Cäk 9:21 - JAM DE NHIALIC 2011

²¹ Na ɣɔn, ke dëk në mɔ̈n ë loi në ee timë. Ago mɔ̈u en wit, go tɔ̈c ë paanyic ke kën ë kɔ̈u kum në lupɔ.

Cäk 9:21 Iomraidhean Croise

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

Cäk 9:20

Nowa yen aye raan töŋ tueŋ ë kɔn piny com nɔm, go dom de enap com.

Kɛ̈ŋ 20:1

Mɔ̈u ade guöp agɛɛt ayï mɔ̈n tuc ee kɔc kɛ̈ɛ̈k, raan ëbɛ̈n raan ee rɔt tɔ thel ë mɔ̈u wei acïï nɔm pel.

Wɛ̈ɛ̈t 7:20

Ku ee yic, acïn raan piɛthpiɔ̈u nu ë piny nɔm ee këpiɛth looi ku cie wäc.

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

1 Kor 10:12

Yen na de raan ŋic rɔt nɔn kɛ̈ɛ̈c en apiɛth, ke ye rɔt tiit ke cïï bï wïïk.

Galatai 5:21

wui de kalei, näŋ de kɔc, wïn ee kɔc wit ë mɔ̈u, thuëëc de yic kërac, ku ka kɔ̈k cït ee kakë, ka ke guöp ka: ku akɛ̈n lɛ̈k week ënɔɔnë në këde kakë, acït man cän e kɔn lɛ̈k week ɣɔn në këden an, kɔc ee ka cït ee kake looi, acïkï Ciɛɛŋ de Nhialic bï lɔ̈ɔ̈k lak.

Tito 2:2

An, ë röördït ë ke ye röt tiit apiɛth, ku yek kɔc piɛth nïïm, kɔc ee nïïm tiëër, kɔc ee tɔ̈u apiɛth ë gäm, ku nhiëër, ku ruötëpiɔ̈u.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.