Cäk 5:22 - JAM DE NHIALIC 2011

²² Ku ëtɛ̈ɛ̈n, Eenok ë kake Nhialic piɔ̈u bɛ̈n aa looi në bot kadiäk ë run. Go mïth kɔ̈k bɛ dhiëëth, mïthwät ku duet.

Cäk 5:22 Iomraidhean Croise

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 24:40

Go puɔ̈k nɔm ɛn an, ‘Bɛ̈nydït ya cool ë gam thok ë cieŋ, abï tunynhialde tuɔɔc ke yïn. Ku abï yï tɔ tiëm. Ka yïn bï wëndï lɔ yɔ̈k tik në kɔckï yiic, në ɣön ë yï wää thok.

Cäk 48:15

Ku thieei Jothep lueel an, “Nhialic wään ye wärkuɔ luööi: yï Abraɣam kekë Yithaak, abï mïthkë thieei! Abï Nhialic ke thieei, Nhialic ë tit ɛn agut cï ee köölë!

Cäk 5:21

Ɣɔn cï run ke Eenok aa thiërdhetem ku dhïc, ke dhiëth wëndɛn Mathuthela.

Cäk 5:23

Run ke Eenok aake cï ya bot kadiäk ku thiërdhetem ku dhïc.

Cäk 5:24

Aa thöl pïïrde ke luui Nhialic, go lɔ cut piny mɛ̈ɛ̈r, në luɔi ë cï Nhialic ye jɔt.

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

1 Mel 2:4

Na lɔ ee kënë looi, ke Bɛ̈nydït abï löŋdɛn wään cï thɔ̈n ɛn döt ɣɔn lueel en en an, na lɔ käudu rëër në rëër rɔ̈ŋ ke täu duëër kek rëër, ku kuanykï Yacök në piɔ̈nden ëbɛ̈n, ku në wëiken ëbɛ̈n, ke yïn bï dɛ mïth bï aa meliik në thööny de Yithriɛl nɔm.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

Diɛt 116:9

Yɛn ee cath në Bɛ̈nydït nɔm, piny de kɔc pïïr.

Diɛt 128:1

Thieithieei në kɔc ee Bɛ̈nydït riëëu, kɔc ee cath ë lööŋke yiic.

Diɛt 16:8

Yɛn ee luɔi tɔ̈u ë Bɛ̈nydït ke yɛn ë ceŋ ŋic, Yen atɔ̈u ë yalɔ̈ɔ̈m, ka acïn kë duëër ɛn jak.

Diɛt 26:11

Na yɛn, yɛn ee këpiɛth looi, kokëpiɔ̈u we yɛn ku kony ɛn!

Diɛt 56:13

Në luöi cï yïn ya kony në thuɔɔu, ku luäk ɛn në tiëm bïï ë ya tiaam. Në biäk ee kënë yɛn ee cath në Nhialic lɔ̈ɔ̈m, yɛn cath në ɣɛɛr ë kɔc pïïr riaau.

Diɛt 86:11

Wɛ̈ɛ̈të ë yɛn Bɛ̈nydït, në kë kɔɔr bä looi. Ku Yïn bä riëëu në piɔ̈n adöt. Wɛ̈ɛ̈të ë yɛn bä Yïn luööi në piɔ̈n tök.

Bɛ̈n 16:4

Na wën, ke lëk ë Bɛ̈nydït Mothe an, “Wek bä aa wɛ̈ɛ̈r kuïn nhial aköölnyïïn. Ku kɔc abïk aa kuany në kuïïn bï ke lëu në ee köölë yetök. Yen abän keek jɔ them na bïk lööŋkï döt.

Diɛt ke 1:4

Jɔt ɛn wo yïn, ku kɔtku, tɔ rɔt ee melikdï, ku lɛɛrë yɛn ɣöndu. Ke wok bï piɔ̈ɔ̈th miɛt ëtök, deku nhiëër arëët, cït man ë kɔc cï dek në mɔ̈u. Yen kë ye diäär ëbɛ̈n yïn nhiaar ka!

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Lebai 26:12

Yɛn bï aa cath në weyiic, ku yɛn bï aa Nhialicdun, ku wek bï aa kɔckï.

Amoth 3:3

Duëër kɔc kaarou cath kueer ëtök, të kën kek mat nɔn bï kek cath ëtök?

Maika 4:5

Ku ënɔɔnë, juöör ke piny ëbɛ̈n akuanykï yiëthken cök, na wook, wok bï Bɛ̈nydït Nhialicda kuany cök aɣet athɛɛr ya.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Malakai 2:6

Aake ye wëët në yith, ku acïn lueth ë yek töör. Aake ye cath në Yɛn apiɛth, ku loikï yith. Agokï kɔc juëc tɔ päl karɛcken.

Luk 1:6

Ku piɛthkï piɔ̈ɔ̈th ë Nhialic nɔm keek kaarou, ayek lööŋ ke Bɛ̈nydït döt kedhie, ku dötkï luɔɔide ëbɛ̈n ke cïn gääk bï ke gɔ̈k.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

1 Kor 7:17

Ë ŋɛk ë rɛ̈ɛ̈r tei, cït man cï Nhialic käŋ tɛ̈k raan ëbɛ̈n, ku cït cɔ̈t cï Bɛ̈nydït raan cɔɔl ëbɛ̈n. Ku yen a yɔ̈ɔ̈k ɛn kɔc ë ɣööt ke Nhialic yiic ëbɛ̈n.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Epethiei 5:15

Yen tiɛɛt wek röt, ku yak cath aŋiɛckï, cït kɔc pelnïïm, duökï ee cath ë cäth ë dhän.

Nyöŋ 13:4

Kuanykï Bɛ̈nydït cök ku riëëukï, yak riëëu guöp, ku mɔ̈kkï lööŋke, ku lamkï, ku takï röt adööt tëde Yen.

Nyöŋ 28:9

“Na lak lööŋ ke Bɛ̈nydït Nhialicdun lɔ döt, ku luɔikï këriëëc cï lɛ̈k week ëbɛ̈n, abï week tɔ ee kɔc ɣeriic ke nɔmde, cït man cï yen e than.

Nyöŋ 5:33

Riëëukï keek kedhie, ago piath ke week, ku aguɔkï lɔ rëër ë run juëc piny bä lɔ gäm week.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 4:5

Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.