Cäk 44:18 - JAM DE NHIALIC 2011

¹⁸ Go Juda lɔ tëde Jothep, ku lëk en an, “Bɛ̈ny, yïn läŋ an tɔ ya jam wo yïn cït man ë kë kaar. Ku du piɔ̈u bï diu we yɛn. Në biäk thööŋ yïn we melik guöpde.

Cäk 44:18 Iomraidhean Croise

Cäk 18:30

Ago Abraɣam lueel an, “Du piɔ̈u bï diu wekë yɛn Bɛ̈nydït, yɛn bï ŋoot ke ya jam. Na le ee kɔc kathiërdiäk kek lɔ yök?” Go puk nɔm an, “Acä bï riɔ̈ɔ̈k të lan kɔc kathiërdiäk yök.”

Cäk 18:32

Ago Abraɣam lueel an, “Du piɔ̈u bï diu wekë yɛn, Bɛ̈nydït. Ee töŋë yen bä lueel yetök. Ku na lɔ kɔc kathiëër yök?” Go lueel an, “Yɛn cï wut bï riɔ̈ɔ̈k të lan kɔc kathiëër yök thïn.”

Cäk 37:6

Alëk keek an, “Piɛŋkï nyuöthdiën ë nyuöth ɛn kï:

Cäk 37:7

Yɛn aa nyuöth ke wo dut agamɔ domic. Na wën, ke nɔmdiën ë duööt ë ciëp ë thar piny. Go nïïm ë duötkï keek bɛ̈n ku geeukï piny. Ku gutkï kenïïm piny në yenɔm.”

Cäk 37:8

Ago mïthëkɔcken en luɔp an, “Ye tak, bä ya bɛ̈nyda ku cieŋ wo?” Agokï jɔ maan guöp arëët, në këde nyuöthde ku në këde kë lueel ë nyuöth në biäkden.

Cäk 41:40

Yïn bä gäm bääny de wundï ëbɛ̈n. Ku kɔckï kedhie, abïk kë luel aa piŋ. Ku në biäk de thööc ee yïn abï nu në yacök.

Cäk 41:44

Ku lëk ë melik en an, “Ee yɛn ee melik, acïn raan tök piny ë Rip ëbɛ̈n, raan bï këdäŋ aa looi kë kɛ̈në lɛ̈k yïn.”

Cäk 44:17

Ago Jothep lɛ̈k en an, “Ei, acie yeka! Yɛn cïï kë cït ee kënë duëër kɔn looi ë caaŋdï! Raan ë jɔt abïny yetök yen abï ya lïmdï. Ku kɔc kɔ̈kë abïk kenïïm puɔ̈k wuönden ke cïn kërɛɛc yök keek.”

2 Tham 14:12

Go tik lɛ̈k en an, “Bɛ̈nydï, ade kë kaar bä lɛ̈k yïn.” Go melik bɛ̈ɛ̈r an, “luel.”

Ethta 1:12

Na wën aa lɔ rooc ee thoŋë lɛ̈k Bacti tiiŋ Melik, go ke rɛɛc thook, ku kënë ë Melik bɛ̈n riɔ̈ɔ̈k piɔ̈u.

Jop 33:31

Ënɔɔnë Jop piŋ kë luɛɛl, ke yï pɛ̈l rɔt piny ku tɔ ya jam.

Diɛt 79:5

Bɛ̈nydït, bä gɔ̈th we wook aɣet athɛɛr? Bï agönhdu aa dɛ̈p cït man ë mac?

Bɛ̈n 32:22

Go Aron puk nɔm an, “Du piɔ̈u diu wekë yɛn, yïn ŋic ee kɔckë luɔidɛn nhiɛɛr kek kërac.

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Danyel 3:15

Ënɔɔnë të cä wek röl de kaaŋ piŋ, ku aruöör ku thom ku lɔ̈ɔ̈r leŋ ku lɔ̈ɔ̈r dït ku agiɛɛr ku ka kɔ̈k ye gut, guötkï wenïïm piny ku lamkï kë cï käär. Na cäkï loi, ke we bï cuat ë many dɛ̈pic raantök. Yak tak de yanh duëër we kony?”

Danyel 5:19

Aa dït aläl ka kɔc ke wuöt ë piny nɔm ëbɛ̈n, ku juöör, ku dhiën ku thook, aake ye riɔ̈ɔ̈c në yen abï ke lath. Na kɔɔr bïï raan nɔ̈k, aye nɔ̈k, ku na kɔɔr bïï raan tɔ pïïr aye tɔ pïïr. Raan kɔɔr bï riëëu ayï riëëu ku raan kɔɔr bï yɔ̈ɔ̈r aye yɔ̈ɔ̈r.

Jɔn 5:22

Acïn raan ee Wääda löŋde guiir, acï guiëërëlöŋ tääu ë Wënde ciin ëbɛ̈n.

Luɔi 2:29

“Wek wäthii mïthëkɔckuɔ, acïn kë pën ɛn guiëër guiëër ɛn week në këde Debid kuɛɛrdan thɛɛr an, abï thou, ku acï thiɔ̈k, ku raŋde atɔ̈u kekë wook aɣet cï ëköölë.