Dhek 1:8 - JAM DE NHIALIC 2011

⁸ ‘Yɛn ë nyuuth tïŋ wënakɔ̈u. Ëtɛ̈ɛ̈n, yɛn ë raan tïŋ ke nu ë jöŋgör thith kɔ̈u. Ku akääc në tiim ke merital yiic, në wakic. Ku jöŋgöör kɔ̈k akɛ̈ɛ̈ckï në yekɔ̈u ciëën, jöŋgör thith, ku jöŋgör kän yan, ku jöŋgör ɣer.

Dhek 1:8 Iomraidhean Croise

Cäk 20:3

Go Nhialic bɛ̈n tëde Abimelek në nyuöthic wakɔ̈u, ku lëk en an, “Yïn rɛ̈ɛ̈r ke yï ye raan cï thou, në biäk de ee tiiŋ cï nöömë, në luɔi yen tiiŋ ë moc.”

Cäk 46:2

Go Nhialic jam ke Jakop në nyuöthic wakɔ̈u, cɔɔl Jakop an, “Jakop, Jakop!” Go Jakop gam lueel an, “Woi! Yakï eenë.”

1 Mel 3:5

Na ɣɔn wakɔ̈u go Bɛ̈nydït tuöl tëde Tholomon ë Gibiɔn ke ye nyuöth, lueel an, “Eeŋö bä lip kë bä gäm yïn?”

Neɣe 8:15

Ëtɛ̈ɛ̈n yen acïï kek jamë bɛ̈n tuɔɔc Jeruthalem ku wuöt kɔ̈kiic an, “Lakkï në kur nïïm, ku bɛ̈ɛ̈ikï kër ke tiim ke olip, ku kër ke aköt ku lɔ kër ke tiim kɔ̈k kithiic bäk lɔ yök bï ke kɛ̈ɛ̈t bɛ̈n yïk, cït man cïï ye wɛ̈ɛ̈t në kë cï gɔ̈ɔ̈r në löŋic.”

Jop 4:13

Yɛn aa cïï nïn tiaam, ku jɔ nyuöth ɛn cuil guöp abï ya lath,

Diɛt ke 2:16

Monydiën nhiaar ee këdï, ku yɛn ee këde. Ee thökke nyuääth në agurbiökiic,

Diɛt ke 6:2

Monydiën nhiaar acï lɔ domde, të ye wal ŋïr luɔk thïn. Anyuɛ̈ɛ̈th thökke domic, ku ye agurbiök määtiic.

Yith 41:19

Yɛn bï thidar tɔ cil në jɔ̈ɔ̈ric, ku tiim ke akacia ku rɛ̈t, ku tiim ke olip. Roor abï cil piny cïï wal ë cil thïn, roor de tiim ke enap ku tiim ke juniper ku tiim ke ameth.

Yith 55:13

Tiim ke ameth abïk cil të wään de yic athil, tiim ke merital abïk cil të wään de yic kuɔɔth. Kënë abï aa kïn bï tɔ̈u aɣet athɛɛr, kë bï kɔc täk nïïm në kë cï Bɛ̈nydït looi.”

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Danyel 2:19

Ku në ë wɛ̈ɛ̈r töŋë yic këcïmoony acï bɛ̈n nyuöth Danyel ë nyuuthic, ago Danyel Nhialic de paannhial piɔɔny an:

Danyel 7:13

Ku në ee nyuuthë yic wakɔ̈u, yɛn cï kë cït mɛnh ë raan tïŋ. Abɔ̈ të nu yɛn thïn ke cï geeu në luäät, ago lɔ të de raan pïïr aɣet athɛɛr, go lɔ gäm en.

Danyel 7:2

në kë wään bä tïŋ ee wɛ̈ɛ̈r ë yic: Yom aa put ë ɣään kedhie ku aaye rɔt yuöp ë wɛ̈ɛ̈r yic.

Dhek 1:10

Acïï Bɛ̈nydït ke tooc bïk pinynɔm lɔ caath.”

Dhek 1:11

Ku acïk jam bɛ̈n puɔ̈k nɔm tunynhial ë Bɛ̈nydït kääc në tiim ke mirtel yiic an, ‘Wo cï pinynɔm caath ëbɛ̈n, ku acuk yök ke cï lɔ̈ŋ, ku de rëër lɔ dïu.’

Dhek 1:7

Na ɣɔn, në kööl ye pɛɛi ye pɛ̈i thiëër ku tök thok thiërrou ku ŋuan, pɛɛi de Cebat, në ruöön ye run ke Dariouth rou në bääny yic, ke jam de Bɛ̈nydït ë bɔ̈ tëde tiët Dhekaria, wën ë Berekia wën ë Yido. Go Dhekaria lueel an,

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Kuɛ̈n 12:6

Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

Jocua 5:13

Na ɣɔn ë kööl tök, në akööl ɣɔn rëër ë Jocua në Jeriko lɔ̈ɔ̈m, ke Jocua ë tïŋ raan muk abätäu ëthiäu akääc ë yenɔm tueŋ. Go Jocua rɔt cuöt en ku lop an, “Ye raanda, ku ye raan de kɔckuɔn ke ater?

Nyuuth 2:1

Gäärë tunynhial de ɣön ë Nhialic nu Epetho alë: Kakë aluel raan keek, raan muk kuɛl kadhorou ë ciin cuënyde, raan cath ë kuc ke mɛ̈ckealath ë adhääp kadhorou yiic cil:

Nyuuth 6:2

Guɔ anyin jɔt, ku ja jöŋgör akuur tïŋ, ku raan rɛ̈ɛ̈r ë yekɔ̈u amuk dhaŋ, ku cï gäm göl ë dhuëëŋ, go lɔ biic ke tiëm, ku bï lɔ ke tiëm.

Nyuuth 6:4

Go jöŋgör däŋ bɛ̈n bei, jöŋgör aluɛɛl, go raan rɛ̈ɛ̈r ë yekɔ̈u gäm riɛl bï en mät nyaai ë piny nɔm, ke kɔc ë ke bï röt nɔ̈k kapäc, ku cï gäm abätäu dït.