Cäk 44:2 - JAM DE NHIALIC 2011

² Ku tääuwë abïnydiën ateek në cuaal ë wën koor ë keyiic thok. Ku tääuwë wëuke në cuaalde yic ayadäŋ, wëu wën abï yen ke bɛ̈n ɣööc në agamɔ.” Go lïm këriëëc cïï Jothep lɛ̈k en looi ëbɛ̈n cït man cï yen e lueel.

Cäk 44:2 Iomraidhean Croise

Cäk 42:20

Ku lak yiɛ̈nkï yɛn mänhëdun thiinë. Yen abï jamdun jɔ tïc na ee yic yen luɛlkï. Ku wek cä bï bɛ nɔ̈k.” Agokï ee jamë gam.

Cäk 42:25

Ago Jothep cual ke mïthëkɔcken tɔ thiäŋ në agamɔ. Ku ee wëu ke ŋɛk tɔ tɛ̈ɛ̈uwë në cuaalde yic. Ku tɔ ke gëmë kacaam bïk lɔ cam kueer.

Cäk 43:32

Ago yiɛ̈n këcamde pei yetök, ku yïnë mïthëkɔcken këden pei. Ku yïnë kɔc ke Rip cäm në keek këcamden pei kapäc ayadäŋ. Në luɔi ë cïï kɔc ke Rip ee cam në kɔc ke Ɣeberuu. Aa ye kɔc ke Rip tïŋ ke ye aciɛɛn.

Cäk 44:1

Na wën, ke Jothep ë yöök lïmdɛn nu në kake baaide nïïm an, “Thiäŋ cual ke ee kɔckë në agamɔ. Gämë keek alɔ kë bïk lëu në ɣɔ̈ɔ̈c. Ku tääuwë wëu ke ŋɛk në cuaalde thok.

Cäk 44:12

Ku jɔ lïm ë Jothep cual kɔɔriic apiɛth, gɔl në cuaal ë wën dït në keyiic ale kɔ̈ɔ̈c në cuaal ë wën thiinë. Na wën, ke lɔ abïny yök në cuaal ë Benjaminic.

Cäk 44:3

Na ɣɔn amiäk aduduur, ke mïthëkɔcken ë Jothep ë ke jël ke ke lɔ Kanaan në mulken.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

2 Kor 8:8

Acie luɔi dhiɛl wek e loi en luɛɛl, ee biäk de lɛ̈th ë kɔc kɔ̈k yiic en a luɛɛl ɛn en, ku ee thëm thɛn ɛn nhiëërdun ayadäŋ nɔn ee yen yic.

Nyöŋ 13:3

duökï wël ee tiëtë gam taitai. Acïï Bɛ̈nydït Nhialicdun keek tɔ ee ka bïï ë week them, ago ë Bɛ̈nydït ŋic na nhiaarkï ë wepiɔ̈ɔ̈th ëbɛ̈n.

Nyöŋ 8:16

Acï week gäm mana ë jɔ̈ɔ̈ric bäk cam, këcam kën kuarkun kɔn cam. Acï we tuöc ka tuc thook them En ke week, aguɔkï athiɛɛi kekë kapiɛth jɔ yök në ke cök.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.