Cäk 7:7 - JAM DE NHIALIC 2011

⁷ Ku Nowa kekë tiiŋde, ku wɛ̈ɛ̈tke, ku diäär ke wɛ̈ɛ̈tke acïk bɛ̈n lɔ abëlic në luɔi cï amool ke bï yök.

Cäk 7:7 Iomraidhean Croise

Cäk 6:18

Ku Yɛn bï dɛ mät wokë yïn, ku jɔ bɛ̈n lɔ abël wïïric wekë tiiŋdu, ku wɛ̈ɛ̈tku, ku diäär ke wɛ̈ɛ̈tku.

Cäk 7:1

Go Bɛ̈nydït lɛ̈k Nowa an, “Lɔ abëlic wekë baaidu, yïn cä tïŋ nɔn yïn raan töŋ piɛth piɔ̈u, raan cï ya luɔi yith në kɔc ke piny nɔmiic ëbɛ̈n.

Kɛ̈ŋ 22:3

Raan ee nɔm tiëër ee agööth tïŋ ku thiɛɛn rɔt, ku tïŋ ë raan ee pëk thïn ku dhoŋ thïn ku be gum.

Math 24:38

Acït man ɣɔn thɛɛr ŋoot amooldït wei, kɔc aake ye cam ku dëkkï, ku thiëkkï ku tɔkï duetken thiak, aɣet akööl ë le Nowa ë abëlic,

Luk 17:27

Aake ye cam, ku yek dek, ku yek thiëëk, ku yeke thiaak, aɣet kööl ɣɔn le Nowa ë abëlic, ku jɔ amool bɛ̈n, bï ku nɛ̈k keek kedhie.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

1 Pet 3:20

Wëi ke kɔc ee löŋ rɛɛc piŋ ɣɔn thɛɛr, ɣɔn tiit ë liɛɛr ë Nhialic piɔ̈u kɔc ɣɔn nu Nowa, të ɣɔn looiyë abëldït, abël ɣɔn cï kɔc liaakäŋ kony wëi thïn, kɔc kabɛ̈t, në pïïu.

2 Pet 2:5

Ku të kën en piny thɛɛr pɔ̈l, ee Nowa raan ee jam de piathëpiɔ̈u guiir, en ë both e tök kekë kɔc kɔ̈k kadhorou, ɣɔn bïï en amool ë piny de kɔc reec Nhialic nɔm.