Cäk 48:4 - JAM DE NHIALIC 2011

⁴ lëk ɛn an, ‘Yïn bä gäm mïth juëc, ku mïthku abïk aa wuöt juëc. Pinyë abä gäm mïthku tɔkï ee pinyden aɣet athɛɛr.’ ”

Cäk 48:4 Iomraidhean Croise

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 17:13

Raan ëbɛ̈n, abï dhiɛl cueel. Ku kënë abï ya kïn ë guöp, ke bï mändï wo week aa nyuɔɔth, nɔn ee yen kë cïï kɔ̈u bï tɛɛm aɣet athɛɛr.

Cäk 17:6

Ku yïn bä tɔ kɛɛr aläl, ku gäm yïn juöör juëc. Ku kɔ̈k në keyiic abïk aa meliik. Yïn bï nɔm dɛ mïth juëc aläl ka bïk aa juöör.

Cäk 17:8

Ku yïn bä gäm ee pinyë, wekë mïthkuön bï lɔ̈ɔ̈k tɔ̈u në yïcök. Piny ciɛŋkï, piny de Kanaan ëbɛ̈n, abï ya pinydun anande. Ku Yɛn bï ya Nhialicden aɣet athɛɛr.

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 28:3

Ku Nhialic Awärjäŋ, abï yï thieei, ku tɔ yï kɛɛr aläl. Ku yïn bï jɔ aa wun kut dïït ë kɔc.

Cäk 32:12

Ku acï lueel ɣɔn Bɛ̈nydït an, “Yïn bä caath apiɛth, ku yïn bä gäm mïth juëc aläl, mïth cït liɛɛt ë wɛ̈ɛ̈r yɔu, mïth cïn raan duëër ke lëu në kuɛ̈n.”

Cäk 35:11

Ku lëk ë Nhialic en an, “Ee Yɛn Nhialic Awärjäŋ. Kɛɛrkï, juöör juëc abïk bɛ̈n bei në yïyic. Ku mïth kɔ̈k në mïthku yiic abïk aa bäny dït.

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

Cäk 47:27

Go kɔc ke Yithriɛl rëër piny ë Gocen ëtɛ̈ɛ̈n. Gokï kuɛth arëët ëtɛ̈ɛ̈n, ku dhiëthkï mïth juëc.

Diɛt 127:3

Mïth ayek miɔ̈c tëde Bɛ̈nydït ayek athiɛɛi yic.

Bɛ̈n 1:11

Go kɔc ke Rip keek kuɛ̈ny bäny ke lïïm bïk keek miɛn në luɔi tuc thok bïk aa looi. Gokï kɔc ke Yithriɛl tɔ yïk melik pɛ̈ɛ̈nydït kaarou, pɛ̈ɛ̈nydït cɔl Pithom kekë Ramethith, ke bï melik kacaamke aa tɔ̈ɔ̈u thïn.

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Edhekiɛl 37:25

Abïk rëër piny wään cä gäm awundï Jakop, të ɣɔn rëër ë kuarken. Abïk rëër ëtɛ̈ɛ̈n aɣet athɛɛr, ku yen ee täu bïï mïthken ku kuatden ëbɛ̈n tɔ̈u. Melik cït awundiën Debid abï ke cieŋ aɣet athɛɛr.

Lebai 26:9

Wek bä aa woi në piɔ̈n mit, ku wek bä tɔ dhiëth ku ŋuak kuëndun, ku yɛn bï Mändï döt wokë ë week.

Nyöŋ 32:8

Bɛ̈nydït Awärjäŋ yen ee juöör gäm piny bï kek rëër thïn, ee të bïï kɔc ceŋ kedhie tek. Ku Yen ee jur ëbɛ̈n miɔɔc në wɛ̈ɛ̈t ke Nhialic.