Cäk 41:25 - JAM DE NHIALIC 2011

²⁵ Go Jothep lɛ̈k melik, an, “Nyuöthku kaarou aluelkï tök: Nhialic ë yï lɛ̈k kë kɔɔr bï looi.

Cäk 41:25 Iomraidhean Croise

Cäk 40:8

Gokï puɔ̈k nɔm en an, “Wok ë nyuöth wën akɔ̈u, ku acïn raandan wëër keyiic wook.” Go Jothep lɛ̈k keek an, “Ee Nhialic Yen ee raan gäm riɛl yen nyuöth weeriic, ka week guiëërkï yɛn nyuöthkun.”

Cäk 41:16

Go Jothep puk nɔm an, “Acä duëër lëu yɛn në wër ë yic, ee Nhialic Yen abï melik gäm wër ë yic bï yï miët piɔ̈u.”

Cäk 41:26

Ɣɔ̈k cuɛikë kadhorou ee run kadhorou. Ku nïïm ke rap cï ŋiëc luɔk apiɛthë kadhorou ee run kadhorou ayadäŋ. Kedhie aluelkï tök.

Cäk 41:28

Cït man awën cän e lɛ̈k yïn, an Nhialic ë yï nyuöth kë kɔɔr bï looi.

Cäk 41:32

Ku nyöŋ cïn nyuöthdu nyɔkic, anyooth luɔi cï Nhialic jam tɔ ye yic, ku abï dap tɔ loi rɔt.

Diɛt 98:2

Bɛ̈nydït acï tiëmde tɔ ŋic, acï riɛldɛn ë kuɔɔny të ŋic ë juöör.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 43:9

Cöölë juöör bïk bɛ̈n në luk nɔm. Ee yanhou në yiëthken yiic duëër ka bï tuöl caar? Eeŋa në keyiic cï ka loi röt ee nɔɔnë kɔn lueel? Takkï ee yiëthkë bïï cätɔɔken bïk bɛ̈n nyooth nɔn de kek yic, bïk wël luelkï bɛ̈n tɔ ee yith.

Danyel 2:45

Ku acï tïŋ nɔn cï kuur löny nhial ke cïn raan cï ye jak, ku luöi cï yen kë cï käär ë wëëth, ku maläŋ ku tiɔp, ku ateek ku adhääp yup. Nhialic dït alɛ̈k melik kë bï tuöl wadäŋ. Yïn cä lɛ̈k nyuöthdu ë wop, ku lɛ̈k yïn kë lueel ë nyuöth ë yic.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Math 24:40

Ëköölë kɔc kaarou abïk nu domic, tök abï jɔt, ku nyiëëŋë tök piny.

Mak 13:23

Ku week, yak röt tiit! Tiëŋkï, we cä kɔn lɛ̈k käŋ kedhie.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Jocua 11:6

Go Bɛ̈nydït lɛ̈k Jocua, an, “Du riɔ̈c në keek. Miäk aköl wälë, abä ke gäm Yithriɛl ke ke cï thök ë nääk kedhie. Wek bï jöŋgöörken tɔ ye ŋöl miäk, ku ɣaakkï abëëlkɛn ke tɔŋ.

Nyuuth 4:1

Na wën, aacï kakë thök, ke ya jɔt a nyin, guɔ paannhial tïŋ acï liep thok. Ku röl cä kɔn piŋ acït röl ë kaaŋ ke jam ke yɛn, lueel, an, Bä nhial tënë, ku yïn bä nyuöth ka bï dhil lɔ̈ɔ̈k tïc ë kakë cök.