Cäk 8:21 - JAM DE NHIALIC 2011

²¹ Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Cäk 8:21 Iomraidhean Croise

Cäk 3:17

Ku lëk ë Bɛ̈nydït Nhialic moc an, “Në luɔi cïn jam ë tiiŋdu piŋ, ku cam mïth ke tim wään cän jaai, an, cï cam, piny abä jɔ cieen nɔm në këdu. Në pïïrdu yic ëbɛ̈n, yïn bï këcamdu aa yök të cïn luɔi dït kɔn looi.

Cäk 4:12

Ku të le yïn piny com nɔm, acïï bï luɔk. Yïn bï jɔ riäu ke yï cïn nɔm wut në ee pinyë nɔm.”

Cäk 5:29

Go lueel an, “Në ee piny man wään cï Bɛ̈nydït cieen nɔmë, mɛnhë abï wo jɔ dak nïïm në pïïric, në karɛckuɔn cuk looi.” Ku jɔ cäk rin an Nowa.

Cäk 6:13

Go Nhialic lɛ̈k Nowa an, “Acä tak nɔn bän kɔc ke piny nɔm riɔ̈ɔ̈k kedhie, në luɔi cï kek piny riɔ̈ɔ̈k nɔm në karɛckɛn yek looi ëbɛ̈n. Ku piny nɔm abä riɔ̈ɔ̈k abïï ciën kë bï bɛ tɔ̈u thïn.

Cäk 6:17

Në luɔi bän piny nɔm mool, ku riääk kapïr ë piny nɔm ëbɛ̈n abïï ciën töŋ dɔ̈ŋ ke pïïr.

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Jop 14:4

Eeŋa duëër kë ɣeric bɛ̈ɛ̈i bei në kë cï dhiöök në këcol? Acïn raan.

Diɛt 51:5

Ee yic, yɛn cï karɛc looi, të ɣɔn dhiëëthë yɛn, yɛn ee karɛc looi, të ɣɔn yök ë maar ɛn.

Diɛt 58:3

Kɔc rac ayek karɛc looi në pïïrden yic ëbɛ̈n, ayek lueth gɔl ë tör të dhiëëthë keek.

Diɛt 58:4

Acïk thiäŋ në wurïï cï man ë karɛc, acïk yïth lɔ dïu cït lualdït cï miŋ,

Bɛ̈n 29:18

Ku nyop nyɔk ëbɛ̈n në yïk nɔm, ke ye miɔ̈c ye nyuöp Bɛ̈nydït, atuɔ̈mde ee Ya miët piɔ̈u.

Bɛ̈n 29:25

Ku jɔ ke bɛ̈n nööm në kecin, ku nyop keek në yïk nɔm në miɔ̈c ye nyop ëtök. Atuɔ̈mde abï Ya miët piɔ̈u.

Kɛ̈ŋ 20:9

Eeŋa duëër e lueel an, yɛn cï a piɔ̈u tɔ piɛth, yɛn lɔ wai acïn kërɛɛc nu ë yeguöp?

Wɛ̈ɛ̈t 7:20

Ku ee yic, acïn raan piɛthpiɔ̈u nu ë piny nɔm ee këpiɛth looi ku cie wäc.

Yith 47:12

Muk wal ku tiim ke yiëthku kedhie, yïn aaye lui në gɔl të wään ee yïn meth. Tak däŋ bïï dɛ të bï kek yïn kony, tɛk däŋ bä kɔckuön ke ater riääc ë keek.

Yith 47:15

Yen këpiɛth bïk luöi yïn ka ëbɛ̈n, kek kɔc ee kanhial kueen ee yïn jääm në pïïrdu yic ëbɛ̈n. Abïk yï nyääŋ piny kedhie ku kuanykï kueerden yic, ku acïn raan bï döŋ bï yïn kony.”

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Yith 65:6

“Yɛn cï këdï lueel në biäk de këtuc bïï luöi keek, ku gääkden acï gäär piny. Yɛn cïï kë cïk looi bï biɔɔn yic, abä ke cuööt

Jeremia 17:9

“Eeŋa duëër piɔ̈n ë mɛnh ë raan ŋic? Acïn këdäŋ rac aläl, ade juän dïït cïï bï dem.

Jeremia 18:12

Ku abïk bɛ̈ɛ̈r an, “Ei, eeŋö duëër wok ke pɔ̈l? Wok bï nïïm riɛl wodhie ku loiku karɛc cït kë kɔɔrku.’”

Jeremia 8:6

Yɛn cï Yayïth këët, ku wek kën yith lueel. Acïn raan tök në weyiic, raan cï awänyde gam, ku acïn raan tök në weyiic, raan cï lop an, ‘Eeŋö cä wööc?’ Ŋɛk ee cath në cäthde, cït man ë jöŋgör lɔ ë tɔŋic.

Edhekiɛl 20:41

Ku të cän we bɛ̈ɛ̈i bei në wuöt wään cïï ë week thiäi thïn yiic, ku määt we yiic wedhie tëtök, yɛn bï miɔ̈cduön cï nyop gam, ku abïï juöör ëbɛ̈n tïŋ nɔn ɣɛɛr yɛn yic.

Lebai 1:13

Ku cïïn ku cök abïï keek waak në pïïu. Ku abïï bɛ̈ny de kake Nhialic keek gam ëbɛ̈n, ku nyop në yïk nɔm, ee miɔ̈c ye nyop ëbɛ̈n, miɔ̈c ee looi ë mac, miɔ̈c tum mit në Bɛ̈nydït piɔ̈u.

Lebai 1:17

Abï dit pakic cil dɔm në yewuök ku cïï tekic taitai. Ku abïï bɛ̈ny de kake Nhialic jɔ nyop në many de tiim nu ë yïk nɔm, ee miɔ̈c ye nyop ëbɛ̈n, miɔ̈c ee looi ë mac, miɔ̈c tum mit në Bɛ̈nydït piɔ̈u.

Lebai 1:9

Ku abï yäc dhil waak kekë cök në pïïu, ku jɔ bɛ̈ny de kake Nhialic keek nyop kedhie në yïk nɔm, ke ee miɔ̈c ye nyop ëbɛ̈n, miɔ̈c ee looi në mac, miɔ̈c tum mit në Bɛ̈nydït piɔ̈u.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 4:31

Abï kɔɔl bɛ̈ɛ̈i bei kedhie, cït man ye kɔɔl ke miɔ̈c de mät bɛ̈ɛ̈i bei, ku abïï bɛ̈ny de kake Nhialic keek nyop në yïk nɔm, ke ye miɔ̈c tum mit në Bɛ̈nydït piɔ̈u, ku jɔ bɛ̈ny de kake Nhialic teem guöp, ku abï ja päl awɛ̈ɛ̈c.

Lebai 8:28

Na wën, ke nööm ë Mothe keek në kecin, ku nyop keek në yïk nɔm, në miɔ̈c ye nyop ëbɛ̈n nɔm nhial, ke ye miɔ̈c de thɛ̈ny de nɔm, ee miɔ̈c tum mit, miɔ̈c ye luöi Bɛ̈nydït në mac.

Kuɛ̈n 15:3

Ku kaarkï nɔn miɔɔc wek Bɛ̈nydït në miɔ̈c ye nyop ëbɛ̈n, nɔn ee thɔ̈k yen gamkï, ku nɔn ee weŋ ke ye miɔ̈c de miɛtëpiɔ̈u, nɔn yen miɔ̈c ye nyop ëbɛ̈n, ku nɔn yen miɔ̈c cïï raan kuëëŋ bï gam, ku nɔn yen miɔ̈c ë tɛk këde yetök, ku nɔn yen miɔ̈c de dhuëëŋ.

Math 15:19

Kak ee bɛ̈n bei ë raan piɔ̈u kï, karɛc ee raan ke tak, näŋ de raan, kɔ̈ɔ̈r ë diëër lei, dhööm, kuël, ciëkë thok, lɛ̈ɛ̈t rac.

Jɔn 3:6

Kë cï dhiëëth në guöp ee guöp, ku ke cï dhiëëth ë Wëi ee wëi.

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

Romai 3:23

kɔc acïk kërac wööc kedhie, ku dɛkï në dhuëëŋ de Nhialic.

2 Kor 2:15

Wok ee atuöm de Kërtho në këde Nhialic ë kɔc yiic, ayï kɔc kony wëi ayï kɔc mär.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

1 Tham 26:19

Ënɔɔnë, tɔ bɛ̈nydï melik, piŋ këdiën luɛɛl. Na ee Bɛ̈nydït yen cï yïn puɔ̈k nɔm ɛn, miɔ̈c cï gäm en abï yen tɔ waar E nɔm, ku na ee kɔc kek ë looi yen, ke aciɛɛn de Bɛ̈nydït abï lööny në kegup, në biäk cïï kek ɛn cuɔp wei piny de Bɛ̈nydït ku leerkï yɛn piny duɛ̈ɛ̈r ɛn yiëth lei lɔ lam.