 10:10 Iomraidhean Croise

Yith 60:22

Ayï jur koor ku cï rɔt kuɔɔr piny, Abï dït ku abï ciët jurdïït ril. Të le akööl rɔ̈ŋ bɛ̈n, Yɛn bï ee kënë dap tɔ loi rɔt. Acä lueel, Yɛn Bɛ̈nydït!”

Jeremia 22:6

“Ɣön ë bääny ë Juda aläk cï piny de Giliyad, ku lɛ̈k cï kur ke Lebanɔn të de Yɛn, ku abä tɔ ee jɔ̈ɔ̈r, të cïn raan bï ceŋ thïn.

Jeremia 50:19

Yɛn bï kɔc ke Yithriɛl bɛ pɔ̈k nïïm pinyden. Abïk cam në kacaam ee luɔk në kuur ë Karmel nɔm, ku piny de Bacan, ku abïk cam në kak kɔɔrkï ëbɛ̈n, kak ee luɔk piny de Eparaim ku Giliyad.

Ɣodh 11:10

Abïk Bɛ̈nydït kuany cök, cït man ye köör mïthke cɔɔl në kiɛɛu. Të le yen cööt, mïthke abïk aa bɛ̈n në riëëu të lɔ aköl athɛ̈i.

Ɣodh 11:11

Abïk dap bɛ̈n ciëën paan ë Rip cït diɛt pär, ku dapkï bɛ̈n ciëën në Athiriya cït guuk ŋic wut. Ku abä keek dɔ̈k nïïm paanden. Ee Yɛn Bɛ̈nydït Yɛn ë luel ee kënë.

Obadaya 1:20

Ku rem de tɔŋ ë Yithriɛl ɣɔn lɔ bɛ̈n në pɛ̈cic, abï piny ë Ponicia peec agut të lɔ rutë ale kɔ̈ɔ̈c Dharepath. Ku kɔc ɣɔn pec ë Jeruthalem kɔc tɔ̈u Thardith, abïk wuöt dït nu Juda të lɔ wöuwic peec.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Dhek 8:7

Acïï Bɛ̈nydït de rɛm lueel an, Kɔckï abä keek luäk bei në wuöt nu të lɔ aköl amiäk ku wuöt nu të lɔ aköl athɛ̈i të cï ë keek lɛɛr thïn,

Dhek 8:8

ku abä keek bɛ̈ɛ̈i ciëën piny të lɔ aköl amiäk ku aköl athɛ̈i, ku abïk bɛ̈n rɛ̈ɛ̈r ë Jeruthalem. Abïk aa kɔckï, ku yɛn bï ya Nhialicden. Ku abä keek cieŋ në yic, ku piathëpiɔ̈u.