Dhek 1:3 - JAM DE NHIALIC 2011

³ ku ënɔɔnë, alɛ̈k ë Bɛ̈nydït de rɛm week an, “Puɔ̈kkï röt ɛn, ku yɛn bï rɔt pɔ̈k week.

Dhek 1:3 Iomraidhean Croise

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 15:4

Ku na de nuɛɛn cï ke yök, ke ke jɔ röt pɔ̈k Bɛ̈nydït, Nhialic de Yithriɛl. Ayek kɔɔr ku yökkï.

Neɣe 9:28

Na lɔ mät bɛ̈n ke ke be awɛ̈ɛ̈c nyɔk në luɔi, ku be keek tɔ nyɔk ë pɛ̈c peecë keek në kɔc ke aterden. Na lek awɛ̈ɛ̈cken gam ku thiëckï Yïn bä ke kony paannhial, aye ke piŋ ku kony ke në thaar nyin ëbɛ̈n në kokdepiɔ̈nduön dït.

Jop 22:23

ku na dhuönyë rɔt Nhialic Awärjäŋ ke bï yï yïk, ku tɔ luɔi de karɛc kääc baaidu,

Yith 31:6

Go Bɛ̈nydït lueel an, “Kɔc ke Yithriɛl, wek cï ya luöi awäc ku rɛɛckï Yɛn. Ku ënɔɔnë, bäkkï ciëën tëde yɛn!

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Jeremia 12:15

Ku të cän keek jat wei, Yɛn bï piɔ̈u kok wo keek, Yɛn bï jur bɛ aa bɛ̈ɛ̈i ciëën pinyde, ku paande.

Jeremia 25:5

Acïk week yɔ̈ɔ̈k bäk röt puk në kuɛɛrkuön rac yiic, ku në karɛc yak looi yiic, aguɔkï rëër piny cï Bɛ̈nydït gäm week ë kuarkun ke ye këdun aɣet athɛɛr.

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 3:22

Pɔ̈kkï röt ee në wedhie, wek kɔc wään cï röt yal wei tëde Bɛ̈nydït, abï we tɔ piɔl gup ku tɔ we ye adööt. Ayak lueel an, “Ɣɛɛ, wok bɔ̈ tëde Bɛ̈nydït, në biäk ee Yen Nhialicda.

Jeremia 35:15

Wek ya cool ë tuöc keek tïtkï kedhie, kɔc ee Yɛn luööi, ku acïk we yɔ̈ɔ̈k bäk kuɛɛrkuön rac pɔ̈l, ku bäk këpiɛth aa looi. Acïk we yɔ̈ɔ̈k luɔi cä wek yiëth kɔ̈k bï aa lam ku cäkkï keek luui, aguɔkï ŋoot ke we rɛ̈ɛ̈r piny cä gäm week ku gäm kuarkun. Ku wek kën jamdï piŋ ku cäkkï wëlkï tɔ lɔ ë weyïth.

Jeremia 4:1

Aye Bɛ̈nydït lueel an, “Kɔc ke Yithriɛl, na kaarkï bäk bɛ̈n ciëën ke we puk röt Ɛn. Ku nyaaikï yiëthkuön maan ku takï wepiɔ̈ɔ̈th adööt në Yɛn,

Edhekiɛl 18:19

“Ku yïn bï jɔ thiëc an, ‘Eeŋö cïï meth ee gum në biäk de awɛ̈ɛ̈c ke wun?’ Bɛ̈ɛ̈rde kï meth aaye yic ku këpiɛth looi. Acï ka cä lɛ̈k yen döt, ku kuɛny kecök apiɛth, ka yen ëyic abï pïïr.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 18:32

Aye Bɛ̈nydït Awärjäŋ lueel an, “Acïn raan töŋ kaar bïï thou. Puɔ̈kkï wepiɔ̈ɔ̈th në luɔi de awɛ̈ɛ̈c, ku piëërkï.”

Edhekiɛl 33:11

Lɛ̈kë keek, ee yic, ke ya ye Bɛ̈nydït Awärjäŋ, yɛn ee Nhialic pïïr, acä nhiaar bä kɔc de gup awɛ̈ɛ̈c tïŋ ke ke thou. Aya nhiaar bä raan bä ke tïŋ ke ke päl luɔidɛn de awɛ̈ɛ̈c ku pïïrkï. Baai de Yithriɛl jɔ luɔiduön de awɛ̈ɛ̈c ye looi pɔ̈l. Eeŋö kɔɔr yïn bä thou?

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 14:4

Aye Bɛ̈nydït lueel an, “Yɛn bï kɔckï bɛ puɔ̈k nïïm rɔ, ku nhiaar keek në piɔ̈ndï ëbɛ̈n, Yɛn cï bï bɛ gɔ̈th wok keek.

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Malakai 3:7

Wek ë lööŋkï rɛɛc, ku cäkï keek döt, gɔl në kuarkun alee guut ë week. Puɔ̈kkï wenïïm Ɛn, ku Yɛn bï Yanɔm puɔ̈k week. Ku wek ee bɛ lop an, ‘Buk wonïïm puk adï?’