Cäk 7:3 - JAM DE NHIALIC 2011

³ Ku lɔ diɛt kadhorou në diɛtiic ayadäŋ, ke ye thɔn kekë ŋuöt. Në luɔi bïn keek döt nyïïn ke ke cï nyïïn bï riäär.

Cäk 7:3 Iomraidhean Croise

Cäk 6:20

Bɛ̈ɛ̈iyë diɛt, ku läi, ku ka ye mol piny kedhie. Abä keek bɛ̈ɛ̈i nyïïn. Ku abïk arou rou në keyiic ëbɛ̈n. Muk keek në yïn etök ke ke pïr.

Cäk 7:2

Nöm läi kadhorou në läi piɛth yiic läi duëërë ke nɔ̈k, thɔn kekë ŋuöt. Ku nöm läi kaarou në läi raciic kedhie, ke ye thɔn kekë ŋuöt ayadäŋ.

Cäk 7:4

Në luɔi bän deŋ tɔ tueny të cï ee nïnkë kadhorou thök, në wɛ̈ɛ̈riic kathiërŋuan ku cooliic kathiërŋuan ke cïï kääc. Ku këriëëc wään cä cak ë piny nɔm ëbɛ̈n, abä keek nyaai nyïïn kedhie abïï ciɛ̈n kë dɔ̈ŋ.”

Cäk 7:8

Ku läi piɛth, ku läi rac, ku diɛt, ku ka ye mol në keyöth piny,

Cäk 8:20

Go Nowa Bɛ̈nydït yiëk yïk, ku nööm läi piɛth nyïïn ëbɛ̈n, läi duëërë ke näk Nhialic, ku nööm diɛt piɛth nyïïn ëbɛ̈n, diɛt duëërë ke näk Nhialic, ku gɛm miɔ̈c ye nyop ëbɛ̈n në yïk nɔm.

Lebai 11:11

Ku në luöi bä wek keek rɛɛc, wek cïï rïŋken bï aa cam, ku yak gupkɛn cï thou rɛɛc aya.