Cäk 48:21 - JAM DE NHIALIC 2011

²¹ Ago Jakop lɛ̈k Jothep an, “Yakï thouwë, Nhialic abï tɔ̈u ke yïn. Ku abï yï puɔ̈k nɔm piny ë kuarkun.

Cäk 48:21 Iomraidhean Croise

Cäk 12:5

Ago Abram Tharai tiiŋde jɔt, kekë Lɔt wën ë mänhë, ku kaken kedhie, ku kɔc lui në yen ë Ɣaran, ku jëlkï lek piny ë Kanaan. Na wën, aa lek ɣet piny ë Kanaan,

Cäk 15:14

Ku jur bï ke lɔ lïïmë, abä luöi këtuc thok. Ku të le mïthku jäl në ee piny lɛɛnë, abïk jäl ke ke kueth arëët në kakɛn bïk jɔt.

Cäk 15:16

Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

Cäk 26:3

Rɛ̈ɛ̈rë ee pinyë, ku yïn bä thieei. Ku piny abä gäm yïn wekë mïthku. Ku gutguutdiën wään cä lɛ̈k Abraɣam wuur, abä thöl thok ënɔɔnë.

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Cäk 37:1

Ago Jakop lɔ̈ɔ̈k ŋoot ke rɛ̈ɛ̈r piny ë Kanaan, të ɣɔn rëërë wun thïn.

Cäk 46:4

Yɛn lɔ Rip wo yïn ëtök. Ku mïthku abä ke bɛ lɔ puɔ̈k nïïm ee pinyë. Ku Jothep wëndu, yen abï yï nɔ̈k nyin të le yïn thou.”

Cäk 47:29

Na wään, aacï Jakop thiɔ̈k ke thuɔɔu, ke cɔl Jothep wënde. Ku lëk en an, “Luötë yïcin në yaɣɔ̈ɔ̈m, ku kuëŋ nɔn cïn ɛn bï thiɔ̈k piny ë Rip.

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

Cäk 50:6

Ago melik puɔ̈k nɔm en an, “Lɔ thiäk wuur cït man wään cïï yen yïn tɔ kuëëŋ.”

Diɛt 18:46

Bɛ̈nydït apïïr! Pianykï Raan ë ya gël! Luɛɛlkï dït de Nhialic raan ë kony ɛn.

Luk 2:29

“Bɛ̈nydït, tɔ lïmdu jël ke cï piɔ̈u lɔ piny ënɔɔnë, cït man ë jamduön wään cï lueel,

Luɔi 13:36

Ku Debid, të cï en remden kony në këde piɔ̈n ë Nhialic, ke jɔ thou, go jɔ tɔ̈ɔ̈u kekë kuarken ëtök, go dhiap.

Nyöŋ 30:3

Ëtɛ̈ɛ̈n Bɛ̈nydït Nhialicdun abï piɔ̈u kok kekë week, abï week bɛ̈ɛ̈i ciëën në Juööriic, juöör cï En ke week thiäi thïn, ku abï week bɛ tɔ kueth.

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

2Tim 4:6

Yɛn ë thiɔ̈k wo luɔi bï a lam ënɔɔnë, ku kööl ë jäldï ë guɔ thiɔ̈k.

Ɣeberuu 7:3

Acïn kë cï gɔ̈ɔ̈r në biäk de göl ë Melkidhedek, wun ayï man ayï kuarken. Acïn raan ŋic ruöön ë thou en ayï të ë dhiëëthë ye, yen acït Wën ë Nhialic, në luɔi cï ye tɔ ye bɛ̈ny ë kake Nhialic aɣet athɛɛr.

Ɣeberuu 7:8

Bäny ke kake Nhialic, aye ke miɔɔc në töŋ thiëër ë käŋ në käŋ thook kedhie ka cï kɔc ke yök. Ku bäny ke kake Nhialic ayek thou, ee Melkidhedek yen akënë thonde lueel ë këcïgɔ̈ɔ̈r yic, cït man cïï këcïgɔ̈ɔ̈r e lueel an, apïïr.

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Jocua 23:14

“Ku yɛn ë thiɔ̈k wokë thuɔɔu ënɔɔnë. Ku raan ëbɛ̈n në weyiic, aŋic në piɔ̈nde ëbɛ̈n, ka piɛth kiith cïï Bɛ̈nydït Nhialicdun looi, në luɔi cï yen we gäm këriëëc ë cï than ëbɛ̈n.

Jocua 3:7

Go Bɛ̈nydït lɛ̈k Jocua an, “Kë bä looi ë köölë, abï kɔc ke Yithriɛl tɔ rïïu yïn guöp, cït man ë raandït. Ku abïk jɔ ŋic nɔn täu Ɛn wokë yïn, cït man ɣɔn kan Ɛn tɔ̈u wokë Mothe.

2 Pet 1:14

Në ŋïny ŋiɛc ɛn en, an, kööl bän dhil pɔ̈k wokë guöpdï ë guɔ thiɔ̈k, cït man cï Bɛ̈nydan Yecu Kërtho e nyuöth ɛn.