Cäk 47:6 - JAM DE NHIALIC 2011

⁶ Piny de Rip ee pinyden. Tɔ ke piäät piny ë Gocen, piny piɛth në piny ë Ripic ëbɛ̈n. Na de kɔc lëu luɔɔi në keyiic, ke tɔ ke ee tïït ke ɣɔ̈kkï.”

Cäk 47:6 Iomraidhean Croise

Cäk 13:10

Go Lɔt yenyin jat nhial, go wak ë Jordan tïŋ ke ee yic dɛ pïïu juëc ë cieŋ, cït man ë dom de Bɛ̈nydït, ku cït piny ë Rip të lɔ wun cɔl Dhowar. Ku ëtɛ̈ɛ̈n, ee të ɣɔn ŋoot ë Bɛ̈nydït ke kën Thɔdom guɔ riɔ̈ɔ̈k kekë Gomoora.

Cäk 13:9

Kënë ëbɛ̈n alɔ, ee piny lääu, puɔ̈kku. Lɔc të kɔɔr në yïpiɔ̈u. Na cï lɔ baŋ cam, ke yɛn bï lɔ ë baŋ cuëc, ku na ee baŋ cuëc yen cï lɔc, ke yɛn bï lɔ në baŋ cam.”

Cäk 20:15

Ku lëk Abraɣam an, “Kënë ëbɛ̈n ee pinydï, piäätë alɔ tëduön kɔɔr.”

Cäk 34:10

Ku rɛ̈ɛ̈rë eenë we wook. Piäätë alɔ të kɔɔr në yïpiɔ̈u, ku ye kuëëth thïn cït man ë kë kɔɔr ë piɔ̈ndu, ku nɔ̈më rɔt piny.”

Cäk 45:10

Bäk rɛ̈ɛ̈rkï piny ë Gocen. Ke we bï thiääk në yɛn wekë mïthku, ku mïth ke mïthku, ku ɣɔ̈kku, ku thökku, ku këriëëcdu ëbɛ̈n, kë tɔ̈u ke yïn.

Cäk 46:34

Ke lɛ̈kkï yen an, ‘Wok ee kɔc ke ɣɔ̈k ë caaŋda, cït man wään kɔn ë kuarkuɔ aa kɔc ke ɣɔ̈k.’ Yen abï yen week jɔ puɔ̈l arɛ̈ɛ̈r piny ë Gocen. Alueel ë Jothep aya, në baŋ cïn ë kɔc ke Rip këden thïn në kɔc ke ɣɔ̈k.”

Cäk 47:11

Go Jothep wun tɔ piäät piny ë Rip, kekë mïthëkɔcken. Gëm keek të piɛth në piny ë Ramthiith, cït man cï melik e lɛ̈k en.

Cäk 47:16

Go Jothep lɛ̈k keek an, “Na cï wëukun thök, ke we bïï ɣɔ̈k, ku bäk nɔ̈mkï agamɔ.”

Cäk 47:4

Wok aa bɔ̈ buk bɛ̈n rëër eenë, në baŋ cï cɔk dït arëët piny ë Kanaan. Ka acïn wal ye thök nyuööth. Yïn läŋku, bɛ̈ny, an, “Tɔ wo rɛ̈ɛ̈r piny ë Gocen.”

Cäk 47:5

Go melik lɛ̈k Jothep an, “Wuur ka cï bɛ̈n kekë mïthëkɔckun.

1 Mel 11:28

Jerobowam aaye dhuŋ ŋic luɔi apiɛth, na wën aa lɔ Tholomon ye tïŋ ke ye dhuŋ ŋic luɔi arëët, ke tɛ̈ɛ̈u ë kɔc ke luɔi nïïm ëbɛ̈n, në aken ë dhiën ë Manatha ku dhiën Eparaim.

2 Lëk 26:10

Ku yïk ɣööt ril bär në jɔ̈ɔ̈ric ku wec yith ke pïïu, në biäk de yen nɔm ɣɔ̈k juëc në kur nu të lɔ aköl athɛ̈i ku në riaaŋ nɔm. Ku në biäk nhiɛɛr en pɔ̈ɔ̈r, aaye kɔc riit piɔ̈ɔ̈th bïk duum ke enap com ë kur thäär ku në tiɔɔm piɛth yic.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Bɛ̈n 18:25

ku kuɛny kɔc lëthiic në kɔc ke Yithriɛliic ëbɛ̈n. Kuɛny keek tɔ ke ee bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër.

Bɛ̈n 9:10

Gokï ŋeth nööm, ku lekï tëde melik. Na wën aa cïk lɔ, ke Mothe ë weer ŋeth nhial në melik nɔm. Go ŋeth kɔc poor gup, ku tɔ rɔt tɔ ee tëtöök në kɔc gup, ku ɣɔ̈k.

Bɛ̈n 9:21

Ku kɔc cï jam ë Bɛ̈nydït dhɔ̈lic, acïk ɣɔ̈kken bɛ̈n puɔ̈l roor ëtɛ̈ɛ̈n, ayï lïïmken.

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Kɛ̈ŋ 22:29

Raan ŋic luɔide looi, ee bäny kek ee luöi ku acie kɔc tei.

Jeremia 40:4

Ënɔɔnë, yɛn bïï joth bei në yïcin ku luɔny yïn. Na kɔɔr bä lɔ Babilonia we yɛn, wok duëër lɔ, ku yïn bï lɔ rëër we yɛn, ku na cïï kɔɔr bä lɔ, yïn duëër döŋ. Piny ëbɛ̈n ee këdu, yïn duɛ̈ɛ̈r lɔc, ku bä lɔ tëduön kɔɔr ë yïpiɔ̈u.”

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

1 Tham 21:7

(Ku bɛ̈ny de kɔc ee ɣɔ̈k ke Thaulo tiit aa nu ëtɛ̈ɛ̈n ee köölë, acɔl Doweg ee raan wun Edom, aa bɔ̈ bï jam de Bɛ̈nydït bɛ̈n piŋ.)