Cäk 8:20 - JAM DE NHIALIC 2011

²⁰ Go Nowa Bɛ̈nydït yiëk yïk, ku nööm läi piɛth nyïïn ëbɛ̈n, läi duëërë ke näk Nhialic, ku nööm diɛt piɛth nyïïn ëbɛ̈n, diɛt duëërë ke näk Nhialic, ku gɛm miɔ̈c ye nyop ëbɛ̈n në yïk nɔm.

Cäk 8:20 Iomraidhean Croise

Cäk 13:18

Go Abram kuëëth, ku le nyuc të thiääk ke tiim ke ɣok ke Mameer, në piny cɔl Ɣebron. Ku yïk Bɛ̈nydït yïk ëtɛ̈ɛ̈n.

Cäk 13:4

Të wään tueŋ cï en Bɛ̈nydït kɔn yiëk yïk thïn. Ago Abram Bɛ̈nydït jɔ lɔ̈ŋ ëtɛ̈ɛ̈n.

Cäk 22:2

Go Nhialic lɛ̈k en an, “Jɔt Yithaak, wënduön töŋ nhiaar aläl. Ku lɔ piny ë Moria në kuur nɔm ëtɛ̈ɛ̈n, të bä lɔ nyuöth yïn, ku näkë Yɛn ke ee miɔ̈cdï.”

Cäk 22:9

Na wën, aa lek ɣet të cï Nhialic lɛ̈k en, ke Abraɣam ë yïk yïk ëtɛ̈ɛ̈n. Ku guiir tiim në yenɔm, ku dut Yithaak wënde, ku tɛ̈ɛ̈c ë tiim kɔ̈ɔ̈th nhial.

Cäk 26:25

Ago Yithaak yïk yïk ëtɛ̈ɛ̈n, ku lɛ̈ŋ Bɛ̈nydït. Ku piëët pɛɛnyke ëtɛ̈ɛ̈n, ku wec lïïmke yinh däŋ.

Cäk 33:20

Ku yïk yïk ëtɛ̈ɛ̈n, ku ciëk an El, Nhialic de Yithriɛl.

Cäk 35:1

Ago Nhialic lɛ̈k Jakop an, “Jäl, lɔ Bethel. Lɔ rɛ̈ɛ̈rë ëtɛ̈ɛ̈n. Ku lɔ yiëkë Nhialic yïk ëtɛ̈ɛ̈n. Nhialic wään cï tuöl tëde yïn ɣɔn kɔt yïn në wänmuuth Ethau.”

Cäk 35:7

Ago yïk yïk, ku ciëk ëtɛ̈ɛ̈n an El-Bethel, (an Nhialic de Bethel.) Në luɔi ë cï Nhialic rɔt nyuöth en ëtɛ̈ɛ̈n, të ɣɔn kɔt en në mänhë.

Cäk 4:4

Ku bïï Abel nyɔɔŋ kɛ̈ɛ̈i de thɔ̈ɔ̈k tök në thökke yiic, ku nɛ̈k ku gëm Bɛ̈nydït biäk piɛthde, ke ye miɔ̈cde. Ago Bɛ̈nydït piɔ̈u miɛt ke miɔ̈c de Abel,

Cäk 7:2

Nöm läi kadhorou në läi piɛth yiic läi duëërë ke nɔ̈k, thɔn kekë ŋuöt. Ku nöm läi kaarou në läi raciic kedhie, ke ye thɔn kekë ŋuöt ayadäŋ.

Cäk 7:3

Ku lɔ diɛt kadhorou në diɛtiic ayadäŋ, ke ye thɔn kekë ŋuöt. Në luɔi bïn keek döt nyïïn ke ke cï nyïïn bï riäär.

Cäk 8:19

Ku këriëëc ee cath piny ëbɛ̈n acïk bɛ̈n bɛ̈n bei në abëlic kedhie ke ke cï kenyïïn kuany: läi kedhie, ku ka ye mol në keyöth, ku diɛt.

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Bɛ̈n 10:25

Go Mothe gam lɛ̈k en an, “Yïn bï wo päl ka buk lɔ nɔ̈k, ayï miɔ̈c ye nyop ëbɛ̈n. Ke wo bï Bɛ̈nydït Nhialicda lɔ näk.

Bɛ̈n 29:18

Ku nyop nyɔk ëbɛ̈n në yïk nɔm, ke ye miɔ̈c ye nyuöp Bɛ̈nydït, atuɔ̈mde ee Ya miët piɔ̈u.

Bɛ̈n 29:25

Ku jɔ ke bɛ̈n nööm në kecin, ku nyop keek në yïk nɔm në miɔ̈c ye nyop ëtök. Atuɔ̈mde abï Ya miët piɔ̈u.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Ɣeberuu 13:10

Ku wook, wo de nïïm yïïŋ de läm gɛ̈ɛ̈iyë ku bäny ke kake Nhialic ee luui ë paany de Judai yic acïnkï nïïm kë cït ee kënë.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.