Cäk 42:21 - JAM DE NHIALIC 2011

²¹ Ku lëkkï röt kapäc an, “Ë yic, kë tɔ wook yök ë kë dïït tuucë, ee kë wään cuk luöi Jothep mänhëda. Wään tïŋ wok en ke cï nyin kuanyëkuany ke läŋ wook an pälku, ku cuku päl. Yen aa yïn wook gup ë kërɛɛc dïït cï wo yökë.”

Cäk 42:21 Iomraidhean Croise

Cäk 41:9

Go raan ee mäu ke melik thiëëp lɛ̈k melik, an, “Yɛn ë nɔm tak në awänydiën wään cä looi ee köölë.

Cäk 44:16

Ago Juda puɔ̈k nɔm en an, “Acïn këdan buk lɛ̈k yïn bɛ̈ny. Eeŋö buk lueel në yïn? Ee käŋö duëër wok röt kony? Nhialic awänyda nyuɔɔth. Wok bï jɔ aa lïïmku wodhie, acï bï bɛ aa raan ë yök abïny tëde yen yetök.”

Cäk 45:3

Ago Jothep lɛ̈k mïthëkɔcken an, “Ee yɛn Jothep mänhëdun, wää ŋoot ke pïïr?” Na wën, apiŋ ë mïthëkɔcken ee jamë, ke cïkï puk nɔm. Acïk bɛ̈n riɔ̈ɔ̈c arëët.

Cäk 50:15

Na wën, aa tïŋ ë mïthëkɔcken ë Jothep luɔi cï wuönden thou, ke luelkï an, “Jothep abï wo dhiɛl jɔ maan gup ee kë ciëënë. Ku abï karɛc wään luiku yen dhiɛl jɔ cool nïïm.”

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

1 Mel 17:18

Go tiiŋ thuööm lɛ̈k Elija, an, “Raan de Nhialic eeŋö lui yïn ɛn ee kënë? Ee yï bɔ̈ eenë bä Nhialic bɛ̈n täk nɔm në awɛ̈ɛ̈ckï ku tɔ wëndï thou?”

Kɛ̈ŋ 21:13

Raan ee yeyïc kum të piŋ en kiɛɛu de raan kuanynyin, yïth acïkï bï piŋ në kööl ë kiɛɛude.

Kɛ̈ŋ 28:17

Raan cï riɛk yök në këde raan cï nɔ̈k, abï dhil aa pɔ̈l ke kuany piny ke cïn raan kony en.

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Jeremia 2:19

Awänyduön cäk loi yen abï we luöi këtuc, ku jäldun tëde Yɛn abï we luöi këtuc. Abäk ŋic nɔn tuc en thok ku rɛɛc, yen kë cä wek Ɛn nyääŋ piny, Yɛn Bɛ̈nydït Nhialicdun, ku bɛkï piɔ̈ɔ̈th ciɛ̈n adöt në Yɛn. Acä lueel, Yɛn Bɛ̈nydït Awärjäŋ.”

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Jeremia 4:18

Juda, yïn cï ee kënë luöi rɔt yïtök në kueerduön ee yïn pïïr, ku në biäk de kakuön cï looi. Karɛcku acïk yïn tɔ nuan, acïk yïn gut piɔ̈u.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Kuɛ̈n 32:23

Na cäkkï këduön cak lueel e looi, ke wek bï ya kɔc cï kërac luöi Bɛ̈nydït, duökï awɛ̈ɛ̈c loi në biäk de ë kënë, ke we cïï bï kuööm në awänydun.

Math 7:2

Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Mak 9:48

të cïï thiënde ee thou, ku cïï mac ë nɔ̈k anande.

Luk 16:28

wɛ̈ɛ̈tamäthkuɔ anukï kadhïc, toc abï aa cäätɔ bï ke lɔ cök ë yöök en ke, ke ke cïï bï bɛ̈n ee tënë aya, të ye kɔc leeŋ wëi thïn.’

Luɔi 19:18

Na wën, ke kɔc cï gam ke ke bɔ̈, ku gamkï cä wööc, luelkï karɛc cïk looi.

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.

Bäny 1:7

Na wën ke lueel Adonibedhek an, “Yɛn ë butbuut ku riöp ke cök ke meliik kathiërdhorou tɛ̈ɛ̈m bei kedhie, ku aake ye cam në athueithueei ee lööny piny ë yathok, cït man cän ye looi, acï Nhialic guöör.” Go lɛɛr Jeruthalem, të wään cï yen lɔ thou thïn.