Cäk 8:4 - JAM DE NHIALIC 2011

⁴ Ku në kööl ë ye pɛɛi ye pɛ̈i dhorou thok thiëër ku dhorou, ke abël ë jak kur nïïm, kur ke kuur cɔl Ararat.

Cäk 8:4 Iomraidhean Croise

Cäk 7:20

Ku ŋootkï ke ke lɔ nhial, abïk kur wöör nïïm në mitïïr kadhetem ku biäk.

Cäk 8:5

Ku ŋoot pïïu ke ke dëu agut en cï pɛɛi ë ye pɛ̈i thiëër. Ku në kööl tueŋ de pɛɛi ë ye pɛ̈i thiëër, ke kur ë ke jɔ bɛ̈n tïŋ nïïm.

2 Mel 19:37

Na ɣɔn ë kööl tök, të lɛ̈m en luaŋ ë yanhdɛn Nithrokic, go wɛ̈ɛ̈tke kaarou yï Adramelek ku Caredher nɔ̈k në abätɛ̈ɛ̈u. Gokï bɛ̈n kat ke ke lɔ piny de Ararat, ago Etharɣadon wënde lɔ në nyinde yic ke ye melik.

Yith 37:38

Na ɣɔn ë kööl tök aa läŋ yanhdɛn Nithrok luaŋdɛn yaath, go wɛ̈ɛ̈tke kaarou Adramelek ku Caredher ye nɔ̈k në abätɛ̈ɛ̈u, ku kuɛlkï röt ke ke lɔ piny de Ararat, go wëndɛn dït cɔl Etharɣadon lɔ në nyinde yic ke ye melik.

Jeremia 51:27

“Gamë kïn bïï ë mɛk! Kuɔthkï kaaŋ ago ë juöör piŋ! Guiɛɛrkï juöör në tɔŋ bïk thɔ̈ɔ̈r ë Babilonia! Lɛ̈kë ciɛɛŋ ke Ararat, ku Minni, ku Acekenadh bïk mɛk looi. Kuanykï bɛ̈ny de tɔŋ bï tɔŋ de mɛk wat. Bɛ̈ɛ̈ikï jöŋgöör cït tëŋ de kɔyɔm.