Cäk 43:23 - JAM DE NHIALIC 2011

²³ Go lïm puɔ̈k nɔm keek an, “Duökï tɔ mum wenïïm, ku duökï riɔ̈c. Nhialicdun, Nhialic de wuöördun Yen adhil ke puɔ̈k nïïm në cualkuniic. Wëukun acä ke nööm.” Na wën, ke lɔ Thimion bɛ̈ɛ̈i të nu kek.

Cäk 43:23 Iomraidhean Croise

Cäk 42:24

Ago Jothep jäl në kelɔ̈m le dhiau. Na wën, aacï thök ë dhiëëu, ke bɔ̈ të nu kek. Ku dɔm Thimion, ku dut ke woikï.

Cäk 42:28

Go mïthëkɔcken yɔ̈ɔ̈k an, “Wëukï acï keek dɔ̈k nïïm ɛn, kekï në cuaal thok!” Agokï piɔ̈ɔ̈th ŋɛɛr kedhie, ku woikï kenyïïn ke ke lɛthë keek. Ku luelkï an, “Eeŋö ee kë cïï Nhialic luöi wookë?”

Cäk 42:36

Ago wuönden lɛ̈k keek an, “Kaarkï bäk mïthkï mɔ̈ɔ̈r kedhie? Jothep ka wään cï määrë. Ku Thimion kï cï bɛ määrë. Ku yekï kaarkï an bɛkï Benjamin jɔtë. Ee yɛn abï nyin jɔ lɔ̈ɔ̈k kuany!”

Cäk 43:14

Ku Nhialic Awärjäŋ, abï bɛ̈ny de Rip tɔ kok piɔ̈u ke week. Ku gëm week mänhëdun kekë Benjamin. Na cï gɔ̈ɔ̈r nɔn bï mïthkï määr, ke ke mär!”

Cäk 43:22

Wok kuc raan ë jɔ wëu tääu ë cual thook. Ku wok ë wëu kɔ̈k bɛ̈ɛ̈i bï wok bɛ̈n ɣööc në kacaam kɔ̈k.”

1 Lëk 12:18

Go Wëidït ke Nhialic bɛ̈n në raan töŋden guöp, go Amathai ɣɔn cï bɛ̈n aa bɛ̈ny de thiërdiäk lueel an, “Debid wën de Jethe, wok ee kɔcku! Yïn bï tiam wekë kɔc kony yïn! Nhialic atɔ̈u ë biäkdu.” Go Debid ke cɔɔl, ku tɔ keek ee bäny ke remdɛn de tɔŋ.

1 Lëk 12:19

Go rem däŋ de tɔŋ ë dhiën ë Manatha röt mät Debid, wään le ë Debid tɔŋ kekë rem de tɔŋ ë Pilithiin, bïk lɔ thɔ̈ɔ̈r ë melik Thaulo. Aake kën kɔc ke Pilithiin kony ë yic, në biäk riɔ̈ɔ̈c ë meliik ke Pilithiin, ayek lueel nɔn duëër yen keek nyiɛɛn tëde Thaulo bɛ̈nydɛn thɛɛr, agokï tɔ puk rɔt ciëën Dhiklak.

Edhr 4:17

Go Melik awerek pɔ̈k nɔm keek an, “Kënë alɔ tëde Reɣum bɛ̈ny de wuöt ku Cimcai raan ee käŋ gɔ̈ɔ̈r ku kɔc luui ë keek në Thamaria ku jɔ ya wuöt kɔ̈k tɔ̈u në piny ë wɛ̈ɛ̈r ë Yuparat lɔŋ tui, wek cuk thiëëc, cäk niin apiɛth?

Luk 10:5

Ku ɣön bä wek lɔ thïn ke jakï kɔn lueel an, ‘Ë mät tɔ̈u ke ɣönë.’

Luk 24:36

Na wën, aa ŋootkï ke ke luel kakë, ke Yecu guöp ke jɔ tuöl ë keyiic cil, yöök keek an, “Ë mät tɔ̈u ë weyiic.”

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 20:19

Na ɣɔn thëën, ë köölmanë guöp, yen aye kööl tueŋ ë akööl kadhorou yiic, të cï ɣöt gäär, ɣön cï kɔcpiööcë guëër thïn, në riɔ̈ɔ̈c riɔ̈ɔ̈c kek ë Judai, ke Yecu bɔ̈ ku kɛ̈ɛ̈c ë ciɛɛlic, yöök keek, an, “Ë mät tɔ̈u ke week.”

Jɔn 20:21

Go Yecu ke bɛ yɔ̈ɔ̈k an, “Ë mät tɔ̈u ke week, cït man cï Wäär a tooc, yen atuɔɔc ɛn week aya.”

Jɔn 20:26

Na wën, aacï nïn aa bɛ̈t, ke kɔckɛn ë piööcë ke ke be guëër ɣöt, ku nu Thoma kekë keek. Na wën, ke Yecu bɔ̈, ku ɣöt acï gäär, bïï ku kɛ̈ɛ̈c ë ciɛɛlic, lueel an, “Ë mät tɔ̈u ke week.”

Bäny 19:20

Go monydït bɛ̈ɛ̈r, an, “Wek duëër bɛ̈n paandï wek bä gäm këduön kaarkï ëbɛ̈n. Duökï bï niin wutic cil.”

Bäny 6:23

Ago Bɛ̈nydït lɛ̈k yen an, “Ee Mät! Du riɔ̈ɔ̈c. Yïn cïï bï thou.”

1 Tham 25:6

Gokï yɔ̈ɔ̈k bïk lɛ̈k Nabal an, “Yïn bï pïïr anandu, ku yïn bï guöp aa pial, wekë paandu, ku kakuön cath ë yïn abïk gup pial kedhie.