Cäk 45:3 - JAM DE NHIALIC 2011

³ Ago Jothep lɛ̈k mïthëkɔcken an, “Ee yɛn Jothep mänhëdun, wää ŋoot ke pïïr?” Na wën, apiŋ ë mïthëkɔcken ee jamë, ke cïkï puk nɔm. Acïk bɛ̈n riɔ̈ɔ̈c arëët.

Cäk 45:3 Iomraidhean Croise

Cäk 37:20

Bä näkku, ku deenyku në yinh tökic në ee yïth cï dëuwë yiic. Ku abuk lueel nɔn cï läi ye nɔ̈k. Ku buk nyuöthde jɔ tïŋ bï bɛ̈n ke eeŋö?”

Cäk 42:21

Ku lëkkï röt kapäc an, “Ë yic, kë tɔ wook yök ë kë dïït tuucë, ee kë wään cuk luöi Jothep mänhëda. Wään tïŋ wok en ke cï nyin kuanyëkuany ke läŋ wook an pälku, ku cuku päl. Yen aa yïn wook gup ë kërɛɛc dïït cï wo yökë.”

Cäk 42:22

Go Ruben lɛ̈k keek an, “Cie kë wään lɛ̈k week ka? An duökï meth lui kërac, guɔkï kɛ̈n gam. Kë ë nɛ̈kku yen yekï jɔ kääny bei në wogupë.”

Cäk 43:27

Ago keek luɔp në pial ë kek gup, lueel an, “Wuöördun wään bäk lɛ̈k ɛnë an cï dhiɔp, apiɔl guöp? Ŋoot ke pïïr?”

Jop 23:15

Në biäk de ee kënë, yɛn ë riɔ̈ɔ̈c në lɔ në Yenɔm, të cän anɔm cät në këde yɛn ee lath.

Jop 4:5

Ku ënɔɔnë, ë bɛ aa yïn, ku yïn cïï yïpiɔ̈u be lëu në muk, acï yï yök ku yïn ë riɔ̈ɔ̈c arëët.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Mak 6:50

acïk tïŋ kedhie, agokï nïïm mum. Go dap jam ke keek, yöök keek an, “Mɔ̈kkï röt: ee yɛn, duökï riɔ̈c!”

Luk 5:8

Na wën, aacï Thimon Petero ye tïŋ, ke cuɛt rɔt piny ë Yecu cök, ku jɔ lueel an, “Bɛ̈nydït, jël ë yalɔ̈ɔ̈m, yɛn ee raan ee kërac looi!”

Luɔi 7:13

Na wën, aa cïk cök aa rou, ke Jothep tɔ rɔt ŋic mïthëkɔcken, go dhiën ë yï Jothep nyuöth melik.

Luɔi 9:5

Go thiëëc an, “Ee yïn ŋa, Bɛ̈nydït?” Go Bɛ̈nydït lueel an, “Ee Yɛn Yecu raan yɔŋë: atök të wec yïn wiɛth thook.”

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.