Cäk 42:10 - JAM DE NHIALIC 2011

¹⁰ Gokï puk nɔm an, “Ei bɛ̈ny, acie yen. Wok ee lïïm lɛɛn ë bï bɛ̈n ɣööc në kacaam kapäc.”

Cäk 42:10 Iomraidhean Croise

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

Cäk 27:37

Ago Yithaak puɔ̈k nɔm Ethau, an, “Acä tɔ ye bɛ̈nydu, ku kɔcku acä keek tɔ ye lïïmke kedhie. Ku acä thiëi rap, ku mɔ̈u, ku yɛn ë mat wokë yen. Ka eeŋö däŋ bä bɛ gäm yïn mɛnhdï?”

Cäk 37:8

Ago mïthëkɔcken en luɔp an, “Ye tak, bä ya bɛ̈nyda ku cieŋ wo?” Agokï jɔ maan guöp arëët, në këde nyuöthde ku në këde kë lueel ë nyuöth në biäkden.

Cäk 42:11

Wok ee mïth ke mony tök wodhie. Wok cie nëëm, wok ee kɔc piɛth.

Cäk 44:9

Piŋ bɛ̈ny, na de raan le yïn en yök tëde en, ke näk. Ku tɔ kɔc kɔ̈kë ee lïïmku.”

1 Mel 18:7

Na wën ke Obadaya räm kekë Elija kueer. Go Obadaya ye ŋic, ago guŋ ë yenɔm ku lop, an, “Ee yïn bɛ̈nydï Elija?”

1 Tham 26:17

Ëtɛ̈ɛ̈n go Thaulo Debid guɔ ŋic röl ku lop, an, “Ee yïn Debid wëndï?” Go Debid bɛ̈ɛ̈r an, “Ɣɛɛ, bɛ̈nydï.”