Dhek 10:1 - JAM DE NHIALIC 2011

¹ Liɛpkï Bɛ̈nydït në deŋ yaak. Ee Bɛ̈nydït yen ee luät ke deŋ bɛ̈ɛ̈i, ku tɔ deŋ tueny, go këriëëc de raan ëbɛ̈n luɔk domic.

Dhek 10:1 Iomraidhean Croise

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

Jop 29:23

Aake tit ɛn cït kɔc tit deŋ, ku liepkï kethook cï kɔc tit deŋ yaak.

Diɛt 104:13

Yïn ë deŋ tooc nhial ke bï kur kor tuɛ̈ny nïïm, ago pinynɔm thiɔ̈ɔ̈ŋ në athiɛɛidu.

Diɛt 135:7

Ee luäät bɛ̈ɛ̈i ë piny thar ciëën, ku tuuc wil ë deŋ të tueny ë deŋ, ku liëp yom bei në ɣöötke yiic.

Diɛt 65:9

Yïn ë dön döt Yïn piny nyuɔɔth në luöi Yïn deŋ tuɔɔc, Yïn ee pinynɔm tɔ kueth ku tɔ wäi. Yïn ë nyïïn tɔ de yic pïïu, ku miɔc piny në kɔ̈th, yen luɔi Yïn e looi kï.

Diɛt 72:6

Tɔ melik cït deŋ tueny ë duumiic, ku cït nyieer ee lööny piny.

Kɛ̈ŋ 16:15

Miɛt ë piɔ̈u de bɛ̈ny acït deŋ yaak ee pïïr bɛ̈ɛ̈i.

Yith 30:23

Të la wek kɔ̈thkun com, Bɛ̈nydït abï deŋ tuööc bï ke tɔ goŋ ku tɔ kakun lok abäk kajuëc tem, ku ɣɔ̈kkun abïk dɛ wal juëc nyuäthkï.

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Jeremia 10:13

Ku në jamde pïïu tɔ̈u nhial ayek wuur, ee luäät bɛ̈ɛ̈i ë piny thar. Ku ee deŋ tɔ wil të tueny en, ku tɔ yom put ë ɣöötke yiic.

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 5:24

Akënkï tak bäk ya riëëu, cakaa nɔn yan we tuöc deŋ yaak ku tuöc we deŋ ruël, ku gäm week rɛɛp yak tem ë ruöön thok ëbɛ̈n.

Jeremia 51:16

Ku në yöökde, go pïïu tɔ̈u ë tënhial wuur, ee luäät bɛ̈ɛ̈i në piny thar. Ee wilëdeŋ tɔ riau ë deŋic, ku ye yom tooc në adhaande yic.

Edhekiɛl 34:26

“Abä ke thieei ku ta ke rɛ̈ɛ̈r në kuurdiën ɣeric lɔ̈ɔ̈m. Abä ke jɔ thieei në nyieer ke deŋ ëtɛ̈ɛ̈n të kɔɔr kek en.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

Ɣodh 10:12

Gɔ̈lkï röt duum ku cuömkï röt piathëpiɔ̈u, ke wek bï kakë nhiëër agɔk yök, ke cie luɔi rac. Në biäk ye kek akööl ke kɔ̈ɔ̈r kɔɔr ë Bɛ̈nydït, agut kööl bï Yen bɛ̈n, bï week bɛ̈n gäm athiɛɛi.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Amoth 4:7

Rɛɛpkun acä keek pɛ̈n deŋ ke ke cïï bï piɔɔk, ku yɛn ee deŋ tɔ tueny wun tök, ku pɛ̈n wun däŋë. Ku ta deŋ tueny dom tök, ku ta dɛ̈ɛ̈k dom däŋë go yom wei.

Maika 5:7

Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Jɔn 16:23

“Ku ëköölë acïn kë bä wek a luɔp. Wek yɔ̈ɔ̈k ë yic an, Të de yen kë bäk lip tëde Wäär në rinkï, ka bï gäm week.

1 Kor 3:6

Yɛn ee com, Apolo en aaye piöök, ku ee Nhialic en aaye käŋ tɔ cil.

Nyöŋ 28:23

Acïn deŋ bï tuɛny, ku pinydun abï riɛl ë tör cï wëëth.

Jakop 5:7

Yak piɔ̈ɔ̈th liɛɛr, wek mïthëkɔckuɔ, aɣet bɛ̈n bï Bɛ̈nydït bɛ̈n. Wɔikï, raan de dom ee kapiɛth ee piny ke luɔk tiit, ke lir piɔ̈u në ye, aɣët të bï en deŋ yök, deŋ yaak ayï deŋ anyɔ̈ɔ̈c.