Danyel 2:2 - JAM DE NHIALIC 2011

² go kɔc ee thuëth, ayï kɔc ee cɔ̈ɔ̈r, ku kɔc ee lam, ku kɔc ee caw ku kɔc pelnïïm tɔ cɔl bïk nyuöth bɛ̈n wɛ̈ɛ̈ric en. Wën cï kek bɛ̈n gokï kɔ̈ɔ̈c ë melik nɔm,

Danyel 2:2 Iomraidhean Croise

Cäk 41:8

Na ɣɔn amiäk, ke pääc ke cï nɔm mum. Go melik tït ke Rip cɔɔl kedhie, ku cɔɔl röör pelnïïm. Ku guïïr keek nyuöthde. Ku acïn raan töŋ cï ke bɛ̈n lëu në wër ë yic.

Ethta 1:13

Kënë anu në ciɛɛŋ de Melikic, ee kɔcke luɔp piɔ̈ɔ̈th, të de yen kë duëërë looi. Na wën ke melik ë yöök röör pelnïïm ee nïïm tiëër në ka bï röt luɔɔi, ku ŋickï lööŋ, ku wël ye kɔc ke röt mac, ago ke yɔ̈ɔ̈k në kë duëërë looi.

Bɛ̈n 7:11

Go melik röör pelnïïm cɔɔl, ku cɔɔl tït. Agokï kë cït kë cïï Aron looi looi ayadäŋ në tïïtden.

Yith 19:3

Kɔc ke Rip acïkï piɔ̈ɔ̈th bï riɛl, yɛn bï täŋden liääp. Abïk kuɔɔny aa thiëëc tëde yiëthken, ku abïk lɔ ku lopkï kɔc ee cɔ̈ɔ̈r, ku thiëkkï wëi ë kɔc cï thou në kë bï looi

Yith 8:19

Ku kɔc abïk week yɔ̈ɔ̈k bäk wël aa lɔ luɔp yiic tëde kɔc ee cɔ̈ɔ̈r, ku kɔc ee thuëth, kɔc ee käŋ caar ku yek käŋ mɛɛk. Abïk lueel an, “Kɔc ayek wël luɔp tëde wëi ku jamkï në kɔc cï thou në nyin de kɔc pïr.”

Danyel 1:20

Ku në këriëëc yic ëbɛ̈n, kë ye melik luɔp në pɛlënɔm kekë ŋïnydekäŋ, aye wäthii kaŋuan keek ŋic raanthiëër awär kɔc ee thuëth, ku kɔc ee cɔ̈ɔ̈r në ciɛɛŋ ë melikic ëbɛ̈n.

Danyel 1:4

Abïk dhil aa dhuök läk, ku yek atëët në pɛlënɔm ëbɛ̈n, kɔc de ŋïnydekäŋ, kɔc ee dap wëët, ku cïnkï gup tëdak, kɔc bï luɔi de paan ë melik lëu. Ku abï Acepenadh keek wɛ̈ɛ̈t në kuën ku gäär ë thoŋ de Babilonia.

Danyel 2:10

Go ë kɔc bɛ̈ɛ̈r an, “Acïn raan nu ë piny nɔm, raan duëër melik lɛ̈k kë kɔɔr bïï ŋic. Acïn melik, Ayï melikdïït ril ëtör acïï kë kɔɔrë duëër kɔn lɛ̈k tïtke, ayï kɔc ee cɔ̈ɔ̈r, ku kɔc ee thuëth.

Danyel 2:27

Go ë Danyel bɛ̈ɛ̈r an, “Yïn melik, acïn röör pelnïïm, ayï kɔc ee cɔ̈ɔ̈r, ayï kɔc ee thuëth ayï kɔc ee meek, kɔc duëër yïn lɛ̈k ee këcïmoonyë.

Danyel 3:8

Ku ëtɛ̈ɛ̈n kɔc kɔ̈k ke Babilonia acïk nyin ë lueth yök, bï kek kɔc ke Judai cop.

Danyel 4:3

“Kake gäi cïï Nhialic ke nyuöth wook ayek kadït. Ku ka göök cïï Nhialic ke looi ayek karil. Ciɛɛŋ de Nhialic abï ɣet athɛɛr, ku abï pinynɔm cieŋ aköölnyïïn ëbɛ̈n.

Danyel 4:6

Yɛn cï röör pelnïïm nu Babilon tɔ yïnë yɛn, bïk yɛn bɛ̈n lɛ̈k kë lueel ë nyuöth.

Danyel 5:7

Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.

1 Tham 6:2

go kɔc ke Pilithiin gucken ku tïtken cɔɔl ku lopkï keek an, “Eeŋö buk luöi Athänduŋ de Män ë Bɛ̈nydït? Nyuöthkï wook kueer bï wok e pɔ̈k nɔm kɔc de yen.”