Cäk 7:23 - JAM DE NHIALIC 2011

²³ Nhialic ë kapïr bɛ̈n nyaai nyïïn ë piny nɔm ëbɛ̈n, raan ku läi, ku diɛt, ku ka ye mol piny në keyöth. Acï Nhialic ke bɛ̈n nyaai nyïïn kedhie në piny nɔm ale döŋ ke ye ka nu në abëlic në Nowa.

Cäk 7:23 Iomraidhean Croise

Cäk 6:17

Në luɔi bän piny nɔm mool, ku riääk kapïr ë piny nɔm ëbɛ̈n abïï ciën töŋ dɔ̈ŋ ke pïïr.

Cäk 8:18

Go Nowa lɔ biic kekë wɛ̈ɛ̈tke, ku tiiŋde ku diäär ke wɛ̈ɛ̈tke.

Jop 5:19

Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Diɛt 91:1

Raan ëbɛ̈n raan ee lɔ thiaan tëde Bɛ̈nydït, raan ëbɛ̈n raan ye Nhialic Awärjäŋ gël.

Diɛt 91:7

Kë cït agum de raan, aduëërkï wïïk ë yïlɔ̈ɔ̈m, ku wiëëk aguum kathiëër ë biäk cuënydu, ku acïn bɔ̈t bï yïn yök.

Kɛ̈ŋ 11:4

Kuɛth acïn kony në kööl ë agɔ̈th, ee piathëpiɔ̈u yen ee raan kony wëi në thuɔɔu.

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

1 Pet 3:20

Wëi ke kɔc ee löŋ rɛɛc piŋ ɣɔn thɛɛr, ɣɔn tiit ë liɛɛr ë Nhialic piɔ̈u kɔc ɣɔn nu Nowa, të ɣɔn looiyë abëldït, abël ɣɔn cï kɔc liaakäŋ kony wëi thïn, kɔc kabɛ̈t, në pïïu.

2 Pet 2:5

Ku të kën en piny thɛɛr pɔ̈l, ee Nowa raan ee jam de piathëpiɔ̈u guiir, en ë both e tök kekë kɔc kɔ̈k kadhorou, ɣɔn bïï en amool ë piny de kɔc reec Nhialic nɔm.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

2 Pet 3:6

ku ee pïïukë kek aa riäk piny ë nu ɣɔn në mol cï en mol ë pïïu.