Cäk 7:11 - JAM DE NHIALIC 2011

¹¹ Na ɣɔn, aacï run ke Nowa aa bot kadhetem, në kööl ë ye pɛɛi ye pɛ̈i rou thok thiëër ku dhorou, ke pïïu ë ke tul piny, ku liep tënhial e yic, ku wɛ̈l pïïu piny arëët, liëëpkï në piny nɔm.

Cäk 7:11 Iomraidhean Croise

Cäk 6:17

Në luɔi bän piny nɔm mool, ku riääk kapïr ë piny nɔm ëbɛ̈n abïï ciën töŋ dɔ̈ŋ ke pïïr.

Cäk 7:6

Ku run ke Nowa aake ye bot kadhetem ɣɔn bï amool ë piny nɔm.

Cäk 8:14

Ku në pɛɛi ë ye pɛ̈i rou, kööl ë yen thok thiërrou ku dhorou, ke piny ë jɔ nɔm riɛl.

Cäk 8:2

Go kuɛɛr ë tul ë pïïu keyiic thiöök, ku thiök tënhial e yic, ku kääc deŋ në tuɛny.

2 Mel 7:19

Go bɛ̈ny ë rem de tɔŋ raan de Nhialic bɛ̈ɛ̈r thok an, “Na cak Bɛ̈nydït rap wɛɛr piny në awëër ke paannhial nyïïn, ke kënë acïï rɔt duëër lëu. Go Elica bëër an, “Abä tïŋ në yïnyin miäk, ku yïn cïï bï cam thïn.”

2 Mel 7:2

Go raan töŋ ye melik rɔt kan ë yen lɛ̈k raan de Nhialic an, “Na cak Bɛ̈nydït rap wɛɛr piny në awëër ke paannhial nyïïn, ke kënë acïï rɔt duëër lëu?” Go Elica lɛ̈k en an, “Abä tïŋ yïn guöpdu miäk ke loi rɔt, ku yïn cïn kuïn töŋ bä cam thïn.”

Jop 12:15

Të cï Nhialic deŋ dɔ̈m kɔ̈ɔ̈c, piny ee riɛl, ku të cï Yen pïïu pɔ̈l, ke amool ee piny riɔ̈ɔ̈k.

Jop 28:4

Ayek piny wec tëmec kën ë mɛnh ë raan kɔn cuööp, ayek luui kapäc, ayek röt luai piny në wïïn.

Jop 38:16

Cï kɔn tɔ̈u në awaŋ de kïr thar piny, abä ka cï thiaan wïïr yök?

Jop 38:37

Eeŋa pelnɔm duëër luät kueen, ku welke thook piny ke deŋ bï tuɛny?

Diɛt 33:7

Ku mɛt pïïu ke wɛ̈ɛ̈r nïïm tëtök kedhie, ku tɛ̈ɛ̈u pïïu ke abäpdit tëdɛn kɔɔr.

Diɛt 74:15

Yïn cï nyïïn ku liil tɔ de yic kuëër, ku tɔ kiɛɛrdït ril.

Kɛ̈ŋ 3:20

Pɛlënɔmde yen atɔ kiɛɛr thiɔɔr, ku tɔ luäät tuëny piny nɔm.

Yith 24:18

Raan lɔ kak ë riɔ̈ɔ̈c abï lööny ë pulic, ku raan raan lɔ ban në pulic abïï wïn ë dɛ̈p dɔm. Amaŋ de deŋ abï bɛ̈n tënhial, ku këërkëër ë piny abï lath.

Yith 24:19

Piny abï ɣaar ku nieeŋ rɔt ku liep rɔ.

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Jeremia 51:16

Ku në yöökde, go pïïu tɔ̈u ë tënhial wuur, ee luäät bɛ̈ɛ̈i në piny thar. Ee wilëdeŋ tɔ riau ë deŋic, ku ye yom tooc në adhaande yic.

Edhekiɛl 26:19

Aye Bɛ̈nydït Awärjäŋ lueel an: “Yïn bä tɔ ye të cï puɔ̈l cï pɛ̈ɛ̈nydït cï riɔ̈ɔ̈k të cïn kɔc ceŋ en. Wek bä kuöm piny në pïïu ke Abäpdit thuth.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Math 24:38

Acït man ɣɔn thɛɛr ŋoot amooldït wei, kɔc aake ye cam ku dëkkï, ku thiëkkï ku tɔkï duetken thiak, aɣet akööl ë le Nowa ë abëlic,

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

2 Pet 3:6

ku ee pïïukë kek aa riäk piny ë nu ɣɔn në mol cï en mol ë pïïu.