Cäk 6:13 - JAM DE NHIALIC 2011

¹³ Go Nhialic lɛ̈k Nowa an, “Acä tak nɔn bän kɔc ke piny nɔm riɔ̈ɔ̈k kedhie, në luɔi cï kek piny riɔ̈ɔ̈k nɔm në karɛckɛn yek looi ëbɛ̈n. Ku piny nɔm abä riɔ̈ɔ̈k abïï ciën kë bï bɛ tɔ̈u thïn.

Cäk 6:13 Iomraidhean Croise

Cäk 49:5

“Thimion ke Lebi ee raan ke mänhë, abätɛ̈ɛ̈uken aa abätɛ̈ɛ̈u ke karɛc.

Cäk 6:14

Ku yïn, cuɛ̈cë rɔt abël wïïr në tim piɛth, tim cɔl gɔper. Ku luöiyë yic ɣööt juëc. Ku bot kɔ̈u biic, ku yeyic thïn në kë cool ye käŋ boot nyïïn cɔl tar.

Cäk 6:4

Ku në aköölkë yiic agut cï kecök ciëën, jööt aake nu në piny nɔm. Ɣɔn cï wɛ̈ɛ̈t ke Nhialic lɔ në diäär, ku dhiëthkï mïth në keek. Ku ee kek aaye kɔc ril ɣɔn thɛɛr, ku aake tiëc rin aläl në kɔciic.

Cäk 7:21

Ku këriëëc de piny nɔm ëbɛ̈n, acïk bɛ̈n thou, kɔc ku läi, ku diɛt, ku ka ye mol në keyöth kedhie.

Cäk 7:23

Nhialic ë kapïr bɛ̈n nyaai nyïïn ë piny nɔm ëbɛ̈n, raan ku läi, ku diɛt, ku ka ye mol piny në keyöth. Acï Nhialic ke bɛ̈n nyaai nyïïn kedhie në piny nɔm ale döŋ ke ye ka nu në abëlic në Nowa.

Cäk 7:4

Në luɔi bän deŋ tɔ tueny të cï ee nïnkë kadhorou thök, në wɛ̈ɛ̈riic kathiërŋuan ku cooliic kathiërŋuan ke cïï kääc. Ku këriëëc wään cä cak ë piny nɔm ëbɛ̈n, abä keek nyaai nyïïn kedhie abïï ciɛ̈n kë dɔ̈ŋ.”

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Yith 34:1

Bäkkï, kɔc ke juöör ëbɛ̈n! Matkï wenïïm ku piëŋkï. Takï piny nɔm ëbɛ̈n kekë këriëëc nu thïn bɔ̈ ee tënë ku pïŋ.

Jeremia 51:13

Yen ee paanë ade yic kiɛɛr juëc, ku wëu ke kuɛth, ku köölde ë guɔ bɛ̈n, ku alanhdɛn ë pïïr ë teem kɔ̈u.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Amoth 8:2

Go Bɛ̈nydït a luɔp an, “Eeŋö cï tïŋ Amoth? Guɔ puk nɔm an, “Ee diöny de mïth ke tiim amäi. Go ë Bɛ̈nydït lɛ̈k ɛn an, “Akööl ciëën acïk bɛ̈n tëde kɔckiën ke Yithriɛl. Yɛn cïï A nɔm bï bɛ waar në luɔi bän keek luöi këtuc.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.