Cäk 49:4 - JAM DE NHIALIC 2011

⁴ Yïn bï ciët amool dïït cï piny thiɔ̈ɔ̈ŋ nɔm. Ku acie yïn bï ya adhuɛ̈ŋ de baai, në luɔi wään cïn tɔ̈c we tiiŋdï, ku kɛ̈në biɔ̈k ke wuur riëëu nïïm.

Cäk 49:4 Iomraidhean Croise

Cäk 35:22

Ɣɔn rëër ë Jakop ee pinyë, ke Ruben ë nöm Bila tiiŋ mɛ̈thë wun. Ago Jakop piŋ, go piɔ̈u diu aläl. Jakop aa de nɔm mïthwät kathiëër ku rou.

Cäk 46:8

Ku mïth ke Jakop ë lɔ Rip në yen, ee Ruben wën kɛ̈ide.

1 Lëk 5:1

Kakë ayek wɛ̈ɛ̈t ke mïth ke Ruben wën kɛ̈i de Yithriɛl, Ruben yen aaye wën kɛ̈i, ku në biäk cï yen lɔ ɣöt kekë tiiŋ tök në diäär määth në wun, yiny de kɛ̈ide acï bɛ̈n gäm wɛ̈ɛ̈t ke Jothep wën de Yithriɛl, ka rinke akën ë keek gɔ̈ɔ̈r në kuëny ye kek kecök kuany cït man de yiny de dhiëth.

1 Kor 5:1

Aye lueel ë raan ëbɛ̈n an, nu dhööm ë weyiic, ku dhööm yïnya aliu acakaa juöör yiic aliu an, ye raan tiiŋ de wun nööm!

Nyöŋ 27:20

‘Aciɛɛn de Nhialic abï tɔ̈u ë raan yeth, raan lɔ wun yɔ̈ɔ̈r guöp në baŋ cï yen tɔ̈c kekë tiiŋ tök në diäär ke wuniic.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 33:6

Go Mothe jam në biäk de dhiën de Ruben an: “Tɔ Ruben pïïr ke cïï thou, cakaa nɔn lik ë kɔcke.”

Nyöŋ 5:21

‘Du tiiŋ de raan däŋ woi në yïpiɔ̈u, ku du ɣönde woi në yïpiɔ̈u, ayï pinyde, ayï lïïmke, ayï ɣɔ̈kke, ayï mulke, ayï këriëëcdɛn tɔ̈u kekë yen ëbɛ̈n du woi në yïpiɔ̈u.’

2 Pet 2:14

Kɔc cï nyïïn a pirpir në kɔ̈ɔ̈r ee kek diëër lei kɔɔr, kɔc cïn nyïïn päl duëër kek kërac pɔ̈l, ayek kɔc wëŋ kɔc cï piɔ̈ɔ̈th aläuläu në jam, aciɛthkï në piɔ̈n cï kajuëc ŋic ë kɔ̈ɔ̈r. Mïth de gup aciɛɛn ka!

2 Pet 3:16

Acït man cï e lueel ë awereek ke yiic kedhie, të jiɛɛm en ë keyiic në kakë. Ku cök kɔ̈k anukï thïn cök cie dap yök yiic, cök ye kɔc kënë wɛ̈ɛ̈t puk aye kërac, ayï kɔc kën lïk piny ë gäm, cït man ee kek kacïgɔ̈ɔ̈r kɔ̈k puk aya, lek röt gɔ̈n riääkden.