Cäk 41:43 - JAM DE NHIALIC 2011

⁴³ Ku tɔ kɛɛc në abëlde yic, abël ye abëëlke rou. Ku tɔ kɔckɛn ee yen tiit lɔ në yenɔm tueŋ, ke lueelkï an, “Guötkï wemiöl piny.” Ku jɔ Jothep tɔ ye bɛ̈ny de Rip ëbɛ̈n.

Cäk 41:43 Iomraidhean Croise

Cäk 41:42

Ku puut melik guelade bei në yeciin, ku tɛ̈ɛ̈u në Jothep ciin. Ku yïk Jothep kɔ̈u lupɔ piɛth lɔ mot, ku yïk yeth kuat adhääp.

Cäk 41:44

Ku lëk ë melik en an, “Ee yɛn ee melik, acïn raan tök piny ë Rip ëbɛ̈n, raan bï këdäŋ aa looi kë kɛ̈në lɛ̈k yïn.”

Cäk 42:30

“Bɛ̈ny de Rip ë wo lɔ kuöc jääm arac. Ku dhööl wook an yok nëëm lɔ wunde caathic.

Cäk 42:33

Go bɛ̈ny de wut lɛ̈k wook an, ‘Yen kë bän week jɔ ŋic kï nɔn ya wek kɔc piɛth ë yic: nyääŋkï mänhëduön tök piny eenë. Ku nɔ̈mkï agamɔ jälkï, yiɛ̈nkï ke bɛ̈ikuön nɛ̈kë cɔk.

Cäk 42:6

Ku Jothep yen aaye bɛ̈ny ë Rip ëbɛ̈n. Ee yen ë ye agamɔ ɣɔ̈c kɔc ke piny nɔm ëbɛ̈n. Ago mïthëkɔcken ë Jothep bɛ̈n, ku tukkï kemiöl në Jothep nɔm. Ku gutkï kenïïm piny.

Cäk 45:26

Na wën, ke lek lɛ̈k wuönden an, “Jothep apïïr! Ee yen ee bɛ̈ny ë Rip ëbɛ̈n!” Ago Jakop gäi arëët, ku cïï jamden gam.

Cäk 45:8

Ka acie wek ë tooc ɛn wei. Ee Nhialic Yen ë tuuc ɛn eenë. Ku tɔ yɛn ee bɛ̈nydïït de melik. Ago melik ɛn tɔ ye bɛ̈ny ë wunde ëbɛ̈n. Ka yɛn ee bɛ̈ny ë Rip ëbɛ̈n ënɔɔnë.

Cäk 50:18

Na wën, ke mïthëkɔcken ë ke bɔ̈ në gupken. Ku gutkï kenïïm piny në yenɔm. Ku lëkkï yen an, “Wokï kääc në yïnɔmë, wok cï ya lïïmku.”

Cäk 50:9

Aa ye kut dïït ë kɔc yen ë lɔ. Kɔc cath abëëliic, ayï kɔc cath në jöŋgöör kɔ̈ɔ̈th.

Ethta 10:3

Modekayo raan de Judai, yen aaye bɛ̈ny tɔ̈u në Melik Athuwereth cök guöpde. Yen aaye Judai luöi këpiɛth rɔ̈ŋ ke keek, ku jɔ aa rëërdɛn bï kek rëër ë dïu. Gokï Modekayo bɛ̈n aa dhuëëŋ guöp, ku jɔ aa nhiaar guöp në kɔc juëckɛn ke Judai.

Ethta 3:2

Go Melik kɔc lui baaide yɔ̈ɔ̈k, bïk riëëuden nyuöth Ɣaman, në tuŋ de miɔl kekë guŋ ë yenɔm. Go kɔc kedhie looi aya, ku ee Modekayo yen acï jaai, në luɔi bï yen e looi aya.

Wɛ̈ɛ̈t 4:14

Yen ee dhuŋë, cakaa yen ë lony aloocic lee ë thööc nɔm, ku nɔn ë dhiëth wunden ke kuanynyin.

Danyel 2:48

Ago Danyel gäm bäänydïït agök, ku gëm miɔ̈c lɔyum, ku tɔ ye bɛ̈ny de paan de Babilon, ku tɔ ye bɛ̈ny nu në röör pelnïïm ke melik nïïm.

Luɔi 7:10

ago luök në ka cï e miɛn ëbɛ̈n, ku gëm dhuëëŋ ku pɛlënɔm ë melik nɔm, yen aaye melik de Rip, ago dɔm abï aa bɛ̈nydït nu ë Rip nɔm ku dhiënde nɔm ëbɛ̈n.

Pilipoi 2:10

Ku bïï miɔl tuk kedhie në rin ke Yecu, miɔl ke ka nu paannhial, ku ka nu ë piny nɔm, ku ka nu ë piny thar,