Cäk 42:13 - JAM DE NHIALIC 2011

¹³ Gokï lueel an, “Wok aaye thiëër ku rou, wok mïth ke mony tök, bɛ̈ny, ku wääda arɛ̈ɛ̈r piny ë Kanaan. Ënɔɔnë, mänhëdan tök ë thou, ku mänhëdan thiinë ë döŋ wut ke wääda.”

Cäk 42:13 Iomraidhean Croise

Cäk 37:30

Ku puk enɔm të nu mïthëkɔcken. Le lɛ̈k keek an, “Cɔ̈k a nɔm ë nou, meth aliu ëtɛ̈ɛ̈n?”

Cäk 42:11

Wok ee mïth ke mony tök wodhie. Wok cie nëëm, wok ee kɔc piɛth.

Cäk 42:12

Go Jothep ŋak, lëk keek an, “Ei, wek ee nëëm, wek aa bɔ̈ bäk wunda bɛ̈n caathic në të kɔ̈c.”

Cäk 42:14

Go Jothep lɛ̈k keek an, “Wek ee nëëm ë yic, cït man cän e lɛ̈k week.

Cäk 42:32

Wok ee wɛ̈ɛ̈t ke mony tök wathiëër ku rou. Ku mänhëdan tök ëbɛ̈n thou. Ku mänhëdan thiinë ë döŋ Kanaan kekë wääda.’

Cäk 42:36

Ago wuönden lɛ̈k keek an, “Kaarkï bäk mïthkï mɔ̈ɔ̈r kedhie? Jothep ka wään cï määrë. Ku Thimion kï cï bɛ määrë. Ku yekï kaarkï an bɛkï Benjamin jɔtë. Ee yɛn abï nyin jɔ lɔ̈ɔ̈k kuany!”

Cäk 42:38

Go Jakop lɛ̈k keek an, “Mɛnhdï acä bï tɔ lɔ ke week, ee yen ë dɔ̈ŋ yetök në man nɔm. Mänhë ka wään cï thouwë. Na jɔ dɛ kërɛɛc lɔ ye yök kueer? Acä bï lëu, yɛn cï dhiɔp. Na de kë lɔ rɔt looi, wek bï ya tɔ lɔ paan ë thuɔɔu ë dhiën ë piɔ̈u.”

Cäk 43:29

Na wën, atïŋ Jothep Benjamin mänhë, ke lop ke, an, “Ka ee yen mänhëduön thiin wään bäk lueel kï? Yïn bï Nhialic thieei mɛnhdï.”

Cäk 43:7

Agokï puɔ̈k nɔm en an, “Raan alop wook në baaida ëbɛ̈n an, ‘Wuöördun ŋoot ke pïïr? Dɛkï nïïm mänhëduön däŋ? Ka wook ee lop yen apukku nɔm. Duëërku jɔ ŋic adï luɔi bï yen wook yɔ̈ɔ̈k an, Lak bäkï në mänhëdun ëtök?’”

Cäk 44:20

Goku puɔ̈k nɔm yïn an, ‘Wääda anu ku ë dhiɔp, ku wo de nïïm mänhëdan koor. Wën ë dhiëëth wääda ɣɔn cï yen dhiɔp. Ku mänhë ee mɛnhë ë thou. Ka ee yen acï döŋ yetök ke pïïr në man nɔm. Ku anhiɛɛr ë wun en guöp arëët.’

Cäk 44:28

Ku tök në keyiic ka wään cï ya nyääŋ pinyë. Ku aŋiɛc luɔi cï län roor ë thim e thïïm në luɔi kɛ̈n ɛn en bɛ tïŋ ë cieŋ ë jël en.

Cäk 45:26

Na wën, ke lek lɛ̈k wuönden an, “Jothep apïïr! Ee yen ee bɛ̈ny ë Rip ëbɛ̈n!” Ago Jakop gäi arëët, ku cïï jamden gam.

Jeremia 31:15

Aye Bɛ̈nydït lueel an, “Awuɔɔu aye piŋ ë Rama, awuɔɔu ë dhiën kec. Racel adhiëëu mïthke, acï ke nɔ̈k, ku acï luŋëpiɔ̈u rɛɛc.

Dhiëëu 5:7

Kuarkuɔ acïk kërac looi, ku ënɔɔnë acïk jäl, ku wok nuan në biäk de karɛcken.

Math 2:16

Na wën, acï Ɣerod ë tïŋ nɔn cï ë geet në röör pelnïïm, go gɔ̈th agönh rac, go kɔc tooc, ku tɔ mïthwät nu Betheleɣem näk kedhie, ayï mïth nu bɛ̈i ruup kedhie, cak në mïth cï runken aa rou ayï mïth lɔ ë kecök, cït man cï en ë cök ë lop en en tëde röör pelnïïm.

Math 2:18

“Röl aye piŋ ë Rama, Akiëëu ku dhiëëu ku dhuöör dït, Racel ee mïthke dhiëëu, ku reec luŋ lukë ye, luɔi liiu kek.